Aizawl FC in Federation Cup an khelh tur thu ziah a ni tawh a. Hrechiang duh tan HETAH hian a en leh theih ang. Chumi bawhzui chuan nimin zing khan Zonet leh Zofooty tangkawp chuan Aizawl FC Practice Ground AR Lammual ah kan va tlawh a. An practice laite enpuiin Manager, Coach leh Player thenkhatte kawmna hun kan nei bawk a ni. Nimin lammual report tlem azawng han tarlang ila.
Federation cup hi enge? Tu te’n nge khel thei?
Federation cup 1977 atanga kheh tan tawh a ni a. Champion lai hi Salgaocar niin champion hnem ber erawh Mohun Bagan an ni thung. Mohun Bagan hi vawi 13 lai an champion tawh a ni.
Federation club khel tur hi team 16 an awm a. I-League club 14 te hi tling sa an ni a. Season hmasa lama I-League 2nd division Final round khel te’n qualifyng an khel ang a, group hnihah inthenin group-a a sang ve ve te an qualify ang.
Engvangin Aizawl FC te hian an khelh ve?
Aizawl FC hian season hmasa khan I-League 2nd division qualifying pal tlangin final round an lut a, mahse vanduaithlak takin I-League ah erawh an in pet tling zo lo hlauh a. Hei vang hian a chunga kan sawi ang hian final round an luh avangin qualifying hi an khelh theih phah a ni.
AR Lammual lam ve thung
Aizawl FC hian an practice ngawrh hle a. Qualifying round hi paltlang an tum hle a ni. Qualifying ah hian I-League 2nd Division final round-a an lo hneh tawh loh Mohammedan Sporting Club te nen group khatah an awm hova, an tan chuan ‘phuba’ lakna chance a ni ngei ang. Tin, an group-ah hian HAL (Bangalore) an awm bawk. An qualify anih chuan final round chungchang chu a hranin kan rawn tarlang dawn nia.
Manager leh Coach kawmna
Manager Hmingthana chuan an qualify theih an inrin thu leh an players te chhiat bik loh thu a sawi a. Mahse qualify tur chuan an fight ve viau a ngaih tur thu a sawi bawk.
I-League 2nd division- an hneh tawh loh Mohammedan Sporting Club chu tum leh a chak thu leh hneh an tum tur thu a sawi a. Club dangte paw’n an huphurh ve tho a ni tiin a sawi.
Coach Gosen Rammawia chuan players inhliam leh zin thei lo nei nual mah se players an neithat tawk avangin an tuar loh a rin thu a sawi a. An qualify ngei pawh a ring a ni.
Players kawmna
Players ah hian Vice Captain Zirtea, Winger Rammawia leh midfielder Francis (Tetea) te kawm an ni a.
Zirtea hian Season hmasa lama an hneh loh Mohammedan Sporting Club chu a tum leh chak thu leh an hneh a rin tawh thu a sawi a, Pathian zarah an qualify ngei a rin thu a sawi bawk.
Rammawia thung chuan season hmasa angin foreign player nei lovin an captain-in chhuahsan mah se an la that thu leh tun season hi an that zawk a rin thu a sawi a. Pathian zarah kan qualify ang a ti bawk.
Francis-a chuan tun season atang chiah Aizawl FC hi zawm mah ila nuam ka ti a, ka zin nghal tur pawh hi ka phur a, Pathian zarah kan qualify ngei pawh ka ring a ni tiin a sawi bawk.
Tlangkawmna
Kan hriat angin Aizawl FC hian season hmasa khan I-League 2nd division final round an lut a, tunah Federation Cup Qualifying an khel leh dawn a. Hetiang ang club an awm hi a ropuiin Mizoram football hmasawnna zel a ni a. Qualify ngei turin duhsakna kan hlan a ni.
Inrinni hian Lengpui Airport atang Kolkata panin an thlawk thla ang a, Kolkata atang hian Bus-in an inkhelhna tur hmun, Jamshedpur an pan leh dawn a ni.
Brand name cialis overnight
Best way to take cialis
Zu che bon teh se,
Tlangval zei leh hmeltha, Zama nge nge, tun tum pawh a ngaihnawmin a fel fai tha leh e… AFC te ka duhsakna sangber leh a dawttu leh a dawt lehtu ka hlan e.
Ngaihdan sawi lawks: Player kan sawi dan leh ziah dan hi, saptawng a nih avangin s kan telh dan hi ngaihpawimawh a tha. Player-te kan tih chuan a dik a, players-te kan tih chuan a diklo. Plural leh singular hman thiam a pawimawh. Mipakhat sawina a nih chuan player a ni mai a.
Entirnan:
Dik: In player zingah inhliam engzatnge awm?
Diklo: In players zingah inhliam engzatnge awm?
A sawitum chu a chiang, mahse midang zirtirtu kan ni reng tih hrethar leh teh ang u. “Pathian thu sawi hovin duhthawh luat avanga VAWIIN NI an tih chhen pawh hi a hneawm angreng”. (Haha)
All the Best Aizawl FC.
Federation qualifying a ni maw an khelh tur hi. Huphurhawm viau na a, MPL Playoff vel atangin an inbuatsaihna a tha chho bawk a, I-League 2nd divsion final round ah te an lo zu khel sil ve tawh bawk nen, beisei chu a sang ve khawp mai.
@laipuichhuanga : a rem anih phawt chuan kan la rawn tarlang dawn nia.
Lawmwm thn e,tha takin zu khl se,tling ngei sela,rn champ hlauh mai2 nghe2 selah,hei senso te ahautak dn sia,kn MPL clb teho sum hmuhna(sponsorship deal etc.)tlagpui tehi la rwn tarlan theih ni selah,mipuiten kn hriat ve pwh angai dwn lawmi ka tia
Best of luck AFC