History fel fai tak neih hi hnam ropuina pakhat chu a ni. Mizoramin football-ah hmasawnna tak tak neih kan duh chuan football history fel fai tak kan neih a ngai a ni. Chutiang bawkin ZoFooties te hian Mizoram football hmasawn tak tak kan duh chuan history ziah hi kan tih makmawh niin a lang. A tangkai dan tur kan hriat theuh avangin a pawimawhna lam hi chu sawi vak lo mai ila, hma kan lak dan tur i hi kan tarlang zawk ange.
1. Kan thil hriatte i thawhkhawm ang u:
Kan hriat chen chu a in ang lo maithei, mahse kan hriat ang theuh kan thawh khawm chuan a kimchang ngei a rinawm. Chuvang chuan kan hriat ang kan sawi theihna tur hmun kan neih a ngai, chutiang hmun tur atan chuan e-mail leh facebook group siam a ni.
a) zofooty.footballhistory@gmail.com
He mail ah hian documents kan neih ang te leh kan thil hriat ang te kan thawn ang.
b) Zofooty – Mizoram Football History
Facebook kan khawih tam a, a awlsam bawk a. Chuvang chuan Facebook lamah pawh kan thil hriat ang kan sawi theih nan group siam a ni a, chu Group chu ZoFooty – Mizoram Football History a ni. He group hi open group a ni a, kan ngaihdan te kan sawi anga, mahse group a in add hi thil ninawm anih avangin an duh tih kan hriat loh chuan tumah in add loh tur a ni.
2. Inteview:
Interview hi a pawimawh ber tur a ni a, mahse tunge kan interview tur tih hi hriat a har khawp mai. Interview tur leh mi pawimawh tur hria kan awm chuan a chunga kan e-mail leh facebook group kan tarlang kaltlang hian kan in hriattir dawn nia. Interview thei kan awm anih chuan a lawmmawm lam zel a ni bawk.
3. Lehkhabu, magazine leh chanchinbu:
Lehkhabu, magazine leh chanchibu te hi ro tling a ni a, Mizoram football history ziahna lo dahtha kan awm anih chuan xerox tura hawh kan dil nghal e.
4. Engtinnge thudik ngei kan ziak tih kan hriat ang?
Kan zawh chin apiang post kan rawn siam anga, hetah hian sawisel theih a ni ang. Hemi bakah hian siam zawh hnuah proof reading nei turin football lama mi hmasate leh kan hruaitute ngen anni bawk ang.
5.Engtikahnge kan zawh ang?
Thil awmlsam anihloh avangin kan zo lawk lovang, mahse hnungtawlh lova kal reng erawh kan tum dawn a ni.
Ngaihdan tha tak tak a la awm thei ang, ngaihdan dang nei kan awm anih chuan comment lamah kan chhunzawm dawn nia.
cialis dosage 40 mg
generic for cialis
Free viagra
Buy viagra no prescription required
hetiang ti thei/peih in awm hi a va lawmawm thin em. Zofooty nge nge. A hlawhtling ngei ang.
@Cleverley VRT
Hmalam hun chu a pawimawh khawp mai, MFA lam kutah dah ang u. Thiltha tak tak rawn thleng turah ngai ang. Keini lam chuan kan ngaihdan kan sawi hi a tha fu in ka hria, an kal fuh loh chuan kan lo sel anga, an chetthat leh kan fak anga. A awlsam phian.
@Zaia Roite
U Zai, tihtheih chu kan neih vek a rinawm, information lo lak khawm atanga Mizo tawng lo chul mam thlengin.
Tha lutuk history kan ngaihpawimawh rual rual hian hmalam hun pawh ngai pawimawh ila…
Van tha thin em?zofooty ge2
A va tha dawn em! Tih theih ka neih ve ang em aw??
ava han tha tak em,tha lutuk,hlawhtling ngei turin ka duhsak a che u
lawmawm dawn hle mai.zofooty nge nge..kan ti teh ang.
Harsa dawn ve, Mizoram pum ang phei chuan. In inpekna ah in fakawm thlawt…ka like mawl mawlh e.
@Ben
Ti lawmawm e. Kan tang tlang zel ang chu…
Zofooty admin te ka thlawp e… kan ram tan ro pakhat a ni ngei ang…
@Dear Zara.. Ka chiang e.. Hma kan sawn zel e.. Zofooty tluang takin kal zel teh se..
@Ben
Kan tum dawn alawm, hahthak dawn tih chu a chiang. Mizoram Football in hma a sawn a. MFA hruaitute an fakawm (club hruaitute fak tur pawh an nei teuh). Hmalakna tur tam tak an nei a, keini pawn kan pui thei bawk. Kan in pui tawn dawn tihna a ni e.
A tha khawp mai. A tluk a awmlo. Mahse, Admin te tan a va hahthlak dawn ve. DFA a in register Club te hian an Club history mumal tak hi DFA/MFA hnenah thehlut se la a tha phianlo maw?? MFA hian site mumal tak neiin DFA hrang hranga club te chanchin hi dah theih nise te ka tia..
Zofooty dam reng rawh se! Ti phawt teh ang. Thawh tur nei lo ber tur si kan phur hluai pek chu..admin lam te ruahmanna a tha thin hle mai,ka thlawp e.
Piceless..:)