ZoFooty chuan vanneihthlak takin Inrinni, May ni 26, 2012 khan Pu Ari Benjamin LR Hmar kawmna hun kan nei thei hlauh mai a. Tuna AR Lammual-a khelh mek Central YMA Football Tournament chungchang zawhna tlemte Admin Zara’n a zawt a ni.

Microphone kan lo in rin loh avangin a audio hi duh angin a chiang lova, chhiartute (video entute) ngaihdamna kan dil nghal a ni.

Interview transcript a hnuaiah hian kan rawn dah nghal bawk e.

ZARA: Central YMA Football Tournament vawi 17-na neih mek a ni a. Ka bulah hian Pu Ari Benjamin L.R. Hmar a awm a. Ani hi tuna tournament-a technical secretary a ni. Zawhna tlem kan han zawt ang e. Pu Ari, tuna tournament hi Central YMA Football Tournament a ni a, enge in organise chhan a hi min hrilh thei em?

ARI BENJAMIN: Central YMA hnuaiah branch hrang hrang, thingtlanga mite, Aizawla mite an awm a, tah hian, in unau tlan nana tih a ni a. Tunlaia kan boruak in hria a. Central YMA-in Mizo hnam inpumkhat nana tournament a buatsaih a ni a. Chuan, hei kan han ti a, players thingtlang lampang mite han lakchhuahna hun remchang tak a ni a. Hei hi kum tin kan tih thin tawh a ni a, han ti ila, tun kum hnih-kum thumah hian kum hnih danahte kan han nei chho ta ni a. Hetiangah hian players tha tak takte hetilaia Aizawl-a han in pholan vena hun a ni a. Hetah hian club lampangte paw’n lo spot-in an lo la thin a. Tihian players tha tak takte kan chhar chhuak fo tawh a ni. Hei hi hmanna tangkai takah football mite chuan kan hmang a ni.

ZARA: Tournament organise hi a namai lova, pawisa tam tham takte sen a ngai a. Chumiah chuan engtinnge tun Central YMA Tournament hi in organise theih?

ARI BENJAMIN: Vodafone ho hian min sponsor a. Anni hi an inpe em em mai a. An staff-te’n min vil reng bawk a nitin mai. A tirah ground li-ah bul kan han tan a, ground li zawng zawng hneh takin min vil a. Anni hi an phur a. Football-ah hian promote hi an tum em em mai a, an inphalnate pawh a lawmawm a, Vodafone zarah hetiang tournament hi siam thei chauh kan ni e.

ZARA: A tawp nan tun tournament-ah hian mipuite hriat atana han sawi duhte i nei em?

ARI BENJAMIN: Mipui hriat atana sawi duh ka neih chu kan tum ang hian mawi tak hian khel ila, kan tournament-te hma a sawn zel nan leh kan kal zelnaah huaisen takin football kan khel thin a. Hetilaiah hian keinite paw’n committee-naah te pawh kan tan chhan ber chu mawi taka khelh a ni a. Dan leh dunte, FIFA rules-te a awm a, technical rules-te, engkim a awm a, MFA-te engkim kan hmang a. Amaherawhchu hman diak diak theih loh chang a awm a. YMA ang taka dan kan siamsate hi tlema mipuite paw’n kan in hriatthiam ve thin a ngai a. Tin, hei tuna inkhel lai mek hi thingtlang leh thingtlang inkhel a ni a. Players kan hriat ngai miah loh mai, tha tak takte an rawn chhuak tlat mai a. Hengte pawh hi a hlawhtlin thlak kan ti a. Tin, Round of Sixteen lut ve kher lovah te pawh, first round velah te pawh players tha tak tak tiang hian kum tharah chuan rawn in vawrh tur an awm a ni, Mizoram aiawh tura kal thei turte tan inkhelmi kan chhuak tawh a ni tih hi ka’n sawi duh bawk a ni.

ZARA: Inkawmna hun tha tak min pek avangin ZoFooty kan lawm em em a ni.

ARI BENJAMIN: Keipawh ka lawm e.