Zonet thlir thin chuan Fans Zone lamah England a club tantu te thu in an inbeih nasat theih zia kan hre vek awm e. Hming lem hmang a inbeihna hi Zonet lo en thin tan chuan a ngaihnawm in han nuihna tur te pawh a awm thin anih kha. Zonet Fans Zone lama hminglem kan lo hmuh thin te leh football ngaina zual te February ni 3 zan dar 8 khan Zonet thlirtu te hmuh theih turin a hring a hran in an inbei.
Zonet Fans Nite hi Zonet lama hotu Pu RK Lianzuala kaihhruaina hnuai a neih a ni a. Mizo zinga football chanchin sawi a hming lo lang hmasa pathum- Pu Mamuana, Pu Hmingsanga leh Pu Tetea te bakah Arsenal,Chelsea,Liverpool,Manchester United (Big 4 kan tih mai) tantu 5 theuh ten hun hlimawm tak an hmang a. Studio pawnlamah heng 5 te lo thlak thei mai tur thahnem tak an la thu bawk.
Zonet Fans Nite hi chhawng 3 a hman a ni a. Mahni club sawi mawina hun, quiz leh midang club te va deuna hun te neih a ni. Heng hun te hi hman anih hma in Zonet sawmna ngai pawimawh a kal ZoFooty Admin Jeremy leh Admin Mike (Admin dang 7 te an remchanglo) te chu thlirtute hnena hmelhriat tir an ni a. Admin Mike hian ZoFooty chungchang tlem a zawng a sawi lang bawk.
Arsenal,Chelsea,Liverpool leh Manchester United tantu a ruhkawl mai nilo, a thling ni chin thah ten an club te an infaksiak a ni deuh ber mai ang chu. He hunah hian Liverpool tantu lam te an chetha zual deuh niin a lang. Quiz neih leh a ni a. Round khatna ah Arsenal,Chelsea,Liverpool tantu ten 3 pts theuh an hmuh lai in Manchester United chuan 1 pt chauh hmu in tie-breaker ah an langpha ve ta lova. Tie-break neih anih hnuah Arsenal tantu te hian 2 pts hmuhbelh in Zonet in lawmman a siam chu an hawn ta a ni. A hnuhnungberah midang club te deusawhna neih a ni leh a. Thu ngaihnawm tak tak leh bengvarthlak tak te bakah nawi ve tak tak te awm mahse Arsenal tantu Mr Arsenal tia inchhal chu a langsar zual hle a. Fans Nite a Zonet in a mimal a chetha tana lawmman a siam (Old Trafford atanga sana hawn) pawh Mr Arsenal hian a hawn ta a ni.
Fans Nite tihlawhtlingtu nia lang te han tarlang ila. Chawlh hman lai takin Manchester City tantu chu studio ah a lo lut ve hlawl mai a. Patling, Manchester City tan tak mai chuan a fanu damlo a awmpui karah a club te Big 4 zingah an ‘nil’ lo a ni tih lantirnan a rawn inlar ve hrim hrim tih a rawn sawi a. Hei hian a huaisenzia leh a tan club ah a chian zia a tilang. He Fans Nite hi kumdangah pawh lo hman tawh thin nimahse kum tin a hlawhtling chho zel niin a lang a. Kum lo la awm zel turah pawh thlirtu ten kan ngaihlu in kan phur chho zel dawn niin a hriat theih. Zonet in hetianga tunlaia Mizo te chiah hneh tak mai Premier League football hmanga tantu te a tiphur thiam hi an fakawm hle a. He programme hlawhtlinna tura studio a tar tur (jersey,banner,football boot te) tumtu Pu Mamuana (Y2Goal Agencies) pawh a phur hle a ni tih a lang. Heng te hian Mizoram a football in hma a sawn chak zia a tilang leh zual hle. Zonet Fans Nite 2013 ah i club tan i dingchhuak ngam ve ang em le?
Ngatinge kan pawl Picture in rawn dah loh a….sala
Fans Nite zana kan chet that vanga, Gunners ten Cup kan chawi hnu a ka sawi ang ngeiin, Kan hma a awm reng reng chu kan dim tawh dawn lo. Cup la lo a season khar hman kan ni tawh lo. BPL ah chuan kan in concentrate lo chung pawn, season thar ah UCL qualifying khelh ngai lo a him chin.ah kan awm ang. UCL leh FA Cup kan chawi hrih phawt ang a. Next Season ah phei chuan cup 4 tal kan chawi tawh ang. Tak a, Chhechi leh Phung Sen ho chu inhmuhnawm ve tep mai. Draw kha Inphu tawk result a ni e. Torres hi chuan a man a phu lo deuh e.
A va ho e FANS night tih vel hi chu..
a zawngchhang tlak ka ti khop mai….siam zeuh2 se a tha ang…zonet nge2 Thalaite phurna lam zawngin thil tih dan an hre thin hle mai….
Kn aiwha kalte cu an nwi viau me a?
Pathian zara kan dam te nhcn Nakum ah chuan tel ve ngei ngaitoh nih hi…. good post
nuam awm ve aw..,en chak awm hle mai..
Ka va en ve chak ve! In ti tha e, Jeremy & Mike.
Youtube velah te hian en tur a awm em le? En ve a chakawm khawp mai.
hmuhnawm khawp mai nizan kha ka en ve a,Zofooty aiawha kal te an che tha e chuan The Reds ho kan lo duai lo khawp mai tih ka hmu a UIHNITED ho chu an lo nawi khawp mai chuan GUNNERS ho ka lawmpui e
Kal ve thei lo mah ila hmuhnawm khawp mai….
Arsenal fans ge2 kan cuag tak zet ce u.congrate
Va ziak fel, ngaihnawm thiam ve.. Branch KTP chanchinbu ka buaipui a. En hman ta lo lawm le.. A boruak a san hmel khawp mai. Arsenal fans te an ti tha e.. Nakum lamah erawh kan Club chungnunzia kan hmuh ngei beisei ang.
Manu fans ah han tang ila chu aw, kan chet bawn dawn tehreng nen…
Nuam rapthak…Uih fans an nawi bok sia..
en ve a chakawm hle mai a..
Nakumah chuan ka tel ve ngei tawh ang
I thu post chu chhiar a nuam kher mai!!
Pu RKa’n a khap dai leh zeuh zeuh thin 🙂
Zonet nge nge an ti tha thin e KZP
Arsenal aiawha kal zawng zawng te ka van chhuang tak che u em COYG 🙂
an insual em lo maw….en ve chakom hle mai