Zanin dar 8 hian Zonet Studio-ah Red Ribbon Round of 16 draw neih tur a ni a, TV a live a tihchhuah tur a ni. Tunah hian team 16 an la dam a, chung team te chu: Durltang, Armed Veng, Lunglei Ramthar, Bethlehem Vengthlang, Sihphir, Luangmual, Chaltlang, Mission Vengthlang, Tuidam, Aizawl Venglai, Chanmari, Bethlehem, Republic Veng, Hnahthial, Salem Veng leh Ramthar te an ni.

Heng team 16 te hi Group 4 ah an then darh anga, chumi thendarhna ah chuan seeded a awm tawh lovang. Round of 16 chu ni 26^th March atanga ni 31^st March thleng khelh tur a ni ang.  Group Leader theuh ten Semi Final an lut anga, semi final hi double leg a khelh tur a ni anga, ni 2^nd April leh 4^th April ah te khel a ni ang. Ni 7^th April 2012 ah final khel tura ruahman a ni,

Seeded awm dawn lo mahse a tha tura rin chu a thiang a, official ni lovin a tha tura kan rin kan han tarlang ve hrim hrim ange. Chutihrualin eng  team pawh hi team tha vek an ni tawh tih kan hriat a tha.
1. Luangmual
2. Chanmari
3. Durltang,
4. Aizawl Venglai
5. Republic Veng
6. Lunglei Ramthar
7. Chaltlang
8. Hnahthial
9. Mission Vengthlang
10. Ramthar
11. Armed Veng
12. Bethlehem Vengthlang
13. Salem Veng,
14. Sihphir
15. Bethlehem
16. Tuidam

Engnge kan ngaihve dan le?

Organising Committeee thuchhuak

Red Ribbon Inter Village Football Tournament, 2012 chu tluang takin kalpui zel a ni a, a hnuaia mite hi Organising Committee-in ruahmanna a chhawp chhuahte a ni e:-

1. ROUND OF 16:
March 19, 2012-ah hian Round of 16 khel thei tur team a hriat kim vek tawh ang. Northeast Games chhung chu Red Ribbon Inter Village Football Tournament, 2012 hi chawlh lailawk tur a ni a, March 26, 2012 atangin AR Lammualah Round of 16 hi khelh tan a ni ang a, local cable TV-ah live-a en theiha pek chhuah a ni ang.
Organising Committee thutkhawm hmasa berin a lo duan lawk tawh angin Round of 16 thleng chinte hi group paliah then an ni ang a, group tina awmte an inkhel kual ang. Group tina awmte an inkhelh kual hnua point hmu sang ber theuhin semi final an lut ang. Round of 16-a intum turte hi pawh (draw) leh vek tur a ni a, March 21 (Nilaini) zanah TV-ah live-a en theiha pawh a ni ang.
2. TALENT HUNT: 
He tournament hi ‘talent hunt’ atan hman tura ruahman a nih angin MFA lam chuan khelmual tinah player tha zawngtu tur a dah reng a, state pawn lam atang pawhin player zawngin an lo kal tan tawh.
Round of 16 thleng chinah phei chuan team tinin game thum tal an khelh dawn avangin player tha a hriat chian lehzual dawn a, Mizorama club hrang hrangte leh state pawn atang pawhin player tha zawng tur an lo kal mek a ni. Hei bakah hian MFA lam chuan age group leh senior level-a state aiawha khel thei tur player zawnna remchangah a hmang mek bawk a ni.
3. MIMAL CHAWIMAWINA
Red Ribbon Inter Village Football Tournament, 2012-ah hian player mala khel tha ber (Best Player) leh goal khung hnem ber (Top Scorer) thlan an ni ang a, lawmman pek an ni ang. Top Scorer bik hi an khingpuite thiam dan a inthlauh deuh thin avangin Organising Committee-in a lo rel tawh angin Round of 16-a goal an thun chin atanga lak tur a ni. Hei bakah hian Man of the Match tan lawmman siam a ni thin bawk ang.
4. INTHUNUNNA:
Organising Committee leh Mizoram Football Association chuan he tournament hi dan ang taka kalpui a nih theihna turin players, team official leh inkhel entute chu mawi taka awm turin a ngen a, dan bawhchhia an awm a nih chuan a tul angin hremna a lekkawh zel ang. Match official lamte pawh MFA Referee Board-in fimkhur leh taima turin a chah nawn a, match official thenkhat chu tun tournament chhung chu chawlhtir an ni tawh a ni.