Footballer Lalrozama Fanai u, Sailothangi, kum 30 chuan nimin tlai dar 6.30 khan Asthma natnain Chatuan ram min pan san a, zanin hian tlaivar pui a ni ang a, vawiin (28/08/12) chhun dar 12 hian vui a ni ang. Rozama te hi Bawngkawn-a cheng an ni.
Lalrozama Fanai hi football ngaina tute chuan kan hre theuhvin a rinawm. Season hmasa khan Pailan Arrows tan a khel a, season thar atang hi chuan Mohun Bagan tan a khel tawh dawn a ni. Tun thla laihawl khan a club thar hi a zawm chauh a ni a, tunah a u boral avangin a rawn haw leh dawn a ni. Vawiin hian rawn haw a tum a mahse ticket a chang lova. Tin, a u ruang hi a nang hman dawn chuang lo bawk nen Pathianni (naktuk) hian a lo haw dawn chauh a ni. A hawna tur hi a Club khelhna Mohun Bagan te’n an lo laksak a ni.
Rozama te unau hi pali an ni a. Mipa pathum leh hmeichhia pakhat an ni a. Rozama hi a vanduai thei hle a. A u chiah mipa hian Pune FC a zawmtirh khan a thihsan tawh bawk a. Khami tum pawh khan a u ruang hi a nang hman lo a ni. Tunah a u Sailothangi ruang a nang hman lo leh dawn a ni a, a khawngaihthlak hle a ni. Sailothangi hi an unau zinga upa ber dawttu a ni a, Rozama erawh a naupang ber a ni thung.
ZoFooties te’n engmah tih theih kan nei lova, kan neihchhun chu an chhungkaw tana tawngtaisak hi a ni. Tawngtaina hian thil a ti thei a, chuvang chuan tawngtaisak hi kan tih makmawh a ni. Rozama hian a u ruang a nang hman dawn lova, ahma paw’n a lo nang hman tawh lo bawk nen Pathian lakah a vui ang tih pawh a hlauhawm hle a ni. A bik takin Rozama tan hian kan tawngtai dawn nia.
Rozama hnena ka chah duh chu, he khawvel hi kan kumhlunna ram tur a ni lova, kan khualzinna ram a ni a. Tin, thlarau pawh a petu hnenah a kir leh mai a ni. Khualzin kan nih tih hi kan inhriat a pawimawh. Mahni chunga a tlak erawhin tawrhthiam a har a, vui a awl. Mahse he khawvel hi kan cham hlenna tur a ni lova. Kan thih hian kan awmna turah kan kir leh mai zawk a ni tih kan pawm thiam a pawimawh. Chumi atan chuan he khawvela kan cham chhun hian kan nun kan uluk a, Pathian kan tih a pawimawh hle a ni. May her soul rest in peace !
“Vaivut chu a awm angin leiah a chang leh a, thlarau chu a petu Pathian hnenah a kir leh a ni.” (Thuhriltu 12:7)
cialis cost
cialis discount
How to get viagra no prescription
Real viagra for sale
He thihna hi Pathian in malsawmna ah chantir mawlh teh se
“Keinin vanduaina-ah kan ruat a hmangaih lan tir tu” vanduai na a lo thlen hian malsawm na a hnai thin, vanduaina tawk lo ten dam lai nun an chhiar thiam lo thin. A kal san tak a chhungte Lalpan vengin awmpui rawh se
Va pawi ve aw, PATHIAN rorel dan hi chu a chag chuan hriatthiam hi a har thei khawp a, U Rozama ka khawngaih khawp mai, RIP Pi Sailothangi
Zialo hle mai a..mahse Pathian rorel dan ani miau si..a bik takin U Rozama a lainatawm hle mai..God be with them
Apwi ngawt mai,vanduai achunga ava vanduai lehzel tak vele,Rozama leh a chhungkhat lainate PATHIAN in vengin thlamuan rwhse