Independence Day Celebration 2nd Division Football Tournament 2011 ah hian team 7 an tel a, chung team te chu Electric Veng, Upper Republic, College Veng (Pool A); Chanmari ‘W’, SYS, Kanan Veng, Thingsul Tlangnuam (Pool B) te anni. He tournament hi ni 1 August atanga ni 11 August thleng khelh a ni.

Final bik hi in thlir let leh teh ang:
Final match-ah hian Chanmari West leh Kanan Veng te an intum a. Chanmari West FC tan Jerry Zorinsanga’n 17 min-ah goal hmahruai a thun a, 27 Min-ah Chanmari West FC lamin Red Card leh Penalty an chawi chu Lalsangbera’n Kanan FC tan a thun. Chanmari West FC Captain Vanlalhriata chuan 71 min-ah anmahni lamah a dang pial lut a, chumi hnu, minute 84-naah R.Zoramthara’n Chanmari West FC tan an si phurh a sut a. Hun pangngaiah 2-2 in an inhnehtawk a, extra time ah pawh an la thun theihloh ve ve avangin Penalty shoot out hmangin chak zawk zawn a ni a, Kanan FC lam atangin C.Lalthangliana leh Zodinthara(@Tetea Tlau) ten an thun lo a, Chanmari West FC hi 4-2-in an chak ta a ni.