Liverpool in midfielder an nei ṭha tawh bawk a, mamawh vak loh nia an hriat ho chu an chhuahtir zel e.
Italian midfielder Alberto Aquilani chu Liverpool aṭangin loan in a chhuak a, Serie A champions AC Milan a zawm. Kum 27 a upa Aquilani hi season khat chhung atan San Siro ah a lut phawt dawn a ni.
Inremna: Game 25 a khelh chuan kan nei ang
Inhliam in a tihbuai ve deuh reng Aquilani hian kum 2014 thleng Liverpool ah contract a la nei a, mahse club lamin hemi hmaa chhuahtir hi an pawiti lo. Club pahnihte inbiakremna ah chuan Italian midfielder hian 2011-12 season ah game 25 a khelh tlin chuan AC Milan hian an lei a ngai dawn a ni. An inleina man tur pawh an sawifel nghal vek a, €6 million in Milan hian lei an inhuam a ni.
Aquilani hian a club tharah hian kum khatah €2 million vel hlawh phawt ang a, season thar (2012-13) ah a la khelh chuan €2.5 million a hlawh dawn a ni. Hei hi Liverpool a hlawh aiin a tlem zawk nghe nghe.
Season hmasa khan Juventus ah loan in a khel a. Liverpool pre-season ah a che ṭha viau a, mahse season ṭan hnuah substitute ah pawh a tel pha ngai lo. AC Milan lamin Andrea Pirlo thlaktu tur an lo melh ve reng bawk a, AS Roma a player ‘ropui tur’ ni ṭhin hi Milan ah player ‘ropui’ ni thei tak ang maw.
Liverpool-a a awm chhungin game 28 a khel hman a, goal 2 a thun a ni.
cost of cialis
cialis walmart
Buy online cialis
Buy online cialis
Player tha ania a khelh tam theihna tur club a ngaihtuah ve a ngai tlat sia a hriatthiam awm ve tho mai uihawm dawn hle mahse…good luck Aquilani, we r gonna miss u.
Han che ropui em em teh se.
Aquilani…We will miss ya’….God Bless U
Bye phots o.
Hepa career hi chu Liverpool ah a chhia a ni ber e..ka van ui em!! Mahse, a ho leh chhan chu Italy ah nupui fanau a neih vang a ni a family problem chu ka zah sak fu tho mai…Adios Aquaman