Newcastle striker Demba Ba chuan Stoke City player-te chu goal khungdan a zirtir a. Hat-trick a siam hmangin 3-1 in Stoke City hi an hneh a, pahnihna Manchester United aiin point khat chiahin an hniam ta.
Senegal International player Ba hi kumin January thla khan Stoke City hian Hoffenheim atangin lakluh an tum a. Amah pawhin rem a ti vek tawh a, mahse medical-ah Stoke club hotute hian a tling lo tiin an hnawl a. Ba hian hei hi a pha nasa hle a, a fit tawk thu sawiin, West Ham lamah a kalsan a, chumi hnuah, June thla khan Newcastle a zawm leh a, amah duh lotute lakah ngei goal 3 a khung leh ta a nih hi!
Kum 26 a upa Ba hian goal khung thei khawpa fit a nihzia a lantir mai bakah 1985 hnua Newcastle-in Britannia Stadium-a Stoke an hneh leh vawikhatna a thlentir bawk a. Tun season-ah home-a Stoke an chak loh vawihnihna a ni bawk.
Thawhtan zana inkhelah hian Ba hia first half-ah goal hnih a khung a. Stoke tan Jonathan Walters chuan goal khat khung ve mahse, hun tawp dawnah Newcastle hian penalty an hmu a, Ba bawk hian a pet goal leh a ni.
Ba hian match 5-ah goal 8 a khung tling tawh a, Newcastle chuan hneh loh nei lovin season an la hmang tluan zel a, Chelsea lehpelin United aia point khat chauhva hniamin tunah hian pathumna an ni mek a ni.
An inkhelah laia amah lo au-eltu Stoke fans-te chungchang sawiin Ba chuan, “An duh a nih chuan an club Board-te au-el zawk rawh se,” a ti.
Pingback: how to get cialis
Pingback: levitra vs cialis
Pingback: viagra daily canada
post ngaihnawm tak tak hi chhiar anuam e….Zo-footy mahse chelsea kan che chhe rih tlat sawi tur em em ka nei rihlo… ka ngawih rih angai ani e
Ka buai lutuk a, transfer ka siam hman thlawt lova, point 32 chiah ka hmuh phah… fantasy lamah ka tlahniam zel, a takah pawh ka tlahniam zel a ni awm e 🙂
“Newcastle striker Demba Ba chuan Stoke City player-te chu goal khungdan a zirtir a” Hei tak hi superlike tawp . Good post, stoke ho chu an duh lo pa in a sawp hrep ani maw…
Ba chu fantasy ah ka transfer fu tiah2.. Good Post..
Good post. Hetianga mahni duh lotute laka score hi lawm nuam dawn, hattrick siam phei chu duhthusam a ni… Tuntum chu Newcastle, Liverpool leh Spurs ten Big 4 ah tel an tum ropui sia, a hmuhnawm chho dawn khawp mai..