French striker Thierry Henry chu Arsenal-ah thla hnih chhung loan in a lut mai thei!!!
Arsenal players awm tawh zinga Arsenal tana goal thun hnem ber ‘King’ Henry hi tunah London-ah a awm a, Major League Soccer (MLS) chawlh lai a nih avangin inlak fit na ni pahfawmin Arsenal players te bulah a training mek a ni. Report hrang hranga a landan chuan training na-a a chetdanin Arsenal manager Arsene Wenger-a mit a tlung hle a. March ni 11 a MLS an tan leh hma chu Arsenal-ah hian loan in a lut maithei niin sapram chanchinbu leh website te chuan an tarlang a ni.
January thlaah hian Arsenal forward te zingah khel thei lo tur an awm nual a, Gervinho leh Marouane Chamakh te chu Africa Cup of Nations an khelh dawn avangin club lamin an chhawr thei dawn lo a ni. Heti a nih chuan Premier League top scorer ni lai, captain Robin van Persie chungah pressure a sang leh sawt dawn a, Arsenal hian striker pakhat tal chu an ‘mamawh’ belh ngei dawn niin a lang. Henry hi Arsenal mamawhna chhangtu a ni leh thei angem?
Arsenal defender, Per Mertesacker chuan Henry chungchang hi sawiin, “Training na velah chuan a khel tha thei khawp mai. A khelhdanah kan vaiin kan lawm a, khelhpui a nuam a, training chauh mah ni se lo dan tum vel hi ka tan chuan ‘experience’ ropui tak a ni. Manager ka ni lo a, a lo lut dawn nge dawn lo ka hre lo a, lo lut pawh ni se khawiahnge a khelh dawn tih ka hre lo. Mahse a lo lut a nih chuan a tangkai hle ang tih ka chiang a ni.” a ti.
Arsenal ‘legend’ hi a kum a tam ve deuh tawh a, a vanglai ang em kha chuan a khel thei tawh lo ang tih chu chiang sa a ni. Mahse ‘world class’ player ah pawh class sang ber te zing ami kha a ni a, hmuhnawm thamin a la khelh theih a rinawm. Tin, sap chanchinbute hian an ziak huai thei angreng a, Henry leh Arsenal te hi an la inbefel lo a, ri ret ret a la awm chauh a ni. Premier League ngainatute chuan hmuh leh kan chak vekin a rinawm. A pet goal a, a’n celebrate peih lo hmelte pawh a ngaihawm e.
source: soccerway.com
Pingback: levitra vs cialis
Pingback: Get cialis online
Lut thut se an hmang leh vak tak2 hman pawh ka ringlo
Lut se tha ang chu.. a che vel hmuh leh a chakawm tawh alawm le
Arsenal ah chuan player tha tak a ni asin. Khawvel in Henry nge tha zawk Ronaldinho tiin an inhnial luih luih. Chuan Henry chu Barca ah a lut a. A chhanna kan hmu ta. A tha zawk chu Messi a ni daih.:-)
lut molh teh se…..kan hmu khat em mai
Han lut teh hlauh se boruak siamtuah.. 😎
Henry vang hian Arsenal hi ka ṭana; a chhuaka; ka ṭan zui zel tho. A chhuaha a luhna Barca lah chu khawvela ka club ngei ber anni.
Lut sela..archhenal ho gaih gam nan
Lut thei hloh se van lunglen thlak dawn tak em??????????
nia lung tepawh ati leng alawm le… lo let leh molh tehse… fantasy ah ka hual nghal e…ha2
‘Its my man’ and m longing 4him……………. come back Thierry
Good Post.. Lut thei se la ka va’n ti ve aw.. Beckham pawh hi Spurs ah kal bawk se la a hmuhnawm zual ang ma le. RvP nena khel dun atan ka la it khawp mai.