Season tawp a hnai tawh a, transfer thuthang ngaihnawm tak tak zingah Arsenal in Pepe Reina an lei tum thu chuan newspaper a luah hnem hle.

Alonso, Torres, Reina..??

Season tharah chuan Pepe Reina hi Liverpool player a ni tawh lo maithei. He goalkeeper hi Arsenal in season tharah lei an tum hle niin English newspaper ho chuan an ziak.

Reina hian season tharah Champions League khelh ngei a duh a, Liverpool chhuahsan hi a hreh vak tawh lo niin an sawi. Tun hnaia Sky Sports in an kawmna ah Liverpool a a rinawm tur thu a sawi duh lo tawh nghe nghe a ni.

Reina = £20 million?

Liverpool in an player pawimawh hi £20 million aia tlawmin an chhuahtir phal rin a ni lo a, Arsene Wenger hian goalkeeper manah heti zat hi a hmang ngam angem tih chu zawhna lian tak a ni. Chutih laiin Arsenal hian goalkeeper tha an tlachham hle a, an mamawhna a san em avangin manto taka lei an hreh lo thei bawk. Engpawhnise, tunkum transfer season chu a ngaihnawm dawn e.