ARSENAL PLAYER TEN 12.5% A HLAWH LAK TLEM AN PAWM HNAI

Premier League thuneitu ten Covid-19 vanga Premier League player te hlawh 30% cut an rawtna PFA lamin an pawm loh hnuah, club lamin hlawh cut dan turah hma an la chhunzawm zel a, Arsenal thuneitu lam leh player te chu hlawh 12.5% cut turin an inrem dawn hnai a, player lamin an pawm thawkhat tawh niin tarlan a ni.

Media thenkhatin an tarlan danin, an hlawh 12.5% an cut anga; mahse, 2021-2022 Champions League an khelh phak chuan player te hian Incentive £100000 theuh an dawng thung ang. UCL-ah hian an champion chuan £500000, Europa-ah an champion chuan £100000 an dawng bawk ang.

Darkar 48 lo awm leh tur chhungin Arsenal player te hian an pawm fel beisei a ni a, hemi chhunga an pawm fel a nih chuan Premier League-a hlawh cut pawm hmasa ber an ni ang.