90s chhova football en ṭhin i nih chuan Manchester United ṭan lo mah la, Mizoten kan ngaihsan em em ṭhin, mi rorum, mi huaisen leh tunlai ṭawngkam takin, ‘man’ tak a nih vang hrim hrim pawh hian he pa hi chu i hre hrim hrim ang ! A football thiam piah lamah a discipline chhiat vang leh tumah a hlauh loh avang hian football khawvelah chuan a lar hle a. Football chawlhsan tawh mah se tunthleng hian amah la ngaisang tute chuan a style lain inkhelh laiin an jersey nghawng (collar) hi an la tichho asin ! A stylish vang pawh hi a ni ang football a chawlhsan hnuah film te a chan tak ni.
England tana kum chhinchhiahthlak
Kum 1966 hi English ho tan chuan kum chhinchhiahthlak leh theihnghilh theih tawhloh zingah a tel ngei ang le. Engvangin maw? World Cup-a an champion kum a ni tlat. Chutih rualin English football rawn thlak danglam vek thei khawpa player ropui leh record tam tak rawn siamtu, Manchester United fans te’n ‘King Eric’ an tih ngat, ‘Eric Daniel Pierre Cantona’ pian kum a nih ve bawk vang a ni. Hei vang hian a fans te chuan kum 1966 hi England kum ṭhaah an ngai a ni.
Football lamtluang
Italian leh Spanish thlahpawlh ni mah se Marseille, France ah May 24, 1966 khan khan a lo piang a. 1980 – 1981 khan SO Les Caillols tan football a khel ṭan a. A tirah chuan a pa hnung zuiin goal a veng ṭhin a, talent a neih ṭhat em avangin goal veng ringawt tawh lovin field chhunga game control-tu pawimawh tak a ni chho tan a.
Professional Career – Part I
Auxerre ( 1983-1988)
Auxerre youth team-ah kum 2 khelin kum 1984 khan national /military service vangin inkhelh a chawlhsan lailawk a, hemi hnu 1985-1986 khan Martigues ah loan in a chhuak a. Auxerre ah let lehin 1986 khan professional contract a ziak a ni. A khelh ṭhat em avangin France tana khelh tura kohna pawh a dawng nghal a. Mahse a discipline chhiat vang leh midang kutthlak a hrat avangin buaina neuh neuh a nei chho ṭan a. Hrem a nih vanga match khelh loh a nei chho ta zeuh zeuh bawk. Auxerre-a a khelhlai hian French U-21 tan a khel bawk a, 1988-a U-21 European Champion Team ah khan a tel ve nghe nghe.
Marseille ( 1988 -1991)
French record fee ni turin Marseille chuan (FF 22 m) in an lei a. Mipui hmaa chet mawi loh a hrat chho zel a, 1989 phei kha chuan TV hmaa national coach a sawichhiat vangin kumkhat chhung International match khel theilo tura hrem a ni. A discipline chhiat vangin a player pui te leh coach te nen buaina a nei reng a, hei vang hian club khatah a khel rei thei ngai lova, Marseille atang hian Bordeaux ah thla 6 chhung loan in a khel a, match 11 chauh khelin goal 6 lai a thun hman. Hemi hnu hian Montpellier ah loan in kum 1 chhung a khel leh a, khel chhe hran lo mahse a teammate te a insual pui leh avangin Marseille ah bawk a let leh a, 1988-1989 leh 1990-1991 khan Marseille hi a Champion pui a ni.
Football a chawlhsan zet a..
1991-ah erawh Nimes ah khelin ball-a referee a vawm avangin thla 1 chhung hrem a tawk a. Hrem a tawh avang hian French Football Federation committee member te hmaah kalin na takin a chhuahchhal a, hei vang hian thla 1 hrem tura tih kha thla 2 ah sawn a ni a. Hei hi hrethiam lovin December 16, 1991 khan football a chawlhsan a.
Chhandamtu
Cantona hian a damchhungin khatih hunlaia French national team coach Michel Platini leh a psychoanalyst (rilru buai enkawl thiam) Gerard Houllier te hi a theihghilh tawh ngai lovang. Khatia rilru buai tak leh hrehawm taka football a chawlsan hnu khan Michel Platini hian football khel leh turin a thlem chhuak leh a. Gerard Houllier lahin England lama football khel turin a lo advice ve bawk a.
Professional Career – Part II
Leeds United (1992)
Football khawvel chuan engtikahmah a theihnghilh leh tawh dawn lo. England ah record siam turin a kal a ni ber mai. Leeds ah hian a khel tam em em lova, mahse a khelh chhunah a cheṭha thei hle thung. Hemi season hian Football League First Division-ah (a kum lehah Premier League tiin an thlak) an champion a. Charity Shield-a Liverpool an hneh tumin hat-trick a siam a. Wembley Stadium-a goal 3 aia tam thun thei mi tlemte zingah a hming thailang ve a!
Manchester United (1992-1997)
George Best leh Bryan Robson te hnung zuia jersey no 7 ha pha ngat ‘King Eric’ hian 1992 khan Manchester United a zawm a. A kalna turah tak a kal a, duh a va han thlang fuh tehlul em !
Brain McClair leh Mark Hughes te an che hlei thei lova, Dion Dublin lah a ke ruh tliah vangin a khel thei lova. United hian goal thun tur an mamawh a ni. Chutah United changtupa ‘King Eric’a rawn che a, Premier League ah an champion ta nghal a ni. English top division-a a zawna club hrang tana champion thei awmchhun hmasa ber a ni bawk. 1993-1994 khan PFA Player of the Year ah thlan a ni a. 1994-1995 season tihloh kha chu United-a a khelh chhungin Premier League-ah United a champion pui vek a ni. Hrem tâwk lo ta se a champion pui vek ang em tih hi zawhna lian tak a ni. 1996 aṭang khan United Captain niin FA Cup ah an champion tel bawk a, British khawmual mi nilo FA Cup chawi hmasa ber a ni bawk a ni.
Cantona hian season 5 a khelh chhungin Premier League title 4, FA Cup 2 leh Charity Shield 3 lain match 144 a khel a, league ah goal 64, domestic cup ah goal 11 leh Champions League ah goal 5 a thun a ni.
A chawl ta
1997 khan football chu a thawhhnihna atan a chawlsan ta a. 1998 khan Football League 100 Legends zingah telh a ni a. 2002 khan England Football Hall of Fame ah telh a ni leh a, 2003 khan Overseas Player of the Decade Award hlan a ni bawk. Inside United Magazine chuan United Player ropui berah a thlang nghe nghe.
Kung-fu Master
Cantona sawi hi chuan kan mitthlaah 1995-a Crystal Palace fan a kick leh hnek kha kan hmu ṭhinin ka ring. Pa thinchhe ve tak leh mi kutthlak hreh lo a nih vang hian vawi tam tak hrem a tawk tawh a. 1989 khan an thlâk (substituted) avangin a thinrim a, mipui zingah ball pet chhovin a kawr a pawt thler a, a paih tawh bawk a nih kha. Montpellier-a a khelh laiin a teammate nen insualin a hmaiah boot-in a vawm tawh bawk. A discipline chhiat vang hian National team aṭanga paih a ni a. Coach mai bakah French Football Federation a zahloh avangin ram tan hi chuan a khel tam em em lova, a ropui tur angin a ropui thei ta lo a ni. Heng bakah hian vawi tam tak hrem a tawk bawk a ni. Discipline ṭhat loh pawi zia chu Cantona aṭang hian kan hre theuh awm e.
Football a chawlhsan thei tak tak lo
Beach football khelh chhunzawmin France captain te a nih mai bakah a enkawl chhunzawm nghal a. 2005-a FIFA Beach Soccer World Cup, Rio de Janeiro-a neihah France a champion pui nghe nghe. Tunah hian New York Cosmos ah Director of Football hna a chelh mek bawk a ni.
Team Honours:
* Ligue 1 : 1988-1989, 1990-1991
* U-21 European Championship : 1988
* Coupe de France : 1989-1990
* Premier League : 1991-1992, 1992-1993, 1993-1994, 1995-1996, 1996-1997
* FA Cup : 1993-1994, 1995-1996
* Charity Shield : 1992,1993,1994, 1996
Individual :
* PFA Players’ Player of the Year : 1993-1994
* FWA Footballer of the Year : 1995-1996
* Premier League Player of the Month : March 1996
* Premier League 10 Seasons Awards : 1992-1993 to 2001-2002
– Overseas Team of the Decade
– Overseas Player of the Decade
Reference : en. wikipedia.org
Pingback: Denture Implants firstclassdentalcare.com
Pingback: rose gold hublot replica
Pingback: buy cialis online
Pingback: generic cialis india
Pingback: viagra use
Pingback: Dab rig
Pingback: https://goodmeds.store/
Pingback: https://4women.net.pl/forum/podroze-male-i-duze-hotele-trasy-srodki-transportu-f15/czartery-czarter-pl-ze-t1981.html#p12915
Pingback: Dental Training
Pingback: https://sportzdrowie.com.pl/forum/zele-masci-plastry-f15/paski-crest-pl-opinie-t408.html
Pingback: جلب الحبيب
Pingback: 사설토토
Pingback: 사설토토
Pingback: porn
Pingback: cbd oil
Pingback: estared.net
Pingback: wire qwest
Pingback: cbdicals.com
Pingback: link w88
Pingback: link dang nhap m88
Pingback: mortgage broker
Pingback: Togel OnLine
Pingback: mortgage calculator
Pingback: Melanie Bowen
Pingback: 你吃饭了吗 你多吃一点慢走我跟你讲 请问一下
Pingback: ศัลยกรรมเกาหลี
Pingback: 바카라
Pingback: ww88
Pingback: Website
Pingback: con heo dat
Pingback: sexy baccarat
Pingback: poker99
Pingback: โกงชักดาบ
Pingback: Commpression socks
Pingback: megapoker
Pingback: jazz
Pingback: promotion code
Pingback: เงินกู้ ขอนแก่น
Pingback: link w88
Pingback: cornhole distance
Pingback: Gold Rallies 6 Year High Stock Market Global Economic Slowdown and BTC TA
Pingback: Top Tallahassee Realtor
Pingback: safelite promo code new customer
Pingback: British Dispensary for sale
alo va che pa thin ve o, like like
post<--:like: 😀 mace k chu Cantona hi chu sual k t ve hrim hrim hehe
Football khel thiam fal hi chu an lo awm chiang alawm! Good post @lalthanzama.
OT deuh hlek, A LilFoe comment khi ka va ‘like’ ve! 🙂
@ zara : kan che tak2 ange 😀 hei chu a 1st na chauh lawm. hahaha next chu i chanchin ziah mai ka duh. 😛
Va ngaihnawm ve le.. player dang pawh han ti zel te u. Chhiar a nuam khawp mai.
a post tupa nen khian ka tehkhin ber……….an game a in ang em mai……..hahahah
chhiar a nuam dap dap hle mai..a ziak tupa hi a fakawm khop mai.. Vellore lam ah mizo lalpa a ni bawk ah 🙂
Keipawh ka nopanlai chuan ka jersey nghawng hi ka tichho ziah zel 😀
@ ramenga : a discipline chhia chu Zidane-a hian a ropui phah ve tlat asn. haha midang te tan malsawmna a nimai.. haha
“Mi ropui tak a ni’.
Genius…Leeds United atanga Manchester UNited a zawm khan pound maktaduai 1.5 velin an leiin ka hria. English football history a transfer tih fuh pawl tak chu a ni awm e.
A discipline hi chhe viau lo se, France team ah khan a khel pha ngei awm sia, 1998 te khan Zidane hi kan hmelhriat vak lo thei reng a lo ni. Ngaihnawm khawp mai.
He pa hi chu ka va’n duh tak em! Good Post..