Liverpool (4 pts) Vs Bolton (3 pts)
Liverpool hian first match ah Sunderland draw mahse Arsenal leh League one team Exeter an hneh avangin inrintawkna an ngah viau dawn nia. Chutihrualin
Bolton pawh tun season ah Danny Sturridge nei lo mahse match hnih ah goal 6 an thun tawh a. Mahse Man City in an home ah goal thum an thun theih avangin defence erawh an siamthat viau a ngai ngei ang le.

Liverpool hian nikum season khan home (2-1) leh away (1-0) ah Bolton hi an hneh ve ve a. Mahse chakna goal hi hun tawp dawn a lut ve ve tih erawh kan hriat a tha.

Liverpool tan Steven Gerrard leh Glen Johnson te chauh an khel thei dawn loh avangin Kenny tan buaina tur a awm lova. Owen Coyle atan erawh buaina tam khawp mai, Chung-Yong Lee, Stuart Holden, Sam Ricketts leh Sean Davis te an la inhliam vek a. Kar hmasa match a inhliam Right Back Gretar Steinsson khelh theih leh theihloh tur a la chiang lo bawk.

Probable Line-ups
Liverpool (4-4-2): Reina| Kelly, Carragher, Agger, Enrique | Henderson, Adam, Lucas, Downing | Carroll , Suarez.

Bolton (4-4-2): Jaaskelainen | Wheater, Cahill, Knight, Robinson | Eagles, Reo-Coker, Muamba, Petrov | Davies, Klasnic.

Prediction:
Liverpool 2-2 Bolton

Chelsea (4 pts) Vs Norwich (2 pts)
Chelsea hian bul tan tha lo mahse bul tan chhia tih theih erawh anni lo. Chuvangin kai thar Norwich tan chuan Stamford Bridge a chak hi chu beisei ngam chi pawh anni kher lovang.

Romelu Lukaku leh Juan Mata te pawh he match ah hian an khel hmuh a beiseiawm a, chutihrualin Chelsea in Juan Mata an lak avangin Tottenham Midfielder Modric an lak a beseiawm ta lo.

Chutihrualin kaithar Norwich pawn an player thar an la ve nual a, Daniel Ayala (for £800,000), Kyle Naughton (on loan), Anthony Pilkington and Elliott Bennet (undisclosed fees), Bradley Johnson ( free), James Vaughan (for £2.5 million), Ritchie De Laet (on loan) leh Steve Morison (undisclosed fee) te hi team ti chak tham an ni.

Chelsea tan Torres in beisei a phak loh chhunzawm a, Drogba bench a an thut tir bawk a, Mata leh Lukaku ten team combination awm sa an rawn tichhiat erawh chuan Norwich hian Chelsea hi an draw ve thei mahna.

Prediction:
Chelsea 3-0 Norwich

Aston Villa (4 pts) Vs Wolves (6 pts)
Villa hian tun Season a Wolves 100% record hi Midlands Derby ah an tih tawp theih a rinawm. Wolves hian kum rei tak chhung Joint Top Table an ni tawh lova, kum rei tak chhung an nih tawh lo pawh a rinawm. Mahse Wolves hi relegate tura rin chu a har thalh tawh ang.

McLeish hian Villa nikum lama an defence pawp lai vel a thuam tha mek zel a, hemi kawngah hian an player tha Shay Given a tangkai hle. Attacking lamah Downing leh Young chan mahse N’Zogbia an sign thar tho a, hemi bakah hian Darrent Bent pui turin Agbonlahor a lo chetha bawk avangin attacking lamah chuan an ngaihtuah awmlo khawp mai.

Wolves pawh nikum lam aiin kumin ah attack a na zawk a, Midfielder Matt Jarvis hi an match hmasa pahnih ah chuan a kheltha fal hle a. Steven Fletcher leh Kevin Doyle ten an thlawp that phei chuan eng team pawh tum se, goal an thun thei ngei ang.

Prediction:
Aston Villa 3-1 Wolves

Wigan Athletic (2 pts) Vs QPR (3 pts)
Wigan hian a vawithum na atan kai thar an tum leh dawn a, en mai chuan an fixture hi awlsam tak ni mahse Lactics ho hian kawng awlsam an zawh reng reng lo. An first match ah Norwich City home an draw a, second match ah Swansea City 1-1 in away ah an draw leh bawk. Chuvang chuan tunah chuan chak ngei an mamawh tawh ang.

Rangers(QPR) hian first match ah Bolton lakah 4-0 in mualpho mahse team tha Everton 1-0 in an hneh a. Tony Fernandes in Club thuneihna a rawn chang thar in awmzia a nei pawh a ni mahna, mahse match 1 chetthat atanga innghah lutuk erawh a finthlak chiah lo.

Wigan hi an chak annih chuan Hugo Rodallega leh Jordi Gomez te an tangkai leh viau anga. QPR tan Midfielder Adel Taarabt leh Striker Jay Bothroyd ten Wigan defender an chhaih buai hle turah a ngaih theih bawk.

Prediction:
Wigan 2-0 QPR

Blackburn (0 pt) Vs Everton (0 pt)
First Match an postpond hnuah Everton hian kai thar QPR an hneh lova. Mahse team tha annihna a bo chuang lo. Everton hian April thla mai khan Ewood Park ah hian Blackburn an lo hneh tawh a, tunah pawh hian tih chhunzawm leh theih ngei a beiseiawm.

Midfielder pawimawh Mikel Arteta in Everton a, a cham tur thu a tichiang tawh a. Hei hi David Moyes tan chuan thu lawmawm a ni. Anni bakah hian chak tur chuan Louis Saha, Tim Cahill, Fellaini leh Beckford te chetthat a pawimawh khawp ang le.

Chutihrualin Sam Allardyce a pawlte hian nikum league match an home a khelhah vawi thum chiah an chaklo a, Defence lamah experience Player Ryan Nelsen an neih avang leh keeper ah Paul Robinson neih bawk avangin chaklo tir ringawt a fuh kher lo maithei.

Prediction:
Blackburn 1-1 Everton

Swansea (1 pt) Vs Sunderland (1 pt)
Swansea in Liberty Stadium a Sunderland an mikhual hunah Premier League a, a vawikhatna atan chak hmel hmuh an inbeisei dawn a, chutihrualin Man City laka 4-0 ngawt a, an chakloh avangin team moral a hniam thei bawk. Mahse Swansea hian an home match (Swansea 0-0 Wigan)ah chuan an lamah goal an la chhuah bik lo tih erawh kan hriat a tha.

An lawmna belhchhah turin Sunderland in Darrent Bent, Danny Welbeck leh Henderson te thlak zo player an la neihloh avangin an attacking a hlauawm tawk lova. Mahse experience neitha Brown leh JOhn O’Shea te defence lamah an ding dawn avangin petgoal erawh a huphurhawm talh ang. Chutihrualin Sunderland Captain Lee Cattermole hi sawi hmaih chi a ni lo a, kum naupang te a Boro tan pawh a Captain thei annih piah lamah midfield a thunun hneh em em a, a game physical tak leh a fighting spirit tha lutuk avang hian Cattermole hi en kan chi a ni lo.

Prediction
Swansea 1-2 Sunderland