Brazilian midfielder kum 18-a upa Lucas Piazon chu youth leh reserve team-a a khelh hnuin tunthla ni 20 khan kum 18 a tlin ve tak avangin Chelsea chuan contract puitling a ziahpui ta a ni. Nikum March thla khan Sao Paulo atang 5 million pound-in Lucas Piazon hi an la a mahse kum 18 ala tlin loh avangin youth team-ah a khel phawt a ni.

Chelsea reserve tan bula tanin a match hmasa berah Fulham an tum a. A goal hmasa ber erawh Arsenal lamah a thun a ni. Chelsea reserve tan hian match nga khel tawhin goal hnih ngawt a thun tawh a ni. Lucas Piazonhi ‘New Kaka’ tihin sawi a hlawh chho tan der tawh a.Chelsea supporter ruh tak niin a tetlai atang tawha Chelsea-a khelh chak tawh a ni. Chelsea-ah hian Brazilian player dang- David Luiz, Alex leh Ramires te an awm ve bawk a ni.

Hetihlai hian Sevilla chuan an defender Martin Caceres chu Turin-ah medical test neiin a awm a, Serie A hmahruaitu nimek Juventus a zawm dawn tih an tarlang bawk. Kum 24-a upa Uruguaydefender hian tum anga medical test te a zawh hunah Juventus hi a zawm dawn a ni. Juventus hian €8m in lei an inhuam a mahse loan in an la phawt dawn a. Hei vang hian €1.5 million an pe phawt ang a, nipui chawlh laiin a bak zawng an pe dawn a ni.

Martin Caceres hi tawnhriat ngah ve tawh tak a ni a. Villarreal, Recreativo leh Barcelona-ah te a lo khel tawh thin a. Tin, Barcelona-a a khelh laiin Juventus ah hian 2009-2010 season khan loan in a lo khel tawh bawk a ni.