CHELSEA AH ‘SCOTTISH’ WAYNE ROONEY. GLEN JOHNSON LEH RAMSEY INHLIAM

Estimated read time 3 min read

Stamford Bridge-ah naupang thar

Scottish Wayne Rooney an tih mai, kum 16 leka upa Islam Feruz chuan Celtic chhuahsanin Chelsea a zawm. Islam hian kum 17 a la tlin loh avangin professional contract a la ziak thei lo a, Chelsea hian scholarship an pe rih dawn a ni.

Islam hi Somalia thisen kai niin kum 2001 khan Scotland aṭangin thawnlêt (deport) a ni ṭep nghe nghe. Celtic scout ten an hmufuh a, 2001 ah, kum 6 lek a nih laiin Celtic Academy a zawm a, tun thlengin a la awm ta char char a ni.

A agent Rui Alves sawi danin Europe-a club hrang hrangten Islam hi an duh hle a, Spain, Italy leh France aṭangin sâwmna a hmu vek a ni. Rui chuan, “Chelsea-a player naupang zawkte an enkawl dan hi a ṭha em em a, Terry, Drogba leh Lampard te nen a training thei tur hi a tân pawh a ropuiin a ṭangkai hle ang.” a ti.

Stamford Bridge-a Villas-Boas a luh hnuah player naupang zawk a lalut ta nual a, Romelu Lukaku, Juan Mata leh Davila te nipui laiin an lut tawh. Chelsea hmalam hun a ngaihtuahawm loh e.

source: metro.co.uk

Ramsey out

Arsenal midfielder Aaron Ramsey chuan training naah a kheimit a tinâ a, Champions League-a Borussia Dortmund nen an inkhelh hunah a tel thei lo ang.

Arsenal squad te hi Germany-ah an kal tawh a, Wales international Ramsey hi an hruai tel ve lo a ni. Arsenal midfield-ah hian Wilshere leh Diaby te inhliam vangin an khel thei lo bawk. Ramsey hi Premier League-a Swansea nen an intum khan Arteta nen an inman viau a nih kha.

Arsene Wenger chuan, “Aaron Ramsey hi season tîr aṭang khan player pawimawh tak a ni a, mahse tunah chuan kan squad hi a lian a, chuvangin kan buai phah lutuk lo ang. Midfielder pathum – Diaby, Wilshere leh Ramsey te inhliam vangin an châwl vek a, mahse Thawhlehni-ah midfield ṭha tak kan la rem thei dawn tho a ni.” tiin  Sky Sports News a hrilh. Tunge Ramsey aiah khel ang le.

source: skysports.com

Johnson a na leh tawh

Liverpool full back Glen Johnson chuan Stoke City nen an intum ṭumin a malpui thâ (hamstring) a tinâ a, engtia rei nge a chawlh dawn tih a la hriat loh. Johnson hian a inhliam thu hi a tweet tawh nghe nghe,

Inrinni-a Stoke City nen an inkhelh kha tun season-a Johnson khelh hmasak ber a ni a. Pre-season khan hamstring vang tho hian a lo inkhel mumal thei tawh lo a ni. Tunlai chu a vanduai rih a ni ber mai.

Kum 27 a upa Johnson a inhliam lai hian season hmasaa che ṭha tak Martin Kelly chuan training a zâwm leh tawh a, karleha Tottenham an mikhual hunah a khelh theih a beiseiawm.

source: clubcall.com

 

You May Also Like

More From Author

6Comments

Add yours
  1. 3
    Da chel

    Mi thar tello pwhin team tha an ni twh tho tho in ka hria an performance h a tha regin k hria an mithar hyn team a thdaglam vak k ring lo

  2. 5
    rma

    Chelsea chu kan tha tulh tulh dawn a ni maw. A changtupa style-in season kan hmang dawn, a tir lama goal khung pup pup ringawt pawh hi a ni lo.

  3. 6
    ben vangchhia

    johnson chu a va’n vanduai thei ve.. Ramsey hi a ke ruh a tliah atang khan tha viau mahse a hma kha a pha tawhlo ka ti.. Scottish Wayne Rooney chu a la hlawhtlin ring phawt ang..

+ Leave a Comment

CHELSEA AH ‘SCOTTISH’ WAYNE ROONEY. GLEN JOHNSON LEH RAMSEY INHLIAM

Stamford Bridge-ah naupang thar

Scottish Wayne Rooney an tih mai, kum 16 leka upa Islam Feruz chuan Celtic chhuahsanin Chelsea a zawm. Islam hian kum 17 a la tlin loh avangin professional contract a la ziak thei lo a, Chelsea hian scholarship an pe rih dawn a ni.

Islam hi Somalia thisen kai niin kum 2001 khan Scotland a?angin thawnlêt (deport) a ni ?ep nghe nghe. Celtic scout ten an hmufuh a, 2001 ah, kum 6 lek a nih laiin Celtic Academy a zawm a, tun thlengin a la awm ta char char a ni.

A agent Rui Alves sawi danin Europe-a club hrang hrangten Islam hi an duh hle a, Spain, Italy leh France a?angin sâwmna a hmu vek a ni. Rui chuan, “Chelsea-a player naupang zawkte an enkawl dan hi a ?ha em em a, Terry, Drogba leh Lampard te nen a training thei tur hi a tân pawh a ropuiin a ?angkai hle ang.” a ti.

Stamford Bridge-a Villas-Boas a luh hnuah player naupang zawk a lalut ta nual a, Romelu Lukaku, Juan Mata leh Davila te nipui laiin an lut tawh. Chelsea hmalam hun a ngaihtuahawm loh e.

source: metro.co.uk

Ramsey out

Arsenal midfielder Aaron Ramsey chuan training naah a kheimit a tinâ a, Champions League-a Borussia Dortmund nen an inkhelh hunah a tel thei lo ang.

Arsenal squad te hi Germany-ah an kal tawh a, Wales international Ramsey hi an hruai tel ve lo a ni. Arsenal midfield-ah hian Wilshere leh Diaby te inhliam vangin an khel thei lo bawk. Ramsey hi Premier League-a Swansea nen an intum khan Arteta nen an inman viau a nih kha.

Arsene Wenger chuan, “Aaron Ramsey hi season tîr a?ang khan player pawimawh tak a ni a, mahse tunah chuan kan squad hi a lian a, chuvangin kan buai phah lutuk lo ang. Midfielder pathum – Diaby, Wilshere leh Ramsey te inhliam vangin an châwl vek a, mahse Thawhlehni-ah midfield ?ha tak kan la rem thei dawn tho a ni.” tiin  Sky Sports News a hrilh. Tunge Ramsey aiah khel ang le.

source: skysports.com

Johnson a na leh tawh

Liverpool full back Glen Johnson chuan Stoke City nen an intum ?umin a malpui thâ (hamstring) a tinâ a, engtia rei nge a chawlh dawn tih a la hriat loh. Johnson hian a inhliam thu hi a tweet tawh nghe nghe,

Inrinni-a Stoke City nen an inkhelh kha tun season-a Johnson khelh hmasak ber a ni a. Pre-season khan hamstring vang tho hian a lo inkhel mumal thei tawh lo a ni. Tunlai chu a vanduai rih a ni ber mai.

Kum 27 a upa Johnson a inhliam lai hian season hmasaa che ?ha tak Martin Kelly chuan training a zâwm leh tawh a, karleha Tottenham an mikhual hunah a khelh theih a beiseiawm.

source: clubcall.com

 

You May Also Like

More From Author

+ There are no comments

Add yours