English Premier League; Match date: 28th August 2011; Time: 8:30 pm (IST); Stadium: Old Trafford
Pathianni zana Manchester United in Arsenal an lo mikhual tur hi EPL 2011-12 season a game la ‘pui’ ber tur a ni. EPL champion in EPL-a game ‘mawi’ ber (?) an lo mikhual dawn a, Gunners rawlthar ho in Devils rawlthar rual an va tlawh dawn. England mai ni lo, Europe khawmualpui leh a piah lam thleng pawha club langsar pahnih an inkhel dawn a, manager ‘ropui’ pahnih an insu dawn e. English Premier League i en ve ṭhin a nih chuan he match hi i hmaih phal dawn lo.
Bul ṭan dang inang lo
Manchester United in season bul an ṭan dan hi duhthusam tluk a ni ber. Community Shield ah hmelma City hnehin an champion a, league ah point 6 ah point 6 an hmu tawh. An player lei thar te an khel ṭha nghal a (de Gea?), defender ṭha te inhliam pawh hriat loh khawpin player naupang ten game hmuhnawm tak min hmuhtir ṭhin.
Arsenal in bul an ṭan chhia a, field pawnah leh chhûngah an chebuai. Player te an inhliam loh leh hrem an tâwk a, league ah chak an la nei ve lo a, an la pet goal ve lo bawk. Champions League playoff a Udinese an hneh hi tun season a an hlimna awmchhun a la ni mai awm e.
United kulhpui Old Trafford
EPL ṭan tirh aṭanga Manchester United innghahna leh an chakna bulpui pakhat chu an ‘home form’ hi a ni awm e. He khelmualah hian mipui 70000 chuangin awrawl tâwpin ‘Red devils’ te hi an lo au phûr ṭhin a, team tamtak he hmunah hian an kal a, an zâmchhe ṭhin. 2010-2011 season kha en ila, Old Trafford-a United record chu : Played 19, Won 18, Drawn 1, Lost 0.
EPL a wing hmang thiam ber (?) an ni a, Pathianni zanah pawh a sir aṭangin Arsenal defence ṭhiah an tum anga, a sir kiltinah United fans te a bengchheng thei ang berin an lo au ang. Tunah hian a zawnin home game 16 an chak zâwn tawh a, kar hmasa ah pawh Tottenham an sawp leh tawh a nih kha.
An intum hnuhnun ber chuan...
Mikhual huangtau Arsenal
An player ṭha pahnih an chhuak a, mi tamtakin Arsenal an tlachhe ta vek emaw an ti. He team hian khualmualah Italian team ṭha Udinese an hneh thei a, away game an khelhthiam zia kan hmu leh ta.
Season hmasa khan Premier League team zingah ‘away’ a team ṭha ber niin an point hmuh zinga a chanve deuhthaw chu mi vênga an hlawhchhuah ngat a ni. Hei hi a chhan ber nia lang chu, team dang hian anmahni home ah chuan attacking game an khel tlangpui a, Arsenal ‘counter attack’ rang lutuk hi an veng zo ṭhin lo niin a lang. Old Trafford-ah United in an attack ngei ang a, Walcott te ho in ‘space’ an nei dawn e.
Ins and outs
Manchester United lamah captain Nemanja Vidic (calf), Rafael (shoulder), Antonio Valencia (ankle) te an khel thei dawn lo a. Ferdinand chuan training a zawm tawh a, mahse Jonny Evans and Phil Jones te hi a luahlan kher angem tih a chiang lo. Darren Fletcher leh Hernandez te pawh an dam tawh e.
Arsenal lamah Alex Song, Gervinho leh Emmanuel Frimpong te chu hrem an ni a, Wilshire, Bendner, Gibbs, Squillaci leh Diaby te inhliam vangin an khel thei lo ang. Defender pahnih, Thomas Vermaelen leh Laurent Koscielny te chu an khelh theih ngei a rinawm.
Engtinnge an inrem ang
Home game ah United hian striker pahnih hmangin 4-4-2 hmang tlangpui mahse ‘big’ match ah chuan 4-3-3/4-5-1 hmangin midfield an ngaipawimawh ṭhin. He match ah hian Chicharito nge Welbeck start ang tih rin thiam a har viau mai a. Keeper de Gea fiahin a awm dawn a, zanina a khelh dan hian season puma a hmalam hun a hril thei. Rooney leh Nani hi chu a tir aṭanga an luh ngei a rinawm a, defence pawh an inthlak a rinawm loh.
Ashley Young hian bul a ṭan ṭha thawkhat a, mahse hetiang game lian ah hi chuan Park Ji Sung kan hmu leh nawlh maithei.
United innghahna tur Wayne Rooney
Arsenal hi chuan eng team pawh tum se an khelh dan an thlak ve ngai lo a, midfield ah ball an chang tam a, huaisen takin an nawr ṭhin. Pathianni zanah pawh Old Trafford a nih vang ngawtin an zam ve dawn lo a, 4-3-3 nen an rawn thawhchhuah leh ngei a rinawm.
Van Persie, Walcott leh Arshavin te hi chu khel ngei turah dah ta ila, midfield ah hian Ramsey leh Rosicky an chiang a, Djourou hian Song ai a awh a rinawm. Left back ah Traore hmel kan hmuh a rinawm a, Vermalean leh Koscielny te hi an dam chuan an luh ngei a rinawm bawk.
Nani hi Arsenal lakah a che ṭha phian zel a, Traore hian a veng hneh chiah angem? Chutihlaiin Evra hian winger tlanchak a ti thei vak bik lo a, Walcott hi a ven uluk a ngai viau ang. Arsenal midfield hi a phuahchawp deuh dawn a, mahse United midfield pawh ‘ropui’ tak a nih bik loh avangin an inbeitawk hle turah a ngaih theih awm e. Tlarhma nei ṭha ve ve, tlarhnung lama buaina nei ve ve an ni a, goal pawh kan beisei nual thei awm e.
Man to watch
Manchester United – Wayne Rooney: Tun season a player la che ṭha ber thlang dawn ila, Wayne Rooney hi kan thlang furin a rinawm. Everton a a awmlai aṭang tawhin Arsenal lakah a che ṭha thei viau mai a, naktuk zanah pawh hian a khel ṭha pawl a nih leh ngei a rinawm. United attacking game kaihruaitu ber a ni a, a lai aṭanga goal nawrtu pawimawh leh a sira ball pechhuaktu ṭangkai a ni. Game 2 ah goal 2 a thun tawh bawk.
Arsenal – Robin van Persie: Arsenal captain hi Arsenal ‘main man’ a nih leh ngei a rinawm. He Dutch hian EPL game hnuhnung 19 ah goal 18 a thun tawh a, a ball thiamna leh a ranna hi United defence te tan a hnawksak tham viau ang. Goal thuntu mai ni loin goal siamtu pawh a ni tel a, Arsenal in goal an thun a nih chuan a inrawlh ve leh ngei ang le.
Hamrik hâmtu
Tun thlenga EPL a game ‘lian’ ber an khel dawn a, England a referee ṭha berin a hâm dawn. World Cup final ah pawh lo lang ve zak zak tawh Howard Webb chu he match ah hian referee a ni ang. Season hmasa khan he match ah tho hian a lo hâm tawh a ni.
Hriat ve mai mai atan
- Kum 2011 (calendar year) a EPL top scorer chu Arsenal captain Robin van Persie a ni a, a dawttu chu Wayne Rooney a ni.
- An intum hnuhnung 9 ah Arsenal hi vawi 1 chiah an la chak. Old Trafford ah bik hian September 2006 hnulamah an la chak leh lo.
- Arsenal hian tunhnaia Premier League game 13 aṭangin point 13 chiah an hmu a, Wenger hnuaia an chet chhiat lai ber a ni.
- Howard Webb hian Old Trafford ah Manchester United hi game 10 ah vawi 5 penalty a pe tawh.
- Old Trafford a an game hnuhnung 22 ah Man Utd vawi 21 an chak tawh a, chak loh an la nei lo.
- Arsenal hian away game an khelh hnuhnung pariat ah vawi 1 chiah an chak a, an hneh chu Blackpool a ni
Pingback: prices of cialis
Pingback: Buy viagra overnight delivery
Pingback: Dab rig
Pingback: gay porn
Pingback: 토토사이트
Pingback: Dental Implants Cost First Class Dental Care
Pingback: San Diego Criminal Lawyer BJW Law
Pingback: San Diego Domestic Violence Lawyer
Pingback: replica breitling for women
Pingback: imitation rolex explorer 1 1016
Pingback: https://forumbusiness.pl/
Pingback: porn
Pingback: https://pracabiznes.com.pl/forum/viewtopic.php?t=86
Pingback: Your Fish Guide Tank Heaters
Pingback: satta king 2020
Pingback: we love porn click here
Pingback: 조커온라인카지노
Pingback: click site
Pingback: porn
Pingback: cbd oil
Pingback: Homepage
Pingback: sahabat qq
Pingback: Julia
Pingback: imitation vintage gold omega watch watches
Pingback: www.1lapakqq.site
Pingback: ratucapsa1
Pingback: vao w88
Pingback: Darknet Drogen
Pingback: forum
Pingback: Fred
Pingback: Tor Search Engine
Pingback: Master Grower Certification
Pingback: Coldplay Dave Holmes
Pingback: Fortnitevideos
Arsenal defending chhiatzia leh utd.-in an thiah hneh theihzia kha a mak, ti ila, player-te ngaihtuah chuan a åwm viau tho. Ars. buaina chu tlarhnung a ni chho leh dawn. Tlarhmain an àwi nung fo zo dawn lo niin a lang. Zanin pawh khan goal 2 an thun a, goal 8 an chhuah!
Arenal chu 17 na maw an nih a…hehehe
Arsenal fans te…Min lo gythiam dawn nia..hetiag em2 hi anih kan lo ring lawk bik loa…
old trafford ah haiden rial a sur buan buan.arsenal in an do han e.united fans zong2 te u mangtha ule.
a va rapthlak em…8-2 haiden rial a sur e.
a va rapthlak em…8-2
6-2 mw…big 4 meu a ciar gam arsenal tan cuan tlwmtlak ve pah reg..wenger dinhmun derthog tey my agem
duhtawk tawh mai se aw, a awmang lo tawh em mai 😛
nani,park.tuge a dag thunjel th u nuam mah2,wenger inhmu chhuak mawlh th
rooney lh pek h.ti nuam thei lu tk
An insawp mah mah dawn a ang. Chicharito an a la pet Goal lo mah mah
rameng ahmunah cuan en lo e,tv hma ah ka thu hnai lu tk a,rooney kha nalh lh tho t ro.tuideuh in en rh o.bsa hmar nen khan kan en a
va bon tey ve o..utd ce tha kher my…..@sangtea ,.hi gal dwn hle my,..arsenal an noi mah2..en leh phot teh ag
@sangtea: a hmunah i en ami? young goal kha chu nalh khawp mai..
young ava moi ve,welback itha lu tk,kava hlim ve thian te u,kaen hnai lu tk
anderson pass chuan scholes min hriatchhuahtir zawk mai..2007 semi final a AC Milan lama Rooney goal a assist kha..
chak in beisei deuh in en th ang.huphurh om lo bok a,thian te u en nuam u.keicu kaen hnai thei thmai a nia.all the best united fans
man utd hi an tha ve tlat *naupag hlwm viau mahse…arsenal hi an noi viau agem lo thlir teh ag
Man united chu 2-0 vela chak trah ka dah e..
Arsenal chu in vanduai a kaltluang rih dawn a ang…
In nuai hem hem mai ang aw…
Arsenal chu an va khawngaihthlak dawn tak!
Hnehna chu kan ta a ni.
Manu an chak ka ring. Mahse game thil a nia.
Man. U chak ka ring.
Tun tum chu ka 1st ber e..hehe. An current form atanga thlir cuan Arsenal an chak a beiseiawm vak loh, bakah away a la ni dawn lehnghal. Mahse anni pahnih in tum hi chu a predict lawk tak2 theih loh. Hmanlai atanga clib in er ania a game pressure hi a sang ve tawh hrim hrim.
k like hmasa ber e