Liverpool FC 0-0 SC Braga (agg: 0-1)
UEFA Cup a vawi thum lo champion tawh leh Manchester United an hneh vanga khawvela club tha ber zingah tel leh ta emaw rawn inti ringawt Liverpool chu European Competition atangin an tla. An thupui “You’ll Never Walk Alone” ang ngeiin anmahni chauvin tla lova, an rual hian team pasarih an tel a, team pasarih zingah hian Man City pawh an tel.

King Kenny fiah zan!!!
King Kenny chu fiahin a awm a, a tling zo lo. He zan Liverpool tantu tana lungchhiatthlak takah hian Andy Carroll chuan Liverpool tan a first eleven a, goal ah pawh hlauawm thei viau mahse a pet goal thei tlat loh avangin a chanhim zo lo.

Liverpool tan hian Captain Gerrard leh Suarez te an khel lova. An star player te an telloh avang hian Creative Player an tlachham a, chu chu an tuar ta a ni. Liverpool hian Carroll sangna leh chakna chu hman tangkai an tum hle mahse awmzia a nei thei meuh lo. Carroll bakah hian Meireles leh Skrtel ten chance tha tak nei bawk mahse Braga keeper Artur a chetthat ve tlat avangin goal awm lovin an in draw ta a ni.

Tun season ah hian Liverpool tan Champion theihna tur a awm tawh lova, season thar a European Competition khel phak bak tura theihtawp chhuah bak tih theih an nei tawh lo.

Liverpool line-up: Reina G Johnson Wilson Carragher Skrtel Meireles Cole Maxi Lucas Kuyt Carroll Substitutes Gulacsi, Kyrgiakos, Flanagan, Spearing, Poulsen, Pacheco, Ngog

Braga line up: Artur Alberto Rodriguez Paulao Miguel Garcia Silvio Leandro Salino Hugo Viana Vandinho Paulo Cesar Lima Alan Substitutes: Cristiano , Kaka, Dani, Mossoro, Peterson, Helder Barbosa, Meyong