January thla hi chu season laklawh laite a lo ni a, transfer inhawn lai ni mahse transfer lian tham tia han sawi tur a tam lo ṭhin hle mai. Tun season-ah pawh hian Manchester United tâna Scholes lo kir leh te, Arsenal-a Thierry Henry lût (loan) te, Aston Villa in loan-a Robbie Keane an lakluh te hi transfer langsar deuh a ni mai awm e. Mahse thla chanve em pawh a la ral lo a, player lut leh chhuak chu an awm ve reng tho a. Everton chuan Manchester United midfielder Darron Gibson an leifel tawh a, sum ngah PSG pawhin Barcelona defender Maxwell an lalut tawh bawk.
Goodison Park-ah Man United reunion!!!
Manchester United midfielder Darron Gibson chuan Zirtawpni khan English Premier League club tho Everton a zawmfel. Gibson hian kum 4 leh a chanve chhung atan contract a ziak a, a man zat hi puanzar ni lo mahse pound maktaduai 3.5 vel nia rin a ni. Gibson hi January thla chhunga Everton player thar pahnihna a ni a. LA Galaxy striker Landon Donovan chu loan in an lo lalut tawh a ni.
Gibson hi Manchester United first team-a a khelh tirh chuan a long shot a ṭhat em avangin fans ten an lawm ṭhin hle a. Mahse beisei anga hma a sâwn loh avangin khelhna hun a chang tlem tial tial a, tun season-ah phei chuan mumal pawhin a la inlan mang lo a ni. Hei vang hian amah pawhin chhuah a hreh lo a, United lamin hralh an pawiti vak lo nen, awlsam angreng takin Everton-ah hian a lut thei a ni. Goodison Park-ah hian Tim Howard, Phil Neville leh Louis Saha te chu Manchester United player hlui vek an ni tih kan hre awm e.
PSG-ah Maxwell
Tunhnaia player lei huai tak, Ligue 1 a hmahruai mektu Paris Saint-Germain chuan Ningani khan Barcelona aṭangin full-back Maxwell an lei a, a man zat hi euro maktaduai 4 a ni.
Kum 30 a upa, Brazilian Maxwell hian kum 2009 nipui transfer laiin Barcelona a zawm a, kum 2 leh a chanve chhungin trophy 10 ngawt a châwi hman a ni. First XI chang reng thei lo mahse player ṭangkai tak pakhat a ni. Barcelona chuan an player ‘hlui’ hi duhsakna hlanin, Barcelona-a a awmchhung-a a thawhrimna leh a hnathawhte avangin a chungah an lawm hle a ni tih club official website-ah an tarlang nghe nghe.
Cialis fast delivery usa
Buy cialis on line
Nia, lo chher hlriam deuhhlek se a that hunah kan rawn beisei leh ang 🙂 Tk2 a Gibson hi chu a khelh dan style hi ka duhzawng tak a ni a ( Oberton nen hian kan future star turah kalo ngai thin), mhs, beisei a rawn pha talo em a ni.. ‘Alex can do no wrong’
Good Luck to DG….
Academy chhuak ni loin, youth team aṭanga rawn larchhuak a ni zawk e.
Gibson hi chu Academy chhuak a nia..a rawn lar tirh khan a ṭha ve viau dawn emaw ka ti hman a, mahse 2009/10 season tawplam aṭang khan a khelchhe tluang lutuk a, season hmasa kha atan chuan last chance a ni tawh. A chance neih a hmang ṭangkai lo a ni ber mai.
Good luck Darron.. 🙂
man Utd pawh chhuak leh nawlh nawlh hi chu an awm ve fo mai…alex hian a tifuh vek biklo a ni 😀