Federation Cup khelh mekah vawiin tlai dar 6 khan Semi Final match hamsa zawk chu Shillong Lajong leh Salgaocar ten an khel a. He game in hnehtawk tak maiah hian Injury time a Salgaocar lamin an pet goal chu an chak pui ta ani.

He inkhelah hian expert te chuan Salgaocar hi chak sa turah an ngai a. A chhan chu anni hi player tha tamna leh tuna I-League champion lai mek anni a. Lajong lam hi tun season atana I-League rawnin hlangkai leh chiah anni a. Player experience-ah pawh Salgaocar hi an upa zawk a, Lajong hi chu an la tuaí deuh hlek zawk a. Lajong-ah hian mizo player 4 ngawt an lut a ni.

Inkhel ṭan aṭangin game a dul hle a, Lajong lam hian han nawr ve teh mahse Salgaocar hi tun Federation cup a goal la chhuah lo anni a, an goal an veng tha khawp mai a, Lajong hi an va buai tlat zel. Salgaocar lam pawhin an thun hleithei lo a, game hi a ṭang lo khawp mai. Second half-ah chuan chak ve ve tumin an in nawr na tawn tawh hle a. Mahse goal hlauhawm neih zeuh zeuh bak chu an thun hleitheilo ve ve a. A inkhelh ah chuan an in hnehtawk viau. Extra time an khel ngei tura ngaih tawh hnu ah min 90 naah Lajong keeper Lalthuammawia balance hlauh chu chance-ah la in Salgoacar striker Chidi Edeh chuan a pet goal ta hlauh mai a. Hei hi an chakpui ta ani.

Salgaocar hian Federation cup a final an thlen hnuhnun ber chu 1997 kha ani a, kum 14 hnuah final an lut leh ta ani. Final ah hian East Bengal leh Prayag United a chak zawk zawk an tum ang