FIFA U-20 World Cup, Colombia a khelh zawh takah Brazil chuan final ah Portugal 3-2 in an hneh a, kum 2003 hnua a vawikhatna atan an champion. Hei hi FIFA U-20 World Cup a Brazil champion vawi 5 na a ni.
Final ah hian Brazil winger Oscar chuan hattrick a siam a, man of the match a ni. Final hmuhnawm takah hian hun pangngaiah team pahnihte 2-2 in an inhnehtawk a, extra time minute 111 ah Oscar chuan Brazil chakna goal hi a thun.
Inkhel tlangpui
Brazil Hattrick Hero Oscar
Inkhel an ṭan deuh chiah a, minute 5 lekah Brazil tan Oscar chuan freekick aṭangin a thun nghal. Goal chhuah miah lo a final lut thei Portugal in an rawn chhanglet ve nghal a, minute 9 ah Alex chuan a head goal ve nghal. Hei hi Oliviera siam a ni. Brazil in first half ah game an thunun a, game rang tak khelin Portugal defender ṭha te an timangang zeuh zeuh. Mahse Portugal goal ah hian Mika a ding ve tlat a, first half ah goal a luhbelh lo.
Second half ah Brazil in nawr chhunzawm mahse Portugal in goal an thun hmasa a, minute 59 na ah Nelson Oliviera chuan hnai set sawt aṭangin angle chep zet karah a pet goal. Portugal in an goal venhim an thupui a, minute 12 lek a awm tawh tihin Brazil super sub Dudu chuan veilam aṭangin a rawn cross a, hei hi Oscar chuan a lo ti goal.
Potugal goal hnihna thuntu Oliviera
Extra time ah pawh an innawr tawn zak zak a, minute 97 na ah Portugal in chance ṭha lutuk an nei a, mahse striker Caetano chuan Brazil defender te a tlanpelh vek tawh hnuin keeper chip khûm a tum a, hei hi Brazil keeper chuan a lo dang hlauh. Hemi hnu lawk, minute 111 ah Brazil chakna goal ni turin Oscar bawkin a pet goal a ni.
Pathumna zawnna inkhelah Mexico chuan 3-1 in France an hneh bawk.
Lawmman leh chawimawina
Golden Ball leh Golden Boot la tu Henrique
Golden Ball
Tounament a mimal chawimawina ngaihhlut ber, tournament chhunga thiam ber leh ṭha ber hnena an pek thin Golden Ball chu Brazil player Henrique hnenah hlan a ni. FIFA U-20 World Cup a khel ṭha ber pathumte chu:
1: HENRIQUE (BRA)
2: NELSON OLIVEIRA (POR)
3: Jorge ENRIQUEZ (MEX)
Golden Boot
U-20 World Cup ah hian goal 5 thun player pathum an awm a, an zinga assist ngah ber Henrique chu top scorer chawimawina hi hlan a ni.
1: HENRIQUE (BRA) (5 goals, 3 assists)
2: Alvaro VAZQUEZ- (ESP) (5 goals, 2 assists)
3: Alexandre LACAZETTE (FRA) (5 goals, 1 assists)
Golden Glove
Portugal goalkeeper MIKA chu tournament chhunga goalkeeper ṭha ber ah thlan a ni.
Fair Play Award chawimawina chu Nigeria Football Team hnenah hlan a ni bawk.
Final Highlight
Pingback: buy cialis online
Pingback: Sample viagra
An update tha thawkhat alawm mwle… Season thar leh ah chuan club lian hovin Henrique hi an inchuh leh duah long maw..! Brazilian a ni kher2 bawk nen…Brazil ka lawmpui e. Champion hi chu eng age level ah pawh nise an phu ngawih2.
OT loks: dear admins, kan khuaah tv kan enthei lova, epl result hre chakin ka rawn lut a, beidawnthlak ngei mai. Admins pakhat tal chu in online reng tho awm sia, mizo te ngainat leh en tam ber epl result tal hi chu update han post zung zung teh u. ka lawm e.
an inkhel hi an tawng an inhrethiam tawn dawn sia..hehe..Brazil nge nge a lang leh thin e
Oscar chu a va bawn ve.. Brazil ka lawmpui e..
Brazil ka lawmpui first e..