Football kan ngaina a, mi tamtak tân chuan football tel lovin nun a khingbai hû tawh mai. Khawvel danglam chhoh ang zelin football pawh a ṭhang ve zel a, khelh dan hrang hrang a chhuak zel. Football ṭhang zelah thumal hriat belh tur a awmchho zel a, chung zinga lar ve tak, hriat loh palh awm thei chu Inverted winger leh False 9 hi a ni awm e. (ZoFooties ten comments lamah in hriat lo thawhbelh ula, a theih phei chuan post ah ngei thawhbelh tum ṭheuh ang aw).
INVERTED WINGER: A WINGER WITHOUT A WING
Winger chu hrilhfiah ngai lovin kan hre vek a, a nih leh engnge Inverted winger chu ni ta ang? A chhânna chu ho te a ni. Winger kha dinglam hmang thiam a nih chuan veilamah khelhtir la, veikhawr a nih chuan dinglam sirah dah la, inverted winger a ni mai.
Thiam lohna lama khelh tlat chu a va ṭha awm lo ve kan ti maithei. Mahse Inverted Winger hi manager ṭha te chuan an hmang nasa viau lawi si. Bayern Munich ah Robben leh Ribery an awm a, Real Madrid ah Ronaldo. Arsenal fans te pawhin Pires leh Ljungberg an hrechhuak ngei ang. Fulham ah pawh Simon Davies a awm ṭhin kha. Anni bakah midang engemawzat sawi tur an la awm awm e. A nih chuan engnge a ṭhatna leh ṭhat lohna chu?
Inverted wingers - Robbery
Inverted winger te hian ball an cross tam lo a (an ball cross na tur kha an hmanthiam loh lam a nih tlat avangin), a sir aṭangin field laiah ball an lalut nasa a, defender an pawtkhawm a, field sirah space a tam phah ṭhin. Hemi hmunawlah hian full back te an rawn hlauhawm ta chiah ṭhin a, Arsenal ‘Invincibles’ hunlaia Ashley Cole te, Bayern Munich a Lahm te leh Real Madrid a Marcelo te hi entirna ṭha tak an ni ang. Hemi tur hian winger te hi ball khalh thei, dribbler ṭha tak an nih a ngai thung.
A laia an luh phei hian an va ding ringawt lo a, an thiamlam an hman theih tawh avangin an hlauhawm sawt tawh a, goal ah an pet a ni emaw, midang an pass a ni emaw, lehlam defender te tan ven uluk an ngai bik ṭhin a ni. Robben goal thun zingah field chhunga a luh phei hnua a shot a tam viau awm e. Inverted winger leh attacking full back ṭha tak neihkawp hi manager tamtakin an châk em em a ni ta.
Field chhunga an va luh hian buaithlakna lai a awm ve thei tho bawk. A chhan chu a laiah striker te an lo awm tawh a, a pawtkaktu tur ber a va luh daih khan field lai kha a tawt viau thei tlat. Hetah tak hian a dawt a kan sawi tur False 9 ho an rawn lang ta a ni.
Inverted winger te hi ‘modern winger’ an tih te nen hriatpawlh lo ila. Modern winger ho hi chuan field sirah ball an tlanpuiin an cross thei a, field chhungah an tlanluhpuiin an shoot thei bawk. Ke pahnih hmangthiam ve ve an ni tlangpui a, Nani, Nasri, Robinho te ho ang chi hi an ni. Out out winger emaw, traditional winger ho hi chu field sira ball tlanpui a, cross ṭha tak tak rawn siam lut ṭhin te an ni thung. Valencia te ang chi hi an ni e.
FALSE 9 : THE PHANTOM STRIKER
Football ah hian jersey no 9 hi striker goal thun thei ten an ha deuh bik ṭhin a, no. 9 chu a team te tan goal thuntu, attacking line up a hmahruaitu, attacking move tâwpna, football team hmatâwngte khaikhawmtu a ni. Chuti a nih chuan False 9 pawh a chiang deuh kuar em?
False 9 chu lone striker, attack hmahruaitu ber ni si, mahse goal bulhnaia awm reng lo a, defence leh midfield inkara inpawtlêt daih ṭhin ho hi an ni. Lionel Messi leh Carlos Tevez te hi tun dinhmunah chuan False 9 dik tak an ni a, Totti (AS Roma) hi False 9 khel thiam ber a ni hial mai awm e.
The Right False 9
False 9 ho hi centre back te tan ven ngaihna an awm mang lo a ni ber a. Tin, striker kha midfield bulah a inpawhlêt chuan striker han tih tur ber pawh an awm ta lo tihna a ni. Hei vang hian awmze nei taka False 9 hmang thei tur chuan player ṭha bik, ball thiam, mit fing, ball khalh thei nih a ngai a, club lian ah bak False 9 hi hman lâr a ni tehchiam lo. Tin, midang nen intlanthleng a ngaih fo avangin hlawkpui tur chuan a khelhpuite an ṭhiam hle a ngai a, a bik takin ‘Inverted winger’ awmna-ah a ṭangkaina a lang chiang ṭhin.
Kum 1950 velah Hungary chuan False 9 hi an lo hlawhtlinpui daih tawh a, Dutch hoin Total Football an khelh ṭhin lai pawhin an lo hmang tawh ṭhin. Striker mumal awm lo a khelh a ngaih avangin team hmatâwng a bil phah daih thei a, tin, defensive midfielder in False 9 a man mark theih chuan ruahmanna a tikhawbaw vek thei bawk. El Clasico-a Pepe leh Messi in check te kha kan hrechhuak uar uar awm e.
False 9 an tlan lêt lai thui ṭhin avangin, defender te tibuai tura midfield aṭanga rawn dawk chhuak tur an awm a ngaih chang a awm ṭhin. Heng ho hi False 10 an ti leh ta zel a, Holland ah Sneijder leh van persie an khelh dun chang chuan False 9 leh False 10 hmuh tur a awm ṭhin. Hei hi erawh tun thlengin hman lâr a ni rih lo.
False 9 hi second striker/ support striker nen hriatpawlh a ni fo a, thil hrang daih an ni si. An position a inang a, an ‘role’ erawh a hrang thung. Second striker pawh hi defence leh midfield inkara hmunawl ah a awm tam a, mahse a hna ber chu a hmaa awm striker ‘tak tak’ tana ball hlauhawm siamchhuah a, No 9 ‘support’ kha an hna ber a ni. Torres-Gerrard combination ah khan second striker (Gerrard) role chu a chiang awm e.
False 9 leh Inverted winger te inkawp hi awmze nei taka rem an nih chuan vên an harsa bik em em a. A sir aṭangin winger a rawn luh chuan a lai ah striker te nen an indîp theih thu kan ziak tawh a, mahse striker kha false 9 anga a khelh chuan he buaina hi a awm tawh dawn lo tihna a ni. Ronaldo-Rooney-Tevez combination te, Messi-Pedro-Villa te ho hi Inverted winger leh False 9 kalkawpin a tih theih entirna ṭha tak a ni awm e.
Pingback: cialis generic name
Pingback: How to get some viagra
Ka hre ngai miah lo, Ramenga iti tha khawp mai an khelh lai chu ka hmu thin a entirnan Robben te Messi te mahse chutiang tehvakin ka lo ngaihsak ngai lem lo i ti tha ltk GP
gd post
Tha thei hle mai….hre ve ngai reng reng hleinem…lolz
@zorema01: hatchetman hi chu a awmzia takah chuan mi tihlum tur emaw, thil tichhe tura an rawih ṭhinte hi an ni a. Football ah chuan lehlam move lo tichhe tur hrim2, an game tibuai tura dah hi an ni. Gattuso te ang chi hi an ni.
Box to box midfielder chu penalty box lehlam lehlam inkara tlan tawn zak zak thei, defensive leh attacking midfielder role play kawp ṭhin ang chi hi an ni. Owen Hargreaves te ang chi kha.
Out and out striker chu no 9 ho hi an ni deuh mai. Torres, Nistelrooy te ho kha.
bengvarthlak hle mai,lawmawm e.#15 khi ka thlawp khawp mai messi i sawi lang lo hloh!!
keicu ka khel thiam vek thansanga’n mn zirtir a
Inverted winger k hryt ve twh a ropui ber messi hmg a lan v k ring deuh a mce lang tlt lo howeve, it s good post ,like it
a van tha em ..gareth Bale pawh hi Inverted Winger ang in Redknapp hian a hmang chho chhin ni in ka hria…a la thiam lutuk lo mahse..hehe
Tha hle my….teves an false 9 a hmang leh ta….tih nachag te poh kan hre toh don alom:)…a bengvarthlak hle mai…
Bengvar thlak, ngaihnawm bawk. A posttupa, i thu leh hla tha thei hle. Zofooty i ti parvul thin e.
hehe a lawmawm e.. ka lo meng (ar)sen(al) leh lutuk thin alawm le 🙂
@maruata: uluk takin i lo chhiar a, a lawmawm e. ZoFooty ah hian football techniques leh tactics hrang hrang hi regular post a awm tawh dawn a. Thawhtanni ah hemi lam hawi hi a chhuak thin ang.
@dreamizo: nia tiraw, van persie a rawn lang a, mahse sneijder nen false 10 sawi tel nan a remchang em a, Arsenal ni lo in Holland ah ka sawi ta mai hehe..
false9 chu arsenal pawh hian an hmang tho lo maw… sawi tel duh lo riau mai 🙂
football chungchang hre ril tak maiin hetiang taka chipchiara in han hrilhfiah hi a bengvarthlak hle mai. expert takin formation hrang2 te, an hmandan, thatna leh thatlohna te han ziak chhunzawm thei ula a bengvarthlak ngawt ang.
LIKE e…bengvar thlak khop mai
Good Post min han tih khalh chu le.. Zofooty nge nge tha khawp mai. Hriat loh kan hriat phah a, chianlohna lai kan chian phah zel bawk e..
ramenga nge2 , i ti tha thin e.. mitam takin kan hriat belh theuh a nia.. good post ..
A va bengvarthläk ve aw, ka lo hre ngai reng reng hlei nem. An khelh dan hi chu ka hmu thiam ve mai a, mahse term bik a awm tih reng reng ka lo hre ngai lo va. Heng term-te hi hriat chian leh law law a va chakawm ve: box to box midfielder, hatchetman, out and out striker, goal poacher tih angte hi. Sawifiah thei in awm em?
Maipawl put a ngai leh rih lo e.
Comment belh tur ka hre thak lo… bengvar thlak hle mai
Good post.. Kan var leh ta uarh mai!!