Real Madrid striker Karim Benzema chu kum 2011 chhunga French player che ṭha berah thlan a ni. He award hi France Football magazine buatsaih niin, Benzema hnungah hian Barcelona defender Eric Abidal leh Lyon goalkeeper Hugo Lloris te an awm a. Nikuma he award dawngtu, Manchester City midfielder Samir Nasri chu palina a ni.
Kum 23 a upa Benzema hi kum 2011 chhungin a che ṭha viau mai a, club leh ram tân vawi 56 khelin goal 32 lai a thun a ni. 2011/12 season bikah hian Real Madrid tân goal 13 a thun tawh nghe nghe. Kum 2011 chhung hian France national team tan pawh goal pawimawh tak tak a thun nual a, Euro 2012 qualifying round-a France player pawimawh ber pawl a ni bawk.
France Football in an kawmna-ah Benzema chuan, “Mimal chawimawina dawn theih hi thil lawmawm tak a ni. He award lo dawng tawh tu, (Zinedine) Zidane, (Thierry) Henry leh player ropui tak takte ka ngaihtuah a, an bula ka hming a awm ve tur hi ka lawm a, ka chhuang hle a ni.” a ti. Zidane ngaisangtu Benzema chuan Golden Ball (FIFA Ballon d’or) dawn a, Zidane kehniak zui theih chu a tum ber a nih thu a sawi bawk.
Footballer piang tawh zinga ropui berte zing ami Zidane chuan Benzema a lawmpui thu sawiin, hun lo kal zel turah thleng sâng hle tura a beisei thu a sawi a. Real Madrid president Florentino Perez pawhin lawmpuina thuchhuah siamin, “Khawvela player ṭha ber pawl ni thei tur kan kawl mek a ni”. a ti bawk.
Pingback: cost of cialis
Pingback: Buy viagra australia
Benzema hi chhia ka ti miah lo kei pawh. Awm tak a ni
nia benzema hichu a tha ka ti, a phu viau e…
Tun lai chu, french player ropui tak an va awm ta lo ve!
Awm ka ti ve e..
Ligue 1 lam a trang an va langlo vele,an tha ve hlawm fu sia,
a phu hliah2………..
chelsea hi cu kan pa tran a ni boka.k tran ltk..go2
a wm fu ni