Nizan khan India chu Guyana in Guyana National Stadium, Providence ah a lo mikhual a, 2-1 in a mikhual te a lo dawng sawng. India coach Armando Colaco chuan Trinidad & Tobago an hnehloh tuma line-up bawk a hmang leh a. Tan atangin inhnehtawk viau mahse minute 17 na ah Guyana in forward Vurlon Mills hmangin goal hmahruai a thun a. Minute 36 na ah India tan jersey no. 23 ‘Indian Beckham’ Steven Dias chuan free-kick atangin mawizet maiin goal a rawn thun leh a. Tun kum March a Pakistan lama a goal thun hnua a thun leh hmasakber a ni nghe nghe. Chawlhlawk thleng goal dang a lut belhlo. Inkhel tan leh anih atanga minute 18 na ah Guyana defender Walter Moore chuan Guyana goal hnihna a rawn thun leh a. He goal hi India tan inkhelh vawi li a goal sawm an chhuahna chiah a ni. Hun a tawp in India hi 2-1 in an chak ta lo a ni. India hi chaklo mahse Trinidad & Tobago an khelh ai chuan an khelh that thu coach Armando Colaco chuan a sawi. He inkhelah hian Mizo pahnih Jeje Lalpekhlua leh Robert Lalthlamuana te’n an khel a, Lalrindika Ralte chu inkhel hmasaa khelhtir ni mahse he inkhel ah hian coach in a hmanglo.
India Lineup: – Subrata Paul; Samir Naik (Robert Lalthalmuana), Raju Gaekwad (Mahesh Gawli), Gouramangi Moirangthem, Debabrata Roy; Steven Dias (Clifford Miranda), Climax Lawrence (c) , Mehtab Hussain, Syed Nabi; Sunil Chhetri, Jeje Lalpekhlua
India Senior team te Caribbean an tlawh hi an vanduai hle a. An lo dawnsawn danah a lungawithlakloh hle nia a lan bakah an khelhpui te an hnehlo ve ve bawk a. Tunhnaiah December a SAFF Games khelh tur bak chu India Senior team hi a fehchhuah a rinawm tawh rihlo. India Under 23 team, Sukhwinder Singh enkawl erawh chu thla leh hian United Kingdom (UK) ah an zin ang.
Pingback: cialis otc
Pingback: Sale viagra
Away game ah chu pwh ranking a sang zawk lehnghal khelhpui a 2-1 score chu chaklo mahse result chhia ani hran love. Kan goal thun ve khi a scorer Jja nise a tha lehzual tur ania. Bena zawhna hi keipawn ka hre ve chak khawp mai, lo chhang teh u.
Ranking chungchangah Zawhna ka nei tlat :
Ranking an siam dawn hian ramkhatin friendly leh competitive match an khelh atangin a nih hmel a. Hetah hian a chakin point 3, draw in point 1 (point sang deuh pawh an pe a ni maithei, point an nei sang thei e mai) tih ang deuh hian a mi an tih le aw?? Nge match statistics atangin an siam zawk?
Chak kan la zir tello a nih hmel.. Rankingah pawh kan la inthlau deuh tho a lawm ti leh mai ang. SAFF Championship ah tal chet that in beisei leh phawt ang. Most Successful Team kan nih ve na a nih kha maw!
Ava zialo leh pek ve mle,….Mahse, goal tal an thun a a xiawm tho2 e.
kan va cak tha duh lo ve..Caribbean lam ah chuan!! Pirates hlir an ni niang !! lolz