Ganso hmachhawn châk Neymar

Barcelona forward Neymar chuan Pathianni zan dar 1:15-a Sevilla nen an inhmachhawn hun a nghakhlel. Brazil captain Neymar tana tun tum La Liga inkhel danglamna chu Sevilla hi Brazilian club Santos tana a khelhpui thin Ganso khelhna a nih vang a ni.

Neymar chuan, “Sevilla hi team tha tak an nih avangin kan inkhel tur hi a hmuhnawm dawn a, chumi belhchhahtu atan chuan ka khelhpui leh thianpa khelhna a ni. Ganso hi chu field chhung leh pawna ka thian a ni a, pa tha tak a ni. Tawng tam lo a ni a, fiamthu a thiam bakah a hlim thei thin hle,” tiin Ganso chungchang a sawi.

Brazil captain Neymar-a’n a hnampui Ganso chungchang sawi chhunzawmin, “Player tha tak a ni a, theihna sang tak a nih avangin a duhna hmun apiangah a khel thei a ni. Amaherawhchu chak tur zawk an awm a nih chuan kan chak zawk ka beisei. Ani nen hian ka nomawi hmasa ber kan chawi duh a, Copa do Brasil leh Libertadores nomawi min chawipuitu hi ka thinlungah ka hre reng a ni. Barcelona tiam loin a club hmachhawn apiangah tha taka khel zel turin ka duhsak,” tiin a thianpa aia amah a inhmangaih zawk thu a sawi lang.

August thla khan Supercopa de Espana-ah Barcelona-in Sevilla hi aggregate-ah 5-0 in an hneh a, hemi tum hian Neymar a tel lo. Tunah hian La Liga match 10 khelh tawh niin Barcelona hian point 22 an hmu a, hmahruaitu Real Madrid point hnihin an pha lo. Sevilla hi palinaah an awmin Catalan club an phak lohna hi point khat chauh a ni.

2 thoughts on “Ganso hmachhawn châk Neymar

  1. Pingback: generic cialis online

  2. Pingback: Buy cialis no prescription required

Leave a Reply