Rangers Director Gordon Smith,Chhetri & Jeje-a @ Glasgow Airport
Image from bbc.co.uk
India Striker tha pahnih Jeje Lalpekhlua leh Sunil Chhetri te chu Glascow panin an feh chhuak a, nizan lam khan tluang takin an thleng a ni. India pasaltha pahnih te hi Scottish Premier League Champion Glasgow Rangers chuan an enthlak thu leh lak an duh thu chu HETAH hian kan tarlang tawh a. Ranger Manager Ally McCoist hnuaiah trail an zuk nei dawn a ni. Rangers Chief Operating Officer Ali Russell chuan “Jeje leh Chhetri te hian Murray Park leh Ibrox Stadium-ah management team hmaah an thiam thil an rawn ‘show’ dawn a. Tin, anni pahnih hi I-League khelh mekah an chetha hle a, Rangers-ah khelhna chance tha tak an rawn nei dawn a ni” a ti.
Tuesday hian Rangers leh Hamburg chuan friendly match an khel dawn a. Jeje leh Chhetri paw’n he match hi an khel ve nghal dawn a ni. He hunah hian Portuguese club – Benfica leh Sporting Lisbon te chuan an scout an rawn tir dawn bawk a, Jeje leh Chhetri te inkhel hi an lo en ve dawn a ni. Tin, Sunday hian Rangers leh Kilmarnock an inkhel dawn a, Jeje leh Chhetri hian Rangers 1st team training an zawm dawn a ni.
Sunil Chhetri hian Sporting Kansas a zawm khan league match pakhatmah a khel lova, hei vang hian a theihtawp a chhuah tur thu a sawi a. An kal hma hian East Bengal striker Alan Gow, Rangers-a lo khel tawh pawh a biak thu leh tihdan tur an inhrilh thu a sawi bawk. Glasgow hi ram vawt tak a ni a. Khaw lum zawng pawh 8 degree Celsius chauh te a ni a. Hei vang hian India ram khaw luma awm thang Jeje leh Chhetri te hi an talbuai mai ang tih a hlauhawm a ni.
Jeje ve thung chuan khawvawt vang mai mai hian ka talbuai dawn lo, khawvawt hian min dal tur a ni lo a ti ve tlat thung. Tin, tuna a dinhmun chu mumang a ang a tih thu leh tling ngei tura a theihtawp a chhuah tur thu a sawi a. Ka la naupang a, chance ka la nei ngah a, hetiang ang chona dang hmachhawn tur hian ka inpeih reng a ni ati. Tuntum chu a vawikhatna a ni a, inpuahchah dan pawh ka thiam lova, a lehpek a awm anih chuan ka inpuahchah thiam tawh ang a ti bawk.
Rangers hi Scottish Premier League-ah chuan an vawk lal len hle a, champion lai an nih mai bakah champion zing ber an ni bawk. 2008 atang khan a zawnin an la champion char char a ni. Tin, Scottish Premier League hi ram thenawm Barclays Premier League angin lian hehu lo mah se Rangers hian EPL club tam tak aiin Europe-ah erawh sulhnu an nei tha daih zawk a. 2008 khan Europa League final-ah Zenit St. Petersburg lakah an vanduai a. Hei bakah hian 1961 leh 1967 te khan Runners-up an lo ni tawh bawk. 1972 ah erawh European Cup Winners’ Cup (Europa League) ah hian an lo champion tawh bawk a ni.
Rangers hian Jeje leh Chhetri te hi sumdawnna lama a hlawk an beisei vang chauhva trial tura an sawm loh thu an sawi leh a. Team tana an tangkai an rin vang leh 1st eleven chang lo tur chu ‘sign’ an duh loh thu leh awmzia a awm loh thu an sawi ve bawk. Ali Russell chuan tunhnaiah Rangers hian tan an la nasa hle a, India mai bakah hian khawvel hmun hrang hrangah an inzarpharh thu a sawi a. USA Captain Carlos Bocanegra leh Alejandro Bedoya te chu an sign thu a sawi bawk a ni.
Ali Russell hi Queens Park Rangers-ah a thawk thin a. Heta tang hian co-owner ‘Mittal family’ ten en pawh an lo inhmelhriat tha hle tawh a. Hei vang hian Indian players talented tak tak te chu ‘sign’ a chak thu a sawi a ni. Ali Russell chuan Rangers hotute chuan karleh lam hian India officials te an hmu dawn a. Tin, Club hian Rangers Charity Foundation’s (UNICEF partnership) hmangin India nen link an lo neih tawh thu a sawi bawk.
Zofooty chuan Jeje leh Chhetri te hi duhsakna a hlan a. Tawngtai naah kan hre theuh dawn nia.
Pingback: cialis super active
Pingback: Sale viagra
hei hi a ni Mizo Idol tur chu hehe
Duhsakna sang ber k hlan e
come on Jeje, football khawvelah mizo ten bung thar kan kai dawn e, tawng thiam aiin football skill a pawimawh zawk.
Xuk tling ngei tehse,..tun chin rgnt opawh hi Mizo nu chhul chhuak tan chuan a ropui tawh hrim2 e…..
@Ramenga.. Ala dik biklo.. I en hrim hrim em?
mobile.rangers.co.uk/default.aspx?s=news-display&aid=2528183
Jeje aw tling tling… Tawng te chu a thiam chawp theih alawm, a insawi tlin theih hmel loh bawk a, chu vangin an taksa ‘fit’ tha hle phawt mai se a tha a ni mai.
ka link dah mai2 chu aw..
Good Post.. An trial pha ringawt pawh hi Indian Football dinhmun ngaihtuah chuan inchhuanna tham a ni.. Duhsakna sangber ka hlawn dun e.. Chhetri ai chuan Je-a hian chance a nei tha zawkah ka ngai. Mobile atanga lut te tan pawh hetah aw mobile.rangers.co.uk/default.aspx?s=news-display&aid=2528183
Jeje chu tling ngei sela ka duh hle mai a,Chhetri chu tling lo mahse ka pawi ti tehchiagm lo..:p Good post
an thleng ta chu a niah,tling ngei tur in duhsakna ka hlan e
Ranger ah trial tura kal ringawt pawh a ropui tawh hrim2. Tling ngei turin duhsakna sangber ka hlan e..
Post tha lutuk tlat. Ngaihnawm, bengvarthlak bawk. Jeje hi ngaihtuahawm loh turah ka ngai. Chhetri hi chuan experience a ngah tawk tawh a, english a thiam tha bawk. Jeje hian english a thiam tha ve viau em aw?
Nie, ama sawi ang deuh hian ala nopang a, a tling emaw tlinglo emaw next ah chuan ka in puahchah thiam tawh ang atih kha maw !!! TLing turin duhsakna hlan ang..
Duhsakna sang ber ka hlan e… an tling zo emaw, tling zo lo emaw…nitin kartluana Rangers players te nena training ringawt pawh hlawkpui tham a la nih avangin a la tha ka ti tho tho… Good Post
A tlin ngei ka beisei…… A tlin tak leh Zoram in hmasawnna rahbi thar kan rap tih na ani mai.
Jeje-a hi chu chhuanawm ve khop mai… han tling hlauh mai se
Ka duhsakna sangber ka hlan e.
A ropui hle mai. A tling emaw tling lo emaw… Mizo te tan mel lung pawimawh tak pakhat chu a ni hrim hrim e. Tling hlauh se ka va ti em.
Good post. Bengvarthlak hle mai. Tling ngei turin duhsakna ka hlan e…