I-Day: 1st MAP Academy, AFC, 3rd MAP chungah Luangmual an awm!

AFC 2-o 1st MAP
Lalnuntluanga 47′
C. Lalramenga 56′

Luangmual 2-1 3rd MAP
Christopher 68′, 88′
Vanlalfela 87′

Vawiin inkhel a hmuhnawm takzet a, inkhel report pangai anga pek a chakawm rualin Live Update kan neih tho avangin vawiin thil thleng ka hmuh dan hrang hrang te ka rawn tarlang zawk ange.

1st Bn MAP Academy kha tla tur reng anni!
1st MAP Academy hi he group atanga semi final lut tura ka rin ber anni a, an player theihna en chuan ka ring sual lo. Match hmasa pahnih ah an vanduai avangin an tla an tih theih. Player naupang tha tak tak awm khawmna anih avang leh mumal taka practice annih avangin an tla hi an khawihngaihthlak  hle. Mahse he ka ngaihdan hi vawiin an match atang kha chuan ka thlak chiang hle.

An result a innghat 3rd MAP an ti beidawng a, hei hi chu a la pawi lo. A pawi ber chu mipui an ti beidawn kha a ni. Hei hi Mizoram football nung theihlohna chhan pakhat chu a ni. Mipui in hman lo chung chungin lammual an pan a, inkhel en turin pawisa an chawi bawk a. Theihtawp chhuah lo inkhel han hmuh tawp mai chu a lungawi thlak lo a ni. Chuvangin he team hi tla tur reng ah ka dah tawp mai. Engnge in ngaih ve dan le?

AFC in beisei an pha lo a!!!
Mak tak maiin an star player an chawlh tir thup a, chutah an game ah a lang zui bawk a. Semi-Final lut turin theihtawp chhuah bawk mahse an key player te tello chuan an game hmuhnawmna a bo a, mahse an chak tho avangin hei hi chu kan sawisel phak bak a ni. Mahse football tinung leh tur chuan hei aia game nung hi kan mamawh in ka hria.

3rd MAP i entawn ang u!!!
Semi Final lut turin Goal 5 an mamawh a, hei hi thil theihloh tluk a ni . Chumi awmzia chu an tla sa tawh tihna a ni ber. Mahse player zawng zawng leh coaching staff thlengin theihtawp an chhuah a, inkhel pawh a hmuhnawm takzet. Hei hi Game hi Lammual Grass phah hnuah Game mawi ber chu a ni lovang, mahse game hmuhnawm ber chu a ni ngei ang. Hetiang ang Game hmuhnawm hi en tur a awm reng thei se chuan Lammual khat mawi tawk inkhel entu a beisei reng ngam ang.

Luangmual F.C. in fak an phu thlawt!!!
Tun tournamnent ah na na chuan Luangmual F.C hian fans an neitha ber niin a lang. An Captain Malsawma inhliam hnuah pawh beiseina an la nei reng a, chu an beiseina chu Christopher-a hmangin chhan in awm. Hetiang ang game min hmuh tir tu Luangmual Coach Lalnau-a a fakawm a, hemi game vang hian Lajong nen an inkhelh hunah pawh tantu an ngah ngei ang le.

Chawhchawrawi!
* Luangmual tana goal hnih thuntu Christopher kha first match ah a inhliam avangin second match a khel lova. Vawiin khan inhliam chhungin second half ah a rawn lut a, a thil rawn tih chu kan hre theuh awm e.
*Vanlalfela (3rd MAP) kha chuai tawh mahse a la that zia a lang a, first match ah khan first eleven ta se result a siam danglam thei ve tlat.
*AFC in I-Day Tournament tel an phu zia an tilang a, an tlak laia an hruaitu te hmel atangin chak an duh zia a lang a. Hetiang maia an tla hi an khawihngaih thlak takzet a ni. Chutihrualin tan lakna tur a la tam, hei aia ropui in an rawn khelh zel i beisei ang u.
*Luangmual Coach Lalnau-a hian tun tournament a tihsual a la nei lo niin a lang. Lajong an tum hunah pawh a tihsual loh ngei kan beisei.
*Dr. Faktea hnen atang thu kan dawn danin, Malsawm-a inhliam dam leh tur khan ni 7 tal a ngai a tia. Chutia anih chuan tun tournament ah Malsawm-a kan hmu tawh dawn lo niin a lang.

Inkhel result chu awm bawk mahse a tam zawk hi chu ngaihdan a ni. Engnge ZoFooties ho ngaihve dan le?

15 thoughts on “I-Day: 1st MAP Academy, AFC, 3rd MAP chungah Luangmual an awm!

  1. saumbura

    Tan han la sauh sauh hlawm teh u, inkhel mite tan eizawnna tha tak han siam sak chur chur ula, intihhmuh hnam kan ni bawk a, kan intihhmuh leh chur chur bawk ang a. Kan ram tana thil tha tak a va ni dawn em! India aiawhin ual cup kan tlangvalte hian han pet chhuak thui teh u.

  2. Rumtea

    Invitation pawh nise la, AFC an nih avanga sawm hi chu thil dik a ni thei lo. 3rd and 2nd div a khel tang tang tawh tan tha a na dawn em mai.
    Tin, AFC tan hian a tha lo. An hmabakah tih tur tam tak an nei. Chung kal kan a hmasawnna zuang sang lutuk chu tum fuh a har thin.

  3. Rooney Opa

    @ 9, AFC hi 1st Div ah an awm nghal ngawt hleinem. 3rd Div atangin an tan dawn alawm. Mahse, tun tournament hi chu invitation a nih angin MFA hian Lajong te an sawm (invite) ang thovin an sawm ve a ni.

  4. Rumtea

    Luangmual ka lawmpui e.
    AFC hi player neih that vanga 1st div. inelna ah an tlin chhan ka hrethiam lo? Khawvel ctlub hrang2 en i la, club tlahniam tawh tak te pawh, mihausain an lei chuan player tha tak tak an lei fo. Mahse Champions League an khel ngawt lo.
    Mihausa mizo player duh2 thlang thei, vision tha dang lo chhuak se 1st div. kan kai tir zel dawn a nih chuan Mizoram football chu a chiri viau ang.

  5. Joseph Elar Chhangte

    AFC tla hi poi k tih ngoih2, Lajong nen in tum se k tih tehreg nen. AFC hi an in dinthar chhan deuh ber chu I – league a tel ve tura qualify a tih theih anga chuvang chuan I-league a tel ve turin an tha tawk em tih hriat nan I-league club ngei Lajong nen in tum ngei se a that dawn tehreng nen… Ram pawna awm kan nih avagin tun tournamaent te pawh hi a hmunah thlir thei lo mah ila Zofooty zarah a update te kan lo hre ve thei zel a Zofooty chungah kan lawm hle ani. AFC hi ka support bera a chhan chu an vision leh goal hi a tha ka tih em vang ani. Mizo football ti hmasawn zel tu anih ka beisei ani.

  6. Lalzarzova Post author

    Rooney Opa
    Khawngaihthlak tih chu ka siam tha tawh e. Tawng dik lo lai pawh hi kan sawi tlang zel chu a ngai a ni. A then hi chu hriatloh vang hrim hrim anih rualin thenkhat hi chu hmanhmawh vang te pawh a ni thei bawk. Eng zawk ve ve pawh hi ni ta se dik lo chu dik lo a ni tho tho. Website rintlak zawk annih theih nan tu post ah pawh inthlahrung lovin sawi zel ang u. Rooney Opa i ti tha takzet e.

  7. Rooney Opa

    Luangmual an lawmpuiawm hle mai! A dang ho khi chu a hmunah ka en ve bawk si lova, ngaihdan siam thiam a har ka ti hle.

    Ka sawi duh zawk erawh chu Khawngaihthlak awm tih hi Mizo Tawng ziah dan kalphung a ni lova, Khawngaihthlak tih mai tur a ni e.

Leave a Reply

I-Day: 1st MAP Academy, AFC, 3rd MAP chungah Luangmual an awm!

AFC 2-o 1st MAP

Lalnuntluanga 47′

C. Lalramenga 56′

Luangmual 2-1 3rd MAP

Christopher 68′, 88′

Vanlalfela 87′

Vawiin inkhel a hmuhnawm takzet a, inkhel report pangai anga pek a chakawm rualin Live Update kan neih tho avangin vawiin thil thleng ka hmuh dan hrang hrang te ka rawn tarlang zawk ange.

1st Bn MAP Academy kha tla tur reng anni!

1st MAP Academy hi he group atanga semi final lut tura ka rin ber anni a, an player theihna en chuan ka ring sual lo. Match hmasa pahnih ah an vanduai avangin an tla an tih theih. Player naupang tha tak tak awm khawmna anih avang leh mumal taka practice annih avangin an tla hi an khawihngaihthlak  hle. Mahse he ka ngaihdan hi vawiin an match atang kha chuan ka thlak chiang hle.

An result a innghat 3rd MAP an ti beidawng a, hei hi chu a la pawi lo. A pawi ber chu mipui an ti beidawn kha a ni. Hei hi Mizoram football nung theihlohna chhan pakhat chu a ni. Mipui in hman lo chung chungin lammual an pan a, inkhel en turin pawisa an chawi bawk a. Theihtawp chhuah lo inkhel han hmuh tawp mai chu a lungawi thlak lo a ni. Chuvangin he team hi tla tur reng ah ka dah tawp mai. Engnge in ngaih ve dan le?

AFC in beisei an pha lo a!!!

Mak tak maiin an star player an chawlh tir thup a, chutah an game ah a lang zui bawk a. Semi-Final lut turin theihtawp chhuah bawk mahse an key player te tello chuan an game hmuhnawmna a bo a, mahse an chak tho avangin hei hi chu kan sawisel phak bak a ni. Mahse football tinung leh tur chuan hei aia game nung hi kan mamawh in ka hria.

3rd MAP i entawn ang u!!!

Semi Final lut turin Goal 5 an mamawh a, hei hi thil theihloh tluk a ni . Chumi awmzia chu an tla sa tawh tihna a ni ber. Mahse player zawng zawng leh coaching staff thlengin theihtawp an chhuah a, inkhel pawh a hmuhnawm takzet. Hei hi Game hi Lammual Grass phah hnuah Game mawi ber chu a ni lovang, mahse game hmuhnawm ber chu a ni ngei ang. Hetiang ang Game hmuhnawm hi en tur a awm reng thei se chuan Lammual khat mawi tawk inkhel entu a beisei reng ngam ang.

Luangmual F.C. in fak an phu thlawt!!!

Tun tournamnent ah na na chuan Luangmual F.C hian fans an neitha ber niin a lang. An Captain Malsawma inhliam hnuah pawh beiseina an la nei reng a, chu an beiseina chu Christopher-a hmangin chhan in awm. Hetiang ang game min hmuh tir tu Luangmual Coach Lalnau-a a fakawm a, hemi game vang hian Lajong nen an inkhelh hunah pawh tantu an ngah ngei ang le.

Chawhchawrawi!

* Luangmual tana goal hnih thuntu Christopher kha first match ah a inhliam avangin second match a khel lova. Vawiin khan inhliam chhungin second half ah a rawn lut a, a thil rawn tih chu kan hre theuh awm e.

*Vanlalfela (3rd MAP) kha chuai tawh mahse a la that zia a lang a, first match ah khan first eleven ta se result a siam danglam thei ve tlat.

*AFC in I-Day Tournament tel an phu zia an tilang a, an tlak laia an hruaitu te hmel atangin chak an duh zia a lang a. Hetiang maia an tla hi an khawihngaih thlak takzet a ni. Chutihrualin tan lakna tur a la tam, hei aia ropui in an rawn khelh zel i beisei ang u.

*Luangmual Coach Lalnau-a hian tun tournament a tihsual a la nei lo niin a lang. Lajong an tum hunah pawh a tihsual loh ngei kan beisei.

*Dr. Faktea hnen atang thu kan dawn danin, Malsawm-a inhliam dam leh tur khan ni 7 tal a ngai a tia. Chutia anih chuan tun tournament ah Malsawm-a kan hmu tawh dawn lo niin a lang.

Inkhel result chu awm bawk mahse a tam zawk hi chu ngaihdan a ni. Engnge ZoFooties ho ngaihve dan le?

Leave a Reply