1st MAP Academy 1-1 Luangmual F.C
Lalawmpuia 58′
Lalbiaktluanga 62′

I-Day tournament tan ni anih vang pawh ani mahna Motor pawh nidang ai chuan a jam nasa niin a lang. Entu tam tak chu ni lo mahse Opening Match entu atan chuan an tlem lo khawp mai. Inkhel entu tam dan en in Mizoram Football hmabak a eng hle ah a ngaih theih.

Heading kan tisual lo!
Academy hi Champion lai anni an nia, team tha anni bawk a. Chak ngei tura ngaih anni a mahse an chak zo lova. Luangmual in point 1 hlu tak an hlawh chhuah avangin chak tluk anni a. He point hlu tak avangin he tournament-ah hian beiseina sang tak an la nei a, chutiang bawk in 1st MAP Academy pawn Shillong Lajong tum turin dinhmun tha takah an la awm tho bawk.

An inkhel e!
Inkhel tan chiah atangin game a tang nghal a, 4-4-2 formation ve ve rawn hmangin beisei ang ngeiin attacking football an rawn khel ve ve a. Sawi lawk ang ngeiin 1st MAP Academy lam atangin Danmawia a khel tha hle a, Remlalruata pawh a ball khawih a hmuhnawm hle. Luangmual lam atangin Christopher an chance tha a hlauh zawk zawk a, Danmawia crossbar pet per pawh a hlauhawm hle. Wing lamah Christopher-a a duh anga a chet theih loh avangin Lalhunchhunga nen  an position an thlak a, game pawh a danglam hle.  Mahse 1st half ah goal a luh phah chuang lo.

Malsawma Freekick mawlh kha!
2nd Half an tan a hma ai mahin chak tur hriatthiam a har a, inkhel  a hmuhnawm tulh tulh a, goal erawh a lut lawk lova. Academy in freekick an hmu a, a hlat deuh avangin goal ngaihna a awm vak lo. Mahse freekick atanga ball per chuan Captain R. Lalawmpuia ke ah a tla nawlh a, ani lah chu a lo offside bawk si lo, keeper nen chauh chuan an inhmachhawn a. Defender ni mahse ball a thiam zia lantir nan keeper a bum a, goal ah a chantir a. Academy chuan goal khatin hma an hruai der mai.

Academy chu an chakah a ngaih theih. A fit zawk anni a, game discipline pawh a tha zawk a. Mahse Lalnau-a leh a hote an la zam mai lo. Centre bulah Luangmual in freekick an hmu a, Malsawma a rawn pen chhuak a, Asia U-17 All Star Team ah pawh lo lang tawh chuan 40 metres vel atangin chuan mar pawt in a pet a, bar a per hnuin goal ah a lut a (?) mahse a rawn sawh chhuah leh avangin goal ah an pawm lova. Mahse chumi per atang chuan penalty an hmu a, Red Ribbon Best Player lo ni tawh Biaktluanga a rawn pen chhuak a, goal ah a chantir. Chak tur a chiang ta tlat lo mai.

Hun tawp dawn lamah Malsawma flick nalh bawk si tha bawk si  chu ZoFooty Man to Watch in goal ah chantir mai lova, crossbar a pet per zawk avangin a team chu a chak pui thei ta bik lo a. Dinhmun tha si lo, chhe si lo ah an team chu an awm ta a ni. Luangmual hian second match ah AFC an tum anga, Academy hian 3rd Bn MAP an tum ang.

Match Officials:
Referee: C. Lalrintluanga
Asst. Referee 1: C.Lalruatkima
Asst. Referee 2: Elkan T. Lalrova
Fourth Official: R. Lalfakzuala

Substitutions:
1st MAP Academy
8. Lalruatfela (In) 9. Stephen Lalremsanga (Out) 46′
6. Lalchhanhima (In) 12. Lalmuanpuia (Out) 74′

Luangmual Sporting Club
10. Malsawma (In) 2. Laldinliana (Out) 55′
11. Malsawmtluanga (In) 7. Christopher L. Hruaitluanga (Out) 76′

Luangmual Sporting Club
1st Eleven: MS Dawngzela, James, Roluahdawnga (Captain), Lalrinmawia, Jacob Lalhruaitluanga, Lalruatdika, Lalbiaktluanga, Christopher L. Hruaitluanga, Laldinliana, Lalhungchhuga, Sammy
Subsitutions: H. Lalrinkima, Johnny Lalrinzuala, Lalremtluanga, Lalfelpuia, C. Lalremruata, K. Lalthanpuia, Malsawma, Zonuntluanga, Malsawmtluanga
Coach: Lalnaua

1st MAP Academy
1st Eleven: Lalkhawngaiha, Lalrinchhana, R. Lalawmpuia (C), Ramfanmawia, Lalchhuankima, Lalmuanpuia, Remlalruata, Laldanmawia, Stephen Lalremsanga, lalnghinglova, zoremtluanga.

Substitutions: Lalruatfela, Lalchhanhima, Lalmalsawma, F. lalthangkhuma, Laltlansanga, Dinthangpuia, Lalmalsawma, Lalpantluanga, Aldrin Lalremruata.

Coach: Lalramhluna
Team Manager: Lalchawiliana