Match 1: Dinthar F.C Vs F.C. Kulikawn (1:00 pm)
First Division a awm rei tawh ve ve, Dinthar F.C. leh Kulikawn F.C. hi club ni bawk mahse veng leh veng anga ngaih theih annih vangin entu pawh an tam phian rin a ni. Tun hma atang tawh a fans nei tha veng ah hian tunge tantu nghah zawk ang tih hi rin thiam har lai tak chu a ni.

Dinthar an in din thar leh e!
Aizawl Football Club ah Coaching staff leh player engemaw zat an kal avangin Dinthar chu club tha lo ber pawl a ngaih anni hman a. Mahse chutiang ngawt chu a ni lo, an Senior Vice Chairman T. Vanlalhluna leh a thawhpui te thawhrimna zarah Dinthar chu tla chhe mai lo an rawn in din thar leh a, tunah chuan team tha pawl tak anga ngaih theih anni.

Players an lak thar ho zingah hian “tha thin” leh players players la beiseiawm tur an la nual a, chung zinga langsar deuh deuh te chu Republic Veng lo Champion pui tawh tu Joseph leh Vannuna te, College veng keeper tha Lalthlamuana leh Midfield/Striker Hriata te hi a langsar pawl tak anni ngei ang. Joseph hian Mizoram aiawhin National U-16, Subroto-14 leh Subroto-17 ah a Champion vek tawh a, Vannuna nen hian Inter Village leh Central YMA ah Republic aiawhin a Champion tawh bawk a, Vannuna hian Mizoram University chu All India University ah a lo Champion pui tawh bawk.

F.C. Kulikawn an chhe ngai lo!
Mizoram Football a thih lai pawh a thi ve ngai lo F.C. Kulikawn hi team tha tak anni reng a, an larna ber pakhat chu an fans te hi anni. Vawiin pawh hian fans te hi an hmatawng tu an nih ngei a rinawm. 2010-11 MFA League Champion an nihna kawnga sulsutu pahnih Top Scorer Albert leh Best Player Lawmsanga te an la kawl avangin an la inringtawk hle.  Veng angah an chungah awm mahse club anga an hnuaia awm anga mi tam tak in an ngaih Dinthar F.C lakah hian tlawm an tum lo.

Match 2: SYS Vs 1st MAP (3:00 pm)
Inkhel hmasa zawk a hmuhnawm dawn lo chu ka ti miah lo, mahse khawi inkhel nge i en duh zawk tih a min zawh chuan he match hi ka thlang ngei ang le. A mak ti duh suh u, hei vang hi alawm season hmasa lamah 1st Division aiin 2nd Division an tha zawk tih sawi thawm a awm thin ni. Mahse tunah chuan 1st MAP hi 1st Division ah an awm tawh miau avangin 1st Division chu an tha zawkah a ngaih theih tawh e.

SYS  in revenge an la thei angem?
2nd Division season tournament Semi Final ah an intum tawh a, SYS hi game ah tha zawk mahse penalty ah an vanduai zawk a. Mahse khami tum khan 1st MAP Striker rinrawl Valpuia a khel tlat lo. Tunah erawh game pawh a dang tawh zawk ngei ang. Chutihrualin SYS hovin anmahni sawiselna “an game a mawi a, an chak thei lo” tih tawngkam hi thai reh ngei an duh ang.

Hriata Vs Tpa
Mizoram chhungah na na chuan Hriat-a hi keeper tha ber anga ngaih a ni a, mahse tun atanga kum 1 (tunah pawh nise?) ah chuan Tpa hian a rawn khum theih mai a beiseiawm. An keeper pahnih te hi in lo khaikhin ve theuh dawn nia.

Achhuana Vs Sama Hnamte
India ram aiawhin age group ah te pawh an lo zin ho tawh thin a, an thiam ve ve a, an te ve ve bawk. Sama Hnamte hi lar zawk mahse inhliam dam leh Achhuana hi a chhe zawk tihna a awm lo. Sama Hnamte hi khawi position ah pawh a tha ber te zinga ami anih vek avangin vawiin pawh hian a awmna tur hriatthiam a har hle. Mahse khawi position ah pawh awm se an attack na ber tur anni leh tho dawn, chutihrualin Achhuana hi SYS attack in tanna ni turin Midfield lai ah a awm dawn thung. Engpawhchunise inkhel a hmuhnawmloh annih pawh Achhuana leh Sama Hnamte te inkhel hi chu a hmuhnawmloh ngai lo tih hre rengin lammual lam i pan tawp dawn nia.