Chhuantea (34′), Michael (44′, 51′), Chully Emejor (79′) te goal hmangin Aizawl FC chuan Eagles FC chu 4-0 a hnehin a vawihnihna atan hnehna kan chang ve leh ta.
Vawiin inkhelah hian inkhelh tan phat atangin Aizawl FC hi an chungnung nghal a, chance tha tak tak an hloh nghal bawk. Mahse, Aizawl FC player te an inthlahdah lo, theihtawp chhuahin, chak tum tak takin an bei a, a rah chu minute 34-naah Chhuantea hmangin lawh tan a ni a. Minute 44-ah Michael-an a chhunzawm leh bawk. Eagles FC last defender chu Yellow Card vawihnih hmuh avangin hnawhchhuah a ni a. Goal dang erawh luh belh lo-in hun chanve an zo a. Second Half tan a ni a, Aizawl FC ten an nawr zui leh nghal a. Minute 51 na-ah Michael chuan Defender-te bum tlangin cool takin a pet goal, 3-0 a ni ta. Aizawl FC lamten chance an nei chho mawlh mawlh reng a, mahse Eagles FC khelh that ni a ni a, a dang hnem malh malh khawp mai. Minute 79 a ni a, Aizawl FC lam Nigerian Defender, Chully Emejor chuan nalh lutuk tak maiin a pet lut ve leh ta. Aizawl FC player te inthlahdah chuang lovin theihtawpin an nawr reng a, chance pawh an hmu leh nual reng a, mahse goal-ah an chantir theih tawh miau loh avangin 4-0 in an tin ta a ni.
Inkhel pumpui thlirin Aizawl FC te kawngtinrengin an chungnung zawk a, chance pawh an insiam hnem hle bawk. Chance an insiam hnem ang aiin goal erawh an thun tlem a, hmasawnna tur erawh a la awm. Kan result-ah erawh, hruaitute leh players te kan lawm hle a ni.
Aizawl FC min duhsaka min tawngtaisaktute hnenah lawmthu kan sawi a. Kan tanrualna leh tawngtaina rah a ni. Bang lova min lo tawngtaipui zel turin Mizo mipuite kan ngen leh che u a. Khelh thum (3) kan la nei, a thei apiang Silchar lamah kan playerte tawiawm turin kal ila, a thei lo pawh mahni awm hmunah theihtawpin tawngtai chungin i tang zel ang u.
A hnuaiah hian table dah a ni bawk e.
Source : www.aizawlfc.com
Pingback: cialis for sale
Pingback: cialis canada
Pingback: Sample cialis
nia, inthlahdah thei an ni lo. A sang 2 chiah an lut dawn a, chuvang chuan chak vek an mamawh tawh a ni..
Va lawmawm v aw….mahse inthlahdah chi miah loh…an hnuaia mite khian an la khel tlem a, an la lehpel thei tlat….tawngtaina mawlh kha….
Chanchin ngaihnawm tak a nih hi !
Aizawl FC an kal zelna turah duhsakna ka hlan e…a hmuna en ve a chakawm hle mai
A lawmawm hle mai.
Aizawl FC hi Mizoramh eng division ah nge an awm a?…Engpawhnise kan tluk loh thin vai club an sawp hrep hi hmasawnna zel ani…
Ni e..i tawgtaipui char char ang u.
1 div ah han invorh thei se aw,van nuamdawn tk em
Nia, chak zel teh se a lawmawm riau mai..
Congrats.. Nuam ve..
Awi thaw! A nuam her her ka ti!