AFC Challenge Cup, March a khelh turah hian India team chu siksawi tum ani a. Hmel thar pawh kan hmu nual maithei ani. Probables ah player 44 hming tarlan ani a. Heng zingah hian Jeje Lalpekhlua, Lalrozama Fanai, Lalrindika Ralte, Malsawmfela te pawh telh an ni. Asia Cup a India squad atang khan Coach Bob Houghton chuan Dipak Mondal, Surkumar Singh, Renedy Singh, Climax Lawrence, NP Pradeep, Abishek Yadav te a telhlo thung. Hetihlai hian Mahesh Gawli, Clifford Miranda, Mehrajudin Wadoo, Mohamed Rafi, Subashish Roy Chaudhury te chuan inhliam vangin an inhnukdawk. Kan Mizo pui 4 te hi India team a tel phak ngei turin kan duhsakna kan hlan e. Zoram mipui te tawngtaina pawh an mamawh ngei ang le!