Ireland captain Robbie Keane chuan Tottenham Hotspurs chhuahsanin LA Galaxy a zawmfel ta. Kum 31 mi Keane hian kum 2 chhung atan contrat a ziak a, a man hi £2.2 million vel a ni.
Premier League-a striker goal thun thei ber pawl, Ireland goal thuntu ropui ber ni bawk Robbie Keane contract hi £6 million vela hlu niin chhût a ni. Los Angeles Galaxy ah hian David Beckham a zawm ang.
Striker ropui Keane
Ireland tan game 108 khel tawhin goal 51 a thun tawh a, a ram tana goal thun hnem ber a ni mek. Khawvela football league ngaihhlut ber (?) Premier League ah vawi 123 a pet goal tawhin EPL history-a goal thun hnem ber 10 na a ni bawk. Tottenham Hotspurs-a a awmlaiin Dimitar Berbatov nen EPL-a strikeforce hlawhtling berte zinga mi ni turin an inkawpfuh a, an pahnih hian Spurs chu kum 2008 League Cup-ah an champion pui nghe nghe.
Kum 17 mi a nih lai, kum 1997 ah Wolverhampton Wanderers-aṭangin bul a ṭan a, Coventry, Inter Milan leh Leeds United ah te a khelh kual hnuin kum 2002 ah Tottenham Hotspurs a zawm. He club ah hian kum 6 khelin player pawimawh berte zinga mi a ni a, a goal thun leh a khelh ṭhat theih em avangin White Hart Lane-ah chuan ‘icon’ a ni ber. Hetihlai hi a career ropui lai ber a tih theih awm e. Robbie Keane hming sawilan a nih apiangin Spurs nen sawizawm a ni tawh ang.
Kum 2008 July ah Spurs chhuahsanin Liverpool a zawm a, heta ṭang hian Robbie Keane kan hmuh ang kha hmuh tur a awm ta lo. Thla 6 lek hnuah Spurs ah a let leh a, hemi hnu hian Celtic leh West Ham ah te loan in a khel kual leh bawk.
Tottenham ah Jermain Defoe, Pavlyuchenko leh Crouch te an awm tawh avangin a khelpha tawh meuh lo a, heti chung hian player zinga hlawh hnem ber a ni thung. Khelpha si lo, hlawh hnem bawk si kawl reng hi club tan a hlâwk lo a, player tan khelhphak lohna club a awm reng hi a ṭha ber lo bawk. Keane pawh a chhuah a hun tawh a, Leicester City lamah kal mai tur angin thawm a awm hman a, mahse Los Angeles khawpui lamah a kal dawn ta zawk a ni.
Pingback: Cialis use
Nakum ah kan veng Red Ribbon vc team a khel turin kan lei leh anga… electric veng fc hi ka tetlai atanga k khelh ve chakna atih hun lo chang leh ag uuu…:))
Nakum ah kan veng Red Ribbon vc team a khel turin kan lei leh anga… electric veng fc hi ka tetlai atanga k khelh chakna atih hun lo chang leh ruuu…:))
He pa hi a chhuak ngun ka ti…..kei chuan…….
@fonz: i sawi takah chuan a ni tak e. Liverpool kha chu ka la hrethiam a, Celtic kha chu a awihawm tawh lo lam deuh a ni.
LA Galaxy hi ka tetlai atang in ka tan tawh ati leh em lo ang chu lol celtic, spurs leh liverpool a zawm khan, ka tetlai atang in ka tan tawh ati vek hahahaaaa.
Robbie Keane hi ka player ngaihsan ber te zinga mi kha a ni thin a,..mhs, a kawng a thlang sual ni ber in ka hria…..Ka ball pet apianga, “Robie Keane,” ti thin kha ka nia, kala ti reng tho mai..hehe…Best of luck le!!
D line chhunga a tal buai ngai miahlo kha ka ngai sang khawp mai
lajong ah khel se nimai lawm!
A ngaihawm dawn reuh ngawt mai. Liverpool ah khan lo lut lo tawp se ṭha tur hi a nia
A khel hmuh a va khawt dawn te raih raih ve.. Zu hlawhtling mawlh teh se..
Robbie Keane pawh a vanglai hun pawh a pel ta. First….