Barclays Premier League (BPL) hmahruaitu Man City in Sunderland home ah an kumthar game hmasa ber ah 1-0 in an tlawm a, Sunderland manager thar Martin O’Neill tan chuan ni chhinchiahtlak tak a ni awm e.

Mancini in a formation hmanthiam 4-5-1 in Sunderland home ah a naute a tlar a, kumhlui thlah zan hmang zo an ni bawk nen a player tha Aguero,Silva,Richards te ho substitute bench ah a thut tir a, Sunderland an nih vang in a hlau lem lo tih pawh a hriat theih awm e. Inkhel an tan a City lam in ball an chang tam zawk a, an game pawh a mumal hle. Chutih laiin manager tha hnuai a awm thar Sunderland in defensive game khel in conservative tak in City player te an chang a, defense line a an in rem dan pawh a tha hle. Counter attack atang in Bendtner in a lak luh chu City keeper Joe Hart in a lo dang tha hle. Stephane Sessegnon pawh in chance tha tak a hlauh bawk. City tan Dzeko leh Richards ten gaol bar an pet per ve ve a chu City tan chuan uihawm tak a ni.

1st half ah goal a lut lo a, 2nd half ah Silva leh Aguero te an rawn lut a City game a dang zar a, ball an chang tam a, Goal erawh an khung thei lo. 0-0 in an in tha then mai dawn a maw tih hnuah min 90+3 ah Ji Dong-Won chuan box chhung ah ball lalut in Joe hart a bum hnuah a pet goal a hun a tawp zui ta mai bawk si a 1-0 in Sunderland in league hmahruaitu Man City an hneh ta a ni. Ti hian, Man Utd nen point 45 ve ve hmu in City hian goal difference a sang zawk in league hmahruaitu an ni ta a ni.