Bhaichung Bhutia Football Schools (BBFS) chuan tan lain India ram hmun hrang hrangah football school an din belh zel a. Thla thar hian Mumbai ah BBFS an hawn belh leh dawn a ni. December ni 2-4 chhung school tournament an siam anga, hetah hian naupang tha zual 20 te chu scholarships pek an ni dawn a ni. Naupang thahnem tak kal tur beisei an ni a. Training hi December ni 5 ah tan a ni anga, hmun 5 ngawtah training hi neih tur a ni ang. Priyadarshini Park, Bandra, Juhu leh Kandivali-ah te training hi neih a ni ang.
Bhaichung Bhutia Football Schools (BBFS) hi nikum October ni 30 khan Shangrila hotel, New Delhi-ah din a ni a. He hunah hian Tiago Lopes (FBCQ CEO) pawh a rawn tel nghe nghe. He school hi “Football by Carlos Queiroz (FBCQ)”, Portugal nen a inthlunzawm a ni. Carlos Queiroz chu sawi ngai lovin kan hre vekin a rinawm. Real Madrid leh Portugal manager hlui a ni a. Tin,Manchester United-ah Sir Alex Ferguson-a Assistant a ni thin bawk. BBFS hian nikum November ni 29 khan Ryan International School, Vasant Kunj-ah coaching/training an tan a ni.
BBFS-ah hian thla khatah naupang ten Rs. 2000 – 3000/- an chawi a, tlema hnam hnuaihnung te tan pawh scholarship a awm a ni. BBFS te hian Mumbai mai bakah hmundangah school hi hawn belh leh an tum a. Bangalore leh Pune-ah hawn tum leh mek a ni. Bhaichung-a tum ber chu kum nga chhunga naupang 5,000-10,000 zet mumal taka training pek a ni.
Bhaichung-a hian football school mai bakah football club “United Sikkim FC” a nei bawk a. Hei bakah hian Sikkim-ah football Academy siam leh a tum a ni.
Sawi belh ang :
India player-ah chuan Bhaichung Bhutia hi a thiam ber(?) tih ngam a ni. India captain hlui a ni a, a vanglai chuan amah aia tha an awm lova, tunah pawh a dam anih chuan amah aia India stiker tha hi an la awm meuh lo a ni. International football a chawlhsan mawl tawp lova,hnutchhiah tam tak a nei a ni. Tin, football school leh club thlengin a nei a. Academy din ala tum deuh deuh. Hei lo liama football hmangaih hi an awm dawn chuang em ni? Sawi chhe tu tam tak hi awm thin mah se he pa hi chu mi entawntlak tak niin ka hria. A fingin rem a hre em em a, a intilar thiam em em bawk. India player-ah chuan amah aia thil tithei hi an awm lovang. Tunah hian ama club United Sikkim FC-ah a khel mek a, India football-in hma a sawn nan hian a tha leh zung a seng nasa ve em em a ni.
Bhaichung Bhutia Football Schools (BBFS) hi hrechiang duh kan awm anih chuan hetah hian a link ka rawn dah e :
http://www.bbfootballschools.com/
Pingback: cialis savings card
Pingback: Best price viagra
Good post… Tiang a tan lak sauh sauh hi kan mamoh india hian…a standard chu engpawh ni se, academy leh scouting system hian a cover hnem phawt chuan talent phawrh chhuah tur chu a awm em em ang…mipui heti zat hi kan awm alom leeee
@Zaia,”Zaithiam tak tak aia zaithiam ve tho, hmeltha bawk si, zei bawk si lar zawkna khawvelah …” itih khi keimah ah ka inhmeh bel talt,..ka zaithym lutuk lo nain ka jei harh ania 🙂 Tk2 a,.India hian hmasawn turin a pheichheh a ti rual vel mek e,..thu lawmawm tak a ni..good post
^——– lolzz.. kei pawh, hetia infakna comment hi ka LIKE zawng tak 😀
@zaia roite : i comment hi ka like e !!! i sawidik vek , sawibelh vak ngaihna ka hre tawh lo 🙂
Ngaihsanawm tak maw le.. Sikkim atangin, Kolkata pawh kal ngai lo kha an hruai thla a, heti khawp hian boruak sang a ngam a nia. FIFA exhibition match ropui tak takah, player lar ber ber bulah pawh khawr miah lovin a khel zel thei. Thiam hi chu a theih mai, Mizo footballer-te pawh hian boruak ngam te, standard tihsan te pawh hi an zir a ngai. Zaithiam tak tak aia zaithiam ve tho, hmeltha bawk si, zei bawk si lar zawkna khawvelah hian, inkhelh thiam tak tak aiin thiam ve tho, zei bawk si, boruak siam thiam bawk si nih hi a ngaihna chen a awm tawh.
entawntlak tak a ni ! Ka ngaisang riau mai. TIn, Indian football-ah hian amah aia thil tithei hi an awm kher lo ang
Hepa hi chu a va entawn tlak tak em aw.. Indian Football hi chu a hmangaih ve a ni.. A thawhrimna a zarah kan ramin World Cup a khel ve lai hmuh hman in beisei teh ang.. Tuna khel lai mek ho zingah pawh hian Academy din an awm nawk mai..