Mizoram no. 1 keeper Vanlalhriata match 1 an suspend avangin Benjamina’n a veng a. Amaherawhchu bul a tan tha lo hle, Tamilnadu in minute 23 chhung lekin M. Ramesh, Sudhakar, Karthikeyan te hmangin hma an hruai der mai a. Santosh trophy a W. Bengal laka kan hmingchhiatna ang kha a thleng leh dawn emaw tih tur khawpin a awm hman a, mahse minute 36 ah F. Lalrinpuia, Valpuia ti a hriat lar zawk chuan goal a thun. First half ah goal dang a luh belh lo.

Second half tan atanga minute 28 naah Mizoram Captain Sama Hnamte in a thun leh a. Minute thum hun pek belh naah Mizoram chuan penalty hmuin Zico Zoremsanga’n a thun leh. Hun a tawp mai dawn emaw tih laiin minute 94 naah Zothansanga’n chakna goal thunin, inlehthalna ropui chu an thlen tir ta a ni.