India National Team Coach Armando colaco chuan a Official Press Conference hmasaberah “India tan chuan Barcelona anga khelh hi thil theihloh a ni” a ti. He press conference ah hian players pakhat hming chiah a lam ri a, chu player chu tu dang ni lovin Zofooty.com pawn kan lo kawm tawh Jeje Lalpekhlua a ni a. I-League a Indian Player pet goal hnem ber Jeje-a chungah beiseina a nei sang tih a sawi lang.

India Senior coach Armando Colaco in a rin ngam tawh chin chu Olympic Team Desmond Bulpin tan chuan a va hlu dawn tak em. India Olympic Team (U-23) hian naktuk zanah Olympic Qualifying khel turin Qatar lam an pan ang.India hian Qatar tum thei tur hian preliminary round ah Myanmar chu 3-2 in an hneh a. Away ah 1-1 a draw in home ah an 2-1 in an hneh thung a ni. Qualifying hi team 24 ten an khel dawn a. Heta tang hian team 4 chauh an qualify ang.

First round 1st leg hi ni 19 June 2011 ah khelh a ni dawn a, 2nd leg hi ni 23 June 2011 ah khelh a ni thung ang. India hi an tlang thei anih chuan team 12 zingah an tel tihna a ni dawn a ni. Second Round chu league a khelh a ni dawn a, team 12 chu Group 3 ah an thendarh anga. Chuta tang chuan group winner theuh an qualify anga, runners up 3 te chuan neutral ground ah playoff an khel leh anga. Chuta tang chuan pakhat an tling leh dawn a ni.

Rozama a inhliam avangin 1st Leg hi a khel thei dawn lova, 2nd leg erawh a khelh theih ngei a rinawm. Chutihrualin Mizo 2 te erawh squad member mai mai anni lova, main player ve ve anni. An chungah Mizo hovin beiseina kan nghat a ni nghawt lova, India ramin beiseina an nghat a ni.

India rinrawl Jeje chuan Lammual hawnna inkhel a an tel tuk a, training camp zawm tura an chhuk nghal thu leh an chhuk tlai a training an zawm nghal thu a rawn sawi a. Duthusamin a fit hman loh mahse Rindika nena first eleven a an awm ngei tur thu a rawn sawi bawk.

Zofooty chuan kan Mizo player te tha taka na khelh theih nan duhsakna kan hlan e.