7th March 2011, Monday
1:00pm Durtlang Vs College Veng
Quarterfinal thleng tura Durtlang kalkawng:
1st Round: 3-1 Maubuang
2nd Round: 2-0 Bawngkawn
3rd Round: 4-1 Lengpui
4th Round: 4-1 New Serchhip
Round of 16: 4-0 Hnahthial

Quarterfinal thleng tura College Veng kalkawng:
1st Round: North Bukpui
2nd Round: 1-1 College Veng (2-4 on penalties)
3rd Round: 6-0 South Chawngtui
4th Round: 0-0 Saitual (3-4 on penalties)
Round of 16: 0-0 Ramthar North (penalties)

Durtlang hi tun quarterfinal lut zingah hian an tha ber ti ta ila, hnial tu kan neih tam vak a rinawmloh. Chutihrualin Red Ribbon hi knockout anih miau avangin nuamsa tak chuan an khelh a rinawmloh. Nundanga leh Malsawmtluanga te an khelh that phawt chuan an chak ngei a rinawm. Chumi piah lamah Semi final a an tumpui tur an huphurhawm hranloh avangin Durtlang a sial kai hawng tur chuan tuna an chak hi a pawimawh khawp ang le.

College Veng hi veng vannei tak anni. 1st round ah awlsam takin chak mahse a hnu lamah chuan an kalkawng hi a bumbawh ve khawp mai. Chanmari an hneh tum a, hun tawp dawn a, KC-a free kick vang chauh a, tun dinhmun hi thleng thei anni a. Chumi awmzia chu vanneihna in a um zel tihna a ni. Chutihrualin vannei tur pawn players an nei tha thawkhat e. Players naupang kaihruai turin Robert, Zomawia, Dinga leh Thlamuana te an awm bawk nen. Hneh tur chuan thlan tlak ve bap chu a ngai ang.
Prediction: Durtlang 2-1 College Veng

3:00pm Kolasib Vengthar Vs Salem Veng
Quarterfinal thleng tura Kolasib Vengthar kalkawng:
1st Round: 3-3 Upper Republic (1-4 on penalties)
2nd Round: 3-2 Thentlang
3rd Round: 4-2 Vanchengpui
4th Round: 1-0 Mission Veng
Round of 16: 2-1 Kanan

Quarterfinal thleng tura Salem Veng kalkawng:
1st Round: 4-3 Sihphir Vengthar
2nd Round: 11-0 Dam Veng
3rd Round: 2-1 Sesawng
4th Round: 6-0 Khawruhlian
Round of 16: 2-0 ITI Veng

Kolasib Vengthar hi team tha tiha sawi tur anni lo. Mahse team tha ber te zinga ami Kanan an hneh leh lawi si. An vanneih piah lamah an tha thawkhat a tih theih. Lunglei Ramthar tih theih hi an ti ve thei angem? Mikhualna hmun a tlangnel taka an khel theih chuan theih ngei a rinawm. Chutihrualin Dawrpui tih lovah chuan Salem Veng hi Quarterfinal ah chuan tum chakawm ber chu anni ta ve ang.

Salem Veng tan Quarterfinal thlen hi a lawmawm. Quartefinal lut tur hian goal 25 nghawt an thun thei a, an team tum te chu eng pawh ni se, goal thun thei tak anni tih erawh a hriat. Midfield ah Jerry leh a hote an chetthat chuan an chak leh ngei a rinawm. Quarterfinal ah Dawrpui lo a, tum chakawm ber Kolasib Vengthar an tum thei hi an vannei takzet a. An hun tha an bawhpelh chuan an ui ve khawp ang le.
Prediction: Kolasib Vengthar 1-2 Salem Veng