Nizan lamah Stampede awm mahse inkhel entu an tlem phah chuang lova, mahni veng tan tur leh football hmuhnawm tih vang hrim hrim in Lammual ah Mizo mipui an pungkhawm a. Semi-Final tan hma in LPS leh MFA tangkawpin MSACS ho chu cheng singkhat inchawi ah 3-0 in an hneh a, hemi hnu hian Social Welfare Minister P.C Lalthanliana chuan thusawina hun tlem a neih hnuin inkhel a hawng a. Thlalakna hun te neih hnuah inkhel tan nghal a ni.
Salem Veng in 4-5-1 formation hmangin tun tournament a top scorer ni mek Joseph-a an mal tlat tir a, Durtlang lamin 4-4-2 formation an hmang thung. Salem Veng coin toss ah an chak a, ball an thah a, an in pass kual chu Durtlang Striker Nundanga chuan chhuhsakin goal ah a shot nghal a, a hlauawm teuh hle. Minute hnih lekah Durtlang midfielder tha Ms-a chuan goal ah tha zetin a shot leh a, a ball shot keeper dang per chu striker ten an nang ching hmanlo hlauh. Minute 7 naah U-16 a Mizoram Champion team Captain Danmawia a rawn lang a, ding lam kil atanga ball la lutin mawi lutukin a pet goal a. Bul tan tha zawk Durtlang in hma an hruai der mai.
Salem Veng an rawn tang a, minute 17na ah an striker Joseph a shot chu Saitluanga’n a lo man sual a, goal bar a fuh kauh mai a, a hlauawm ngei mai. Mahse minute 20 naah Danmawia chuan ball la lut leh a, a ball cross tha zet chu Rinngheta’n a lo thelh hlauh. Salem Veng an la tlawm mai lo, theihtawp chhuahin an nawrlet ve leh a, Durtlang player Zorema chu an box chhungah a handball avangin Salem chuan penalty an hmu hlauh mai a. Mahse Jerry penalty pet chu Saitluanga’n mawi lutukin a lo save a, hei hian game a ti danglam zo ta.
Minute 33 naah Ms-a ball pek tha lutuk chu Nundanga chuan goal ah a lo chantir a. A hnu rei loteah Durtlang defender Mamawia ball pass sual chu Israel-a chuan nangchingin a ti goal lo hlauh. Min 44 na ah Rinsiama’n Nundanga pet goal tur a tih tluk avangin freekick a chawi bakah red card a hmu bawk a. Mahse freekick chu Msa’n goal ah a chantir thei lo hlauh. Durtlang an attack na zel a, hun bek belhah Rinngheta goal a rawn thun belh leh a, first half ah goal dang a luh belh lo.
Second ah team chhe zawk leh sawm chauh a khel Salem tan beisei a awm tawh lo. Hemi vang pawh hi a ni ange entu mipui pawh an haw sap sap a, amaherawhchu Durltlang tantu tan au na tur a awm reng a. Rinngheta’n goal hnih dang thun belhin hattrick a siam a, anni bakah hian MS-a leh senior player Zorema ten an thun belh bakah hun pek belhah Mamawia’n penalty atanga thun lehin Durtlang hi 8-0 in an chak a, Man of the Match ah goal thum thuntu Ringheta chu thlan a ni.
Pingback: generic for cialis
Pingback: generic cialis cost
Pingback: Discount viagra