London-a buaina chhuak khan India team te zinkawng a tikhaihhlak a, hei vang hian Barbados nen an inkhelh tur chu ṭhulh (cancelled) a ni.

Kan hriat ṭheuh angin kar hmasa lamah London ah buaina nasa tak a chhuak a, hei vang hian Carribean Tour nei tura kal India Football team ten a hun takah an tum ram an thleng hman lo. Player te hi thlawhna-ah rei tak an chuang a, hun thawl taka inbuatsaihna hun an neih loh avangin coach Colaco, AIFF General Secrectary, National Team Director leh Barbados Football Association te an inbia a, inkhelh ṭhulh mai hi an remti ta a ni.

He tour-a kal, India player ṭha te hi club in an phal vak lo chung chung AIFF in a dil chhuah te an ni a, hetia player te hmakhua ngai taka AIFF in thutlukna a siam hi club lam tan ngaihthlak a nuam khawp ang.

He tour a match dang pahnih, Trinidad & Tobago (August 21, 2011) leh Guyana (August 24, 2011) te chu ruahman lâwk anga khelh tur a ni ang.

source: the-aiff.com