Siruk khungin Liverpool in Premier League hma an hruai.

Liverpool chuan Jurgen Klopp hnuaiah football hmuhnawm an khelh chhunzawm zel a, an mikhual Watford lakah zahngaihna lantir lo in 6-1 in an lo sawp in Klopp enkawlna hnuaiah Premier League hmahruaitu an nih vawi khatna an lawm. Anfield cheithat hnuah Premier League ah Man Utd an draw tihloh ah chuan an la chak fai vek bawk a, Liverpool tantu (Kop)  te an lam a, tun hma Anfield boruak dik tak an tawng chho leh ta.

Chelsea in Everton 5-0 a an hneh hnuah Liverpool in Premier League hmahruai turin Watford hneh tul tih hria in khelmual an lut a. Premier League hmahruai turin an tha tawk tih lantir turin Mané (27′ minutes, 60′ minutes), Coutinho (30′ minutes), Can (43′ minutes), Firmino (57′ minutes), Wijnaldum (90’+1 minutes) ten goal an khung a, amaherawhchu Liverpool defender te tihsual zarah Watford tan Janmaat (71) chuan goal khat a khung ve bawk. Inkhel pumpui thlir in Liverpool an chungnung a, an tlar hma pali Firmino, Mane, Coutinho leh Lallana te ball inpek kualah Watford player te a che thei lo, Liverpool hian pet goal tumin vawi 27 lai attempt an nei a ni.

3a1efc0200000578-0-image-m-2_1478451498197

Man of the match a thlan Coutinho chuan tun hnai game a khelh tawh ah vawi 3 pet goal in vawi 5 a thiante a siamsak tawh a, goal 2 khungtu tun nipui bazar a an lei Mane chuan Anfield game 5 a khelhah goal 5 a khungna a ni ta bawk. Watford in record duhawm loh an siam ve thung a, Premier League ah khelh tawh ah an club record thar chakloh chian ber record an siam a, 1999 kuma Wimbledon lakah 5-0 a an lo chakloh chu an nawhreh phah ta a ni.

Liverpool manager Klopp chuan “Inkhel result tha kan hmu chuan a phenah theihtawp a kan chhuahna in rah a thlen tih a lantir a, kan result kha a lawmawm a, kan chak dah kha a ropui bawk. Niminah Chelsea ropui takin an khel a, Man City pawh Barcelona lakah ropui takin an khel bawk a, Arsenal lah Tottenham lakah game tha tak an khel bawk, chuvangin keini pawh kan that zel a ngai” ti in result a lawm  bakah a elpui te that zia a sawi lang a, “Karlehah kan player te khawvel ram hrang hrang a inkhel turin an chhuak ang a, Southampton nen tha taka khel turin an rawn kir leh a ngai dawn a ni” ti in International match awm tur a thlir tel nghal bawk a, “Tunah hian kan chakna hi lawm tur a la ni rihlo a, kan mawhphurhna kan hlen mai chauh a la ni rih” tiin hmalam hun a thlir lawk bawk.

Watford manager Walter Mazzarri chuan Liverpool fakin “Liverpool home ah hian chaklo thei chu kan ni a, mahse zanin a kan chaklohna erawh inzirtur kan ngah hle a ni. International break zawh ah tha takin lokir leh kan tum ang” ti in hmalam hun a thlir ve bawk. Watford hi tun ah hian point 15 hmu in table ah 8-na ah an awm mek a ni.

LONDON HMAR VENG AH HUAI ZAWK AWMLO:
Arsenal khelmual ah Tottenham an lenglut a, Champions League khel zo hlim ve ve an ni bawk a nen beisei ang game erawh kan hmu lo a 1-1 in an inthathen. Arsenal in  nung takin first half game an thunun a, amaherawhchu Mesut Ozil leh Iwobi ten chance duhawm goal ah an khung thei tlat lo. Arsenal thawhrim rah min 40 na ah kan hmu a, Ozil ball cross tha tak chu Tottenham defender Wimmer chuan an lamah tauhlut palh in Arsenal in goal khatin first half ah hma an hruai. Second half ah game inhnehtawk takin an in nawr zak zak hnuah min 71 na ah inhliam dam kawr Kane chuan penalty atangin a thun a, goal dang luh belh lovin 1-1 in an inhnehtawk ta a ni. Tottenham striker Kane hian Arsenal nen an inkhelh hnuhnung 4 ah goal 5 a khung tling a, Gareth Bale record a nihrual ta chiah a bawk. Arsenal hian table hmaruaitu nih theihna a hloh phah ta a, season dangah November thla hi an chetchhiat fo tawh avangin an chetchhiat a intan lehna a ni ang tih football expert te chuan an lo sawilawk nasa hle a, International break zawh ah Manchester United an tum lehnghal dawn bawk avangin an tan hle a ngai dawn a ni.

3a1dd3a000000578-3910188-image-a-92_1478438204938

3 thoughts on “Siruk khungin Liverpool in Premier League hma an hruai.

  1. Pingback: cialis professional

  2. Pingback: cialis 5 mg

  3. Pingback: viagra on line

Leave a Reply