Emmanuel Adebayor chuan first-half ah goal hnih khungin Tottenham Hotspur chuan Aston Villa an hneh a, league table-ah 3-na an ni ta.
Thawhtan zan Premier League inkhel awmchhunah Tottenham hian Aston Villa an lo mikhual a. Minute 14-naah Adebayor hian in-uisalehlin chungin goal nalh tak a khung a. First half tawp hma hretin goal khat dang a khung leh bawk. Heng goal hnihah te hian Gareth Bale a inrawlh ve ve.
Second half-ah pawh Spurs hian ro an rel leh a, chance tam tak an nei a, mahse goal an khung belh thei lova, an goal lam erawh Villa player-te hian an tibuai tehchiam lo. Spurs hi Premier League match 9-a match 8 an chakna a ni tawh a, point 25 hmuin, Chelsea, Liverpool leh Arsenal-te aiin point 3 in an sang a, goal difference-ah Newcastle aia sangin 3-na an ni ta a ni. Heti chung hian Spurs hi (Everton nen) midang zawng aiin game khatin an la khel tlem zui a ni.
Spurs boss Harry Redknapp chuan a naute khelh danah a lawm thu a sawi a, “Inkhelh hi nuam an ti a ni,” a ti tawp mai. Adebayor-a’n goal hnih khung mahse Harry chuan midang a hmuh hmaih lova, “Luka (Modric) a khel tha a, Scott Parker pawh khel tha tak a ni. Tlar hnungah pawh kan thain ka hria, Kaboul hian a khel tha takzet,” a ti bawk.
Redknapp chuan tuna an khelh ang renga an khelh theih chuan an champion theih a rin thu sawiin, “Kan chak zel a, kan inrintawkna kan hloh loh phawt chuan champion hi thil theih a ni. Tuna kan khelh anga kan khelh reng chuan kan champion ang, mahse a harsa khawp ang,” a ti thung.
Tottenham hi an League game hnuhnung 9 ah chak loh nei lovin an kal tluang tawh a, match 9 zinga match 8 ah hian an chak vek a. Match 9 ah hian a lo berah goal 2 tal an khung ziah bawk a che tha tak hi an ni ringawt.
Table thar hetiang hi a ni –
Pingback: cialis 20mg
Pingback: generic cialis canada
Pingback: Cialis online without prescription
Spurs mid. hi chu duhthusama tha niin ka hria.. An game pawh a hmuhnawm thin. Striker lama an buai thinna hi Adebayor hian phuhru zo tak ang maw.
Kan Ade-a mai mai chu… Fantasy ah ka out tir hlim hlawt a, min chet that san chu le… Good Post…
A rawn kai chak hle mai.
Lom pui e.
Good post… Adebayor pawh a lawmpuiawm khawp mai!!!
A boruak tan hle mai…a nuam zel don e..
Huhui…adebayor hi fantasy league-ah ka hmang a, a va tihzia ve..Spurs an lawmpuiawm e.
Spurse hi tunlai an form riau mai a, mase sawitawh angin substitute hi antha lova, hei hi an buaina pakhat chu ani ngei ang,an first 11 te an rawn inhliam palh ani veih chuan.
City chu a green zei mai…(en ava han nuam tak em)
Harry khian, “Tun anga kan khelh chhoh zel chuan…..” tih aiah khian, “inhliam kan awmlo te a nih chuan……..” ti zawk se a sawi dikin ka ring…Good Post
Season chanve em pawh la ni lo a, tunge lo tha tak tak chu kan hria ang chu…
Tun dinhmunah chuan Chelsea pawhin Europa an khel pha tawk! Table khi en vang vang ila, top 7 chin khi an tawt a, an hnuai lamah khian group dang an inhnawh ve leh a.. 🙂
spurs hi chu player ho an rim avang hian season tawp ah an buai leh ang tih ka ring, substitude lam hi duhthu an sam lo e, mahse ka tan ber pawl anni
Good post ! ” Minute 14-naah Adebayor hian in-uisalehlin chungin goal nalh tak a khung a. ” tihlai hi ka duh lutuk ! 🙂 En ve a chakawm hle mai, ka en ve thei lova.. Spurs chu anva rapthlak ve ! Han champion daih mai se, sawi ve re re ah 😛