“Stamford Bridge-ah Chelsea vs Reading kha ka en ve a” – Mala Ralte

Khawvela ka club tan ber Chelsea inkhel, an homeground STAMFORD BRIDGE-a ka en thei dawn a ni tih ka inhriat khan ka lawm a, sawi ngaihna ka hre lo a ni ber mai. Mut mu pawh ka tuah meuh lo. Zirna avangin nikum lam khan London-ah ka awm tan ve a, ka zirna lam chu lo dahtha ta ila. Ka zirna ni lova ka thil tih tum leh chak ber chu Stamford Bridge-a Chelsea inkhel en hi a ni. Online hmangin ka thian vai (‘Vai’ tihin sawi mai ang aw, an hnam bila rawn dawn sawi chuan a buaithlak tlat) te nen ticket kan booked a. Ticket ka neih hnu phei chuan ka za zek zek ringawt.

Pic : Stadium kawtah ka thiante nen

Stamford Bridge kawtthler-ah ngei mai
Kan hriat angin kar hmasa (23 August) Nilaithawhtanni zing (12:15 am) khan Chelsea leh Reading an inkhel anih kha. He inkhel hi tun season-a Chelsea-in an homeground-a an match hmasa ber khelhna tur a ni a, hemi en thei zinga ka tel tur hi ka lawm khawp mai. Ka thian vai te ho nen phur zetin kan thawkchhuak a, Stamford Bridge kawt thler kan va thlen chuan fans ho hi an lo zi nuaih nuaih tawh a. Ka sawi duh mai mai chu inkhelh a awm hi chuan Mizoram-a “No Vehicle Zone” kan hman ang deuh hian kawngpui hi motor kal theih lovin an lo block a. Police rual an duty a, sakawr-ah chuangin mipui min lo vil a, kea kal pawh an awm bawk. Tin, stadium hnuai hi train station a ni a, Fulham Broadway Station a ni.

Pic : Stadium kawt

Stadium kawtah hian official taka Chelsea thil zawrhna dawr a awm a. Tin, Stadium tour a tih theih a, Museum a awm bawk. A kawt vela han teikual hi a nuamin mit a tlai khawp mai. Fans an chhe lova, engkim hi a nih tur angin a ni thlap a. A mumal em em vek a, a boruak pawh a nuam angreng hle. A kawt velah te thla kan han la tete a, muang marin Stadium chhung kan lut a. Mumang ramah ka cheng a ni ber mai. Security pawh a tha khawp mai. Tin, luhna tur a tam a, luh dawna inhnawh vak vak kha a awm lova, a felfai tha lutuk tlat !

Pic : Stadium kawtah, inkhel en turte

Stadium chhung kan lut a
Stadium kan lut a, thla ka la nghal char char a. Khawvela ka kal chakna ber STAMFORD BRIDGE chhungah ka awm ta ! Ka va intithei tak em ! Kan hawikual vel a, ka lung hi a awi hliah hliah a ni. Players te pawh field chhungah an lo tlan lauh lauh tawh a, mit ngeia John Terry, Frank Lampard, Fernando Torres, Eden Hazard tih vel ka’n hmu thei chu lawm tak ka ni. Hetih laia ka rilrua awm lian ber chu ka thian leh unaute football lama tui em em mai, Mizoram lama awmte an ni daih a. Chelsea fans pawh ni lo mah se nuam an ti dawn tih hi ka sawi ngam a ni. Inkhelh tan hmaa an practice/warm up ringawt en pawh hi a lungawithlak tawh khawp mai.

Pic : Stadium tours leh museum awmna hmun

Inkhel chanchin tlemte
Inkhel an han tan chiah a, fans te an bengchhengin a rik hian a ri hum hum a ni ber mai. Hetiang ang boruak ‘hot’ tak hnuaia inkhelh chu players tan pawh a nuam khawp ang le. Kan thianho pawh kan bengchheng khawp mai. Minute 18 naa Lampard-a’n penalty atanga an pet goal chiah phei kha chu fans ho lawm lutuk kha an ‘sapatal’ a ni ber mai. Mahse minute 25 leh 29 naa Reading lamin an rawn pet goal leh avangin mikhual Reading fans an pawr ta zawk a, tlem zawk ni mah se an bengchheng hle.

Pic : An sawi Stamford Bridge ngei mai

Second half tan a ni a, minute 69 naah Gary Cahill-a’n goal a rawn thun leh a. Hemi hnu hi chuan Chelsea fans an phur thar a, an bengchheng lehzual a. Torres-a rawn pet goal leh hnu phei kha chuan thawm a va han ring tak em ! An au rual dual dual a, an zai rual dual dual a, a awm hle hle theih tawh loh. Aw rawl tawpin kan au rual dual dual a ni ber. Injury time-a Ivanovic pet goal leh phei kha chuan nuam titak ka ni. Ka club tan ber, Champions League champion lai nibawk inkhel, Stamford Bridge-ah ngei mai ka en a, chutah kan la chak zui bawk a, nuam tak a ni ringawt !

Pic : Stamford Bridge

Fans au hla “Hazard kha pass rawh u…”
Mi singli chuangin inkhel kan en a. Fans te hian au hla leh zai hla an nei a, an au rual a, an zai rual dual dual bawk a. Heng hi chu lo dahtha ta ila. Chu aia fans au hla tam ber chu “Hazard kha pass rawh u” tih a ni. Mak ka ti angreng khawp mai. Chelsea player te’n ball an han chang a, fans te’n “Hazard kha pass rawh u” an ti rual dual dual zel. Player thar a ni a, hetiang em ema lawm a hlawh leh au hlaa an hmang hi a awm ka tih rualin player thar ala nihna ah hian mak ka ti ve bawk.

Pic : Chelsea players te warm up lai

Hazard thiam ka ti ber !
Chelsea player ka duh ber thin chu Didier Drogba kha a ni a. Mahse Chelsea a chhuahsan tak avangin Hazard hi player thar ni mah se thiam ka ti ber mai. A ball khawih a mawi a, a skills a sang a, mipui lawm pawh a hlawh ber a ni. Drogba awmlaia ka en hman lo erawh pawi ka ti tak zet zet a ni.

Pic : Chelsea players

Inkhel ka en leh dawn
Stamford Bridge-a ka vawikhat enna chauh a la ni a, ka dam anih phawt chuan en leh ka la tum khawp mai. A tawi zawngin Europe-a football club tha ber nilai leh ka tan ber Chelsea inkhel ka en thei hi tun thlengin mumang emaw ka la ti. Tet lai chuan TV atang ka en a, tunah chuan a hmunah ngei mai ka en ta.

Pic : Captain John Terry leh Mikel Obi

Mizo thalai te’n inkhelh baka min zawh tam ber pakhat chu “An chhelo em?” tih a ni a. Ka chhanna chu “Chhelo tehreng mai, inkhel en ho chu chhelo tak an ni” tihin ka chhang duh e.

Tlangkawmna
Stamford Bridge-a inkhel ka en hma hian Stamford Brigde aia stadium ropui zawk (United fans ho kha lo intithei lutuk lo ula) tih ngam Old Trafford-ah Olympic football kha ka lo en tawh bawk. Tin, Premier League tho – Reading vs Stoke City kha ka en bawk a. Reading home ground Madejski Stadium-ah khelh a ni a, 1-1 in an in draw a nih kha.

Pic : John Terry

Hun chep tak karah unaupa (cousin) Zama (Admin) ngenna vangin article ka rawn ziak a ni a. A remchang anih chuan Reading vs Stoke inkhel report bakah Old Trafford-a Olympic ka en chanchin etc ka la rawn ziak leh dawn nia.

– Mala Ralte, London (UK)

Pic : Chelsea vs Reading

(ADMIN : He article ziaktu Mala Ralte hi Chelsea fan ruhkawl niin hun chep tak karah kan ngenna min rawn tih hlawhtlinsak avangin a hnenah hian lawmthu kan sawi a ni.)

35 thoughts on ““Stamford Bridge-ah Chelsea vs Reading kha ka en ve a” – Mala Ralte

  1. Pingback: levitra vs cialis

  2. Pingback: Buy cheap cialis

  3. noupep

    @mala: Va nuam awm bik huih huih ve… Kei inkhel ka enve tawh ah chuan dubi muala, electric veng leh bazar veng? Inkhel ka en kha nuam ka la ti ber; Pu remruata te anla insual zui…

  4. vala

    London kal thlen pawh tih tawh laiin, i tan ber club inkhel i en thei hi i va han lawmpui awm tak em! A rem chuan arsenal inkhel lo en la, report ngaihnawm tak lo ziak teh o. Ka lawm pui che a, ka thik bawk che.

  5. jacob

    Ngaihnawm lutuk, ka awm dan pawh ka sawi thiam lo. Engtik ah emaw chuan kal ve thei ila ooooooooo. Lo ziak leh zel teh, a hmuna en nge2, chhiar a nawm dan a dang tlat.

  6. Blues Olias

    Van thik tak em!, Lalpa engtik ah nge khawvel a ka kalchakna ber Stamford Bridge ah min hruaive dawn..???!!?..

  7. lalte langel

    Ka dream a nia ka la ti hlawh tling ve dawn chiang alawm….. I en lai a video ka va en chak ve, nang ma lan na, MIZO trawng ngat a “Hei hi Stamford Bridge a nia in khel ka en ve nih hi” i tih lai ngei hehehe. FB lamah biak che ka va duh ve, zawh duh che ka nei nual a. Chelsea Fan nih a va nuam em….. Extraordinary Post huangah ka dah e.

  8. Cleverley VRT

    Kei chu ka dream chu Zofooty jersey ha chunga AR Lammual a in khelh hi ni mai hehe. Mala chu vannei bik hle mai, ka club tan chu ni lemlo mahse a hmunah ngei en tura min sawm anih chuan ka hnar thei lovang che, Old Trafford hi eng tikah nge ka hmuh ve theih ang le.

  9. Ramenga

    A hmuna en ngeiin an ziah hi chuan a dan a dang khawp mai. Ka team tan te hi an stadium ngeiah an inkhel en ve ka la tum.

  10. hriatpuia

    Mitin hian dream kan nei theuh an ti a, ka dream chu min lo tih khalh der mai a..lolllz A hmun ngeia en a va han chakawm ve em! Post tha khawp mai.. Chelsea inkhel chu lo en zel rawh.. team dang chu ngailo.. pawisa save rawh lollz

  11. Bma Fanai

    Kolkata ka tlawh hmasak ber tuma ka hmuh chak ber chu Salt Lake Stadium a ni a, ka en nghal chat. Stamford bridge, Old Trafford tih vel i han sawi bik hi chu ka hnuk i ti ulh. ka lawmpui rual che in ka thik che

  12. Hriatpuia pa

    Report from ground zero nge nge… ngaihnawm kher mai. I en leh hunah article ziak tur rilru pu chungin en la, hei ai hian a ngaihnawm lehzual ang… Very good post.

  13. Mala Ralte

    @zodina la en leh don choh ….thla ka lo lak sak vak don che nia…ticket hi ka en kual ve deuh reng a…hmuh hmasak ber en leh ni mai…

  14. zodina

    @mala…CHELSEA ka tran zia chu kan Adm Zama hi i lo zawt mai don nia, ka lompui non leh molh2 che ania….

  15. zodina

    Huizzzzzzz,………ka chhiar pah hian ka hnuk a ulh hial, ka ti fiam miah lo, ka lompui lutuk tlat bok, ka mittui a hnam hial nia maw leee….hepa hian ka damchhung a ka chak ber a ti hlohtling a, ka tet lai atang a ka lo soi ve thin ka dream a nei veng2 bik mai a, ka awt ve hle mai tih bak ka soi thiam lo, a chan ang hi chang ve dawn ila chan ngam ka va ngah emmmmm…..@mala, ka lompui che, vawikhat tal en leh la, min lo en kep ve ngei2 don nia o, voikhat tal i en laiin min lo hrechhuak ve don nia…..ka damchhung in ka awt toh don che a nih hi…

  16. choia

    vannei bik hle mai… kei pawh Stamford Brigde ngei a, Chelsea FC inkhel en hi, ka dream ala ni hrih..heheh Good Post !

  17. Rinn

    good post bro va chakom ve… msa cu nuam a ti hle ang…football lam te poh a hre ve deuh phah ang cu hahaha JK

Leave a Reply

“Stamford Bridge-ah Chelsea vs Reading kha ka en ve a” – Mala Ralte

Khawvela ka club tan ber Chelsea inkhel, an homeground STAMFORD BRIDGE-a ka en thei dawn a ni tih ka inhriat khan ka lawm a, sawi ngaihna ka hre lo a ni ber mai. Mut mu pawh ka tuah meuh lo. Zirna avangin nikum lam khan London-ah ka awm tan ve a, ka zirna lam chu lo dahtha ta ila. Ka zirna ni lova ka thil tih tum leh chak ber chu Stamford Bridge-a Chelsea inkhel en hi a ni. Online hmangin ka thian vai (‘Vai’ tihin sawi mai ang aw, an hnam bila rawn dawn sawi chuan a buaithlak tlat) te nen ticket kan booked a. Ticket ka neih hnu phei chuan ka za zek zek ringawt.

Pic : Stadium kawtah ka thiante nen

Stamford Bridge kawtthler-ah ngei mai

Kan hriat angin kar hmasa (23 August) Nilaithawhtanni zing (12:15 am) khan Chelsea leh Reading an inkhel anih kha. He inkhel hi tun season-a Chelsea-in an homeground-a an match hmasa ber khelhna tur a ni a, hemi en thei zinga ka tel tur hi ka lawm khawp mai. Ka thian vai te ho nen phur zetin kan thawkchhuak a, Stamford Bridge kawt thler kan va thlen chuan fans ho hi an lo zi nuaih nuaih tawh a. Ka sawi duh mai mai chu inkhelh a awm hi chuan Mizoram-a “No Vehicle Zone” kan hman ang deuh hian kawngpui hi motor kal theih lovin an lo block a. Police rual an duty a, sakawr-ah chuangin mipui min lo vil a, kea kal pawh an awm bawk. Tin, stadium hnuai hi train station a ni a, Fulham Broadway Station a ni.

Pic : Stadium kawt

Stadium kawtah hian official taka Chelsea thil zawrhna dawr a awm a. Tin, Stadium tour a tih theih a, Museum a awm bawk. A kawt vela han teikual hi a nuamin mit a tlai khawp mai. Fans an chhe lova, engkim hi a nih tur angin a ni thlap a. A mumal em em vek a, a boruak pawh a nuam angreng hle. A kawt velah te thla kan han la tete a, muang marin Stadium chhung kan lut a. Mumang ramah ka cheng a ni ber mai. Security pawh a tha khawp mai. Tin, luhna tur a tam a, luh dawna inhnawh vak vak kha a awm lova, a felfai tha lutuk tlat !

Pic : Stadium kawtah, inkhel en turte

Stadium chhung kan lut a

Stadium kan lut a, thla ka la nghal char char a. Khawvela ka kal chakna ber STAMFORD BRIDGE chhungah ka awm ta ! Ka va intithei tak em ! Kan hawikual vel a, ka lung hi a awi hliah hliah a ni. Players te pawh field chhungah an lo tlan lauh lauh tawh a, mit ngeia John Terry, Frank Lampard, Fernando Torres, Eden Hazard tih vel ka’n hmu thei chu lawm tak ka ni. Hetih laia ka rilrua awm lian ber chu ka thian leh unaute football lama tui em em mai, Mizoram lama awmte an ni daih a. Chelsea fans pawh ni lo mah se nuam an ti dawn tih hi ka sawi ngam a ni. Inkhelh tan hmaa an practice/warm up ringawt en pawh hi a lungawithlak tawh khawp mai.

Pic : Stadium tours leh museum awmna hmun

Inkhel chanchin tlemte

Inkhel an han tan chiah a, fans te an bengchhengin a rik hian a ri hum hum a ni ber mai. Hetiang ang boruak ‘hot’ tak hnuaia inkhelh chu players tan pawh a nuam khawp ang le. Kan thianho pawh kan bengchheng khawp mai. Minute 18 naa Lampard-a’n penalty atanga an pet goal chiah phei kha chu fans ho lawm lutuk kha an ‘sapatal’ a ni ber mai. Mahse minute 25 leh 29 naa Reading lamin an rawn pet goal leh avangin mikhual Reading fans an pawr ta zawk a, tlem zawk ni mah se an bengchheng hle.

Pic : An sawi Stamford Bridge ngei mai

Second half tan a ni a, minute 69 naah Gary Cahill-a’n goal a rawn thun leh a. Hemi hnu hi chuan Chelsea fans an phur thar a, an bengchheng lehzual a. Torres-a rawn pet goal leh hnu phei kha chuan thawm a va han ring tak em ! An au rual dual dual a, an zai rual dual dual a, a awm hle hle theih tawh loh. Aw rawl tawpin kan au rual dual dual a ni ber. Injury time-a Ivanovic pet goal leh phei kha chuan nuam titak ka ni. Ka club tan ber, Champions League champion lai nibawk inkhel, Stamford Bridge-ah ngei mai ka en a, chutah kan la chak zui bawk a, nuam tak a ni ringawt !

Pic : Stamford Bridge

Fans au hla “Hazard kha pass rawh u…”

Mi singli chuangin inkhel kan en a. Fans te hian au hla leh zai hla an nei a, an au rual a, an zai rual dual dual bawk a. Heng hi chu lo dahtha ta ila. Chu aia fans au hla tam ber chu “Hazard kha pass rawh u” tih a ni. Mak ka ti angreng khawp mai. Chelsea player te’n ball an han chang a, fans te’n “Hazard kha pass rawh u” an ti rual dual dual zel. Player thar a ni a, hetiang em ema lawm a hlawh leh au hlaa an hmang hi a awm ka tih rualin player thar ala nihna ah hian mak ka ti ve bawk.

Pic : Chelsea players te warm up lai

Hazard thiam ka ti ber !

Chelsea player ka duh ber thin chu Didier Drogba kha a ni a. Mahse Chelsea a chhuahsan tak avangin Hazard hi player thar ni mah se thiam ka ti ber mai. A ball khawih a mawi a, a skills a sang a, mipui lawm pawh a hlawh ber a ni. Drogba awmlaia ka en hman lo erawh pawi ka ti tak zet zet a ni.

Pic : Chelsea players

Inkhel ka en leh dawn

Stamford Bridge-a ka vawikhat enna chauh a la ni a, ka dam anih phawt chuan en leh ka la tum khawp mai. A tawi zawngin Europe-a football club tha ber nilai leh ka tan ber Chelsea inkhel ka en thei hi tun thlengin mumang emaw ka la ti. Tet lai chuan TV atang ka en a, tunah chuan a hmunah ngei mai ka en ta.

Pic : Captain John Terry leh Mikel Obi

Mizo thalai te’n inkhelh baka min zawh tam ber pakhat chu “An chhelo em?” tih a ni a. Ka chhanna chu “Chhelo tehreng mai, inkhel en ho chu chhelo tak an ni” tihin ka chhang duh e.

Tlangkawmna

Stamford Bridge-a inkhel ka en hma hian Stamford Brigde aia stadium ropui zawk (United fans ho kha lo intithei lutuk lo ula) tih ngam Old Trafford-ah Olympic football kha ka lo en tawh bawk. Tin, Premier League tho – Reading vs Stoke City kha ka en bawk a. Reading home ground Madejski Stadium-ah khelh a ni a, 1-1 in an in draw a nih kha.

Pic : John Terry

Hun chep tak karah unaupa (cousin) Zama (Admin) ngenna vangin article ka rawn ziak a ni a. A remchang anih chuan Reading vs Stoke inkhel report bakah Old Trafford-a Olympic ka en chanchin etc ka la rawn ziak leh dawn nia.

– Mala Ralte, London (UK)

Pic : Chelsea vs Reading

(ADMIN : He article ziaktu Mala Ralte hi Chelsea fan ruhkawl niin hun chep tak karah kan ngenna min rawn tih hlawhtlinsak avangin a hnenah hian lawmthu kan sawi a ni.)

Leave a Reply