TAWI NAWI

# Manchester City midfielder Kevin De Bruyne chu 2019/20 season a Premier League player tha bera thlan a ni. Belgian playmaker hi Liverpool trio Jordan Henderson, Sadio Mane leh Southampton striker Danny Ings, Nick Pope leh Golden boot winner Jamie Vardy te chungah awm in he chawimawina hi hlan a ni. De Bruyne hian tun season ah thiante pet goal tur siamsak vawi 20 neiin City tan hian goal 13 lai a thun bawk a ni.

# Chelsea chuan Declan Rice man atana Batshuayi leh Barkley an offer chu Westham in an hnawl tih Talksports chuan an tarlang. Hetihlai mek hian Chelsea chuan Ben Chilwell lalut turin a hmawr an bawk tep tawh niin The Sun chuan a tarlang ve mek bawk a, Chilwell transfer an tihfel velah Lampard hian Centre Back lakluh tur a zawng leh nghal dawn niin an tarlang bawk. Chelsea hi transfer bazar a buai ber an ni mai awm e. RB Leipzig player pawimawh Timo Werner leh Ajax superstar Hakim Ziyech an lalut fel tawh a, Leverkusen atangin Kai Havertz lakluh tumin an bei leh mek bawk a ni. Transfer vawi 2 lai bazar thei tawh lo Premier League giant hian an target te an hlah lo a nih ngat chuan season tharah chuan an tawrhhlelhawm hle tura ngaih a ni.

# ISL club Hyderabad FC chuan Borussia Dortmund nen thawhdunna tur thuthlung kum 2 chhung atan an ziahpui. He an official partnership hi August 20 a Borussia Dortmund in Virtual Asia Tour an neih hunah tlangzarh a ni dawn a. Hyderabad FC hi Dortmund in khawvela partner club an neih 4-na an ni dawn a ni. ISL club leh Bundesliga club te hian kum 2 daih thawhhona thuthlung an ziak phawt a, hei hi kum 2025 thlenga pawhsei theih turin inremna an nei bawk a ni.