North London aṭangin Manchester lamah Samir Nasri a chhuak tawh a, hetih lai hian player pakhat chu Manchester aṭangin North London lamah a kal ve thung dawn.
Togolese striker Emmanuel Adebayor chungchangah Manchester City leh Tottenham Hotspurs te an inbe fel a, Nilainia medical test a neih zawh ah season khat chhung Tottenham ah hian a khel ang. Kum 27 a upa Adebayor hian tunkar tawpa Spurs leh City intum hunah a khel ve thei dawn lo a ni. (English Premier League ah hian player loan a chhuak te hian an ‘parent’ club te an hmachhawn thei lo.)
Hlawh hniam duh lo Ade
Striker ṭha mamawh belh Spurs hian Adebayor hi hun rei tak chu lei an lo tum tawh a. Tunah hian Ade hian karkhatah £170,000 a hlawh mek a, hei hi Tottenham in an pek theih loh thu an sawi tawh. City ah a khel pha tawh lo a, bench a ṭhu mai mai tur hnena heti zat pek hi club lamin nâ an ti ve deuh a, chhuahtir an duh. Player berin tuna a hlawh aia tlem hlawh a duh lo bur mai si a, hei hi an buai rei phah ta a ni.
An inbiakremna ah chuan a hlawh hi club pahnihte hian an inpekṭawm dawn!! Tottenham lamin 50-50 a a hlawh hi inpek sem an duh a, City lamin an duh lo. An buai deuh fe hnuin mamawh nasa zawk Tottenham an inphahhniam lo thei lo a, a chanve aia tam pek hi an remti ta a ni.
Arsenal player hlui a ni sia
Tottenham leh Arsenal inhal zia kan hria a, Arsenal player hlui hi Spurs fans ten an lo ‘welcome’ viau angem? Spurs manager Harry Redknapp chuan Adebayor haw ṭhintu te hi Adebayor ṭan em em tu an ni thei ang tih a sawi.
Redknapp chuan a striker thar chungchang sawiin, “Player talent nei ṭha tak a ni. Tottenham Hotspurs leh ama tan pawh hei hi hlawhtlinna nasa tak a ni thei a. Arsenal a a awm laia a form ang kha a neih leh thei a, nikuma Real Madrid-a a khelh ṭhat ang khan a khelh leh kan duh a ni.” a ti.
Fans laka a beiseina sawiin, “Ade hian goal a thun fo chuan fans te hian an lawm viau ang a, a thun loh chuan an chan sawm ang.” a ti.
A kalna apianga buaina nei ve neuh neuh reng Adebayor hi Spurs player mamawh chu a ni ngei mai a, season tharah Champions League a thlenpui zo angem?
source: comeonspurs.com
cialis pills
cialis coupon
viagra delivered overnight
Brand name viagra overnight
Hepa hi chu a ngeiawm nain a tha kati khop mai….a inrintawkna rgnt pawh hi Spurs ho chuan an hlep in ka ring..
Ade-a chu a sir tawn atangin Lennon leh Bale in an chawm rawn dawn chu a nia(h)..Tauh lut leh pawp pawp mai ang a…
Striker tha season tluana an thu mai2 tur hi chu an uihawm ve deuh thin ani, Ade hi world class player ania a mamawh chu khelh tam ani. Spurs in an lalut hi an ti tha e.
Striker tha an mamwh bwka Spurs cuan an tifuh gwt k ring
@zodikalz13: Hei hi chu loan agreement ni loin EPL dân ve hrim hrim a ni e.
“English Premier League ah hian player loan a chhuak te hian an ‘parent’ club te an hmachhawn thei lo.”
Loan agreement a zir a ni jokes lo maw? 😉
Spurs hian an thatpui ka ring khawp mai!
Gallas leh ade-a chu an in tih buaina dressing room an thlak mai2 lo’ng mo?????:-)
Hlawhtling em ang chu maw?!
Gallas(Arsenal player hlui) pwh spurs ah a lut a, Ade-a pawh nakin lawkah cuan spurs fans te lakah a la tla tlum mai ang…Striker tha an mamawh bawk a, an chhawr tangkai ngei ka beisei..
Amak ka t ve chu Adebayor hi tha ka t ve viaua, mase city ah bench takngial pawh a luah phak twh lo hi.
Coach thu2 chu ani miau c a.
ka first ve chu le hehehe