Liverpool midfielder Lucas Leiva chu a khûp veilam hliam avangin tun season chhûng a inkhel thei tawh dawn lo!!!
Brazil international Lucas hi Carling Cup quarter-final-a Liverpool in Chelsea an hneh ṭuma inhliam a ni a, he match-ah hian Chelsea midfielder Juan Mata nen an intauhsual a, zâwnchhuah a ngai hial a nih kha. A khûp hi Nilaini khan enfiah niin, Ningani-ah result a chhuak a, hlauthawng taka result lo nghaktu manager Kenny Dalglish leh Liverpool fans te hlauhthawn ber chu a lo thleng dik ta a ni.
Liverpool club chuan thuchhuah siamin, a khûp hi zai a nih tur thu leh, 2011/2012 season chhunga a inkhelh theih tawh loh tur thu a puang bawk.
Player pawimawh Lucas Leiva
Kum 2007-a Grêmio aṭanga Liverpool zâwm ta Lucas Leiva hi tunhnaia Liverpool player khel ṭha ber a ni hial awm e. Liverpool a zawm tirha player pakhat ve mai ni ṭhin kha tunah chuan Liverpool midfield luahlum tura King Kenny player rin hlawh ber a ni tawh a, a bik takin season kal mekah Charlie Adam nena an inkawp hi English Premier League-a midfield combination ‘solid’ ber a tih ngam hial awm e.
Tunhnai ni 14 chhungin Liverpool hian Carling Cup leh Premier League-ah Chelsea vawi 2 an hneh tawh a, Manchester City pawh an hneh teuh hle. Heng game-ah te hian Liverpool player khel ṭha ber chu kum 24 a upa Lucas Leiva hi a ni mai awm e.
Tutenge Lucas aiah khel ang
Liverpool lam chuan a inhliam tirh khan a na hle tih an lo hre tawh a, result a chhuah hma hauhin Blackpool-a loan a khel mek Jonjo Shelvey chu an ko lêt tawh a ni. Shelvey hian Blackpool tân game 10 ah goal 6 a thun tawh nghe nghe.
Player pawimawh tak an inhliam hi chuan eng club pawhin an tuar ṭhin a, mahse a thlaktu tur an neih ṭhat leh ṭhat lohin engtiang chiahin an tuar ṭhin tihah kawngro a su thui thei hle. Tunah hian Lucas nena game inang tak Jay Spearing a awm a, dinglama khel ṭhin Jordan Henderson pawh hi a ṭhatna ber chu a laiah a ni. Inhliam ngun angreng tak Gerrard pawh hi a dam phawt chuan innghahna tlak a ni e. Lucas angin defence puih lamah an ṭangkai thei angem tih erawh zawhna lian tak a ni awm e.
Footballer te na taka an han inhliam ringawt mai hi chu a pawi a.Lucas pawh kum 24 chauh a la ni a, tluang takin an zai turah ngai ila, Liverpool fans mai ni lo, Premier League fans ten season leha a lo kir leh hun nghakhlel takin kan lo thlir reng dawn a ni. Liverpool hian central midfielder tak hi chu an tlachham lem lo a, King Kenny hian Lucas aiah tu tak thlang ang maw?
source: independent.co.uk
ka naute an inhliam leh ta maw, Lucas i va uihawm ve, gerrard a dam tep tawh e, kan captain hian thil a la tidanglam thei a nia, a theihna hi a rintlak hle tih hria ang che u, BPL club tumah hlauh kan nei lo
Inhliam hi player te hmelma lian ber a ni. inhliam avanga an nih tur ang ni pha lo sawi tur an awm nual. Player tha inhliam hi chu ka ui vek mai.
Lucas avang hian Liverpool Fc hi ka duh ve em2 asin…tun dinhmunah chuan a post han luahkhat tu tur tumah an awm lo, a duh lo tu te ho kha ka rin aiin in mawl tlat, atangkai zia in hmu lawm ni
Rin aiin ava lo na ve a !! Zia lo ve. An form a tihchhiat phah a hlauhawm. Midfield lai phei hi chu a pawimawh ropui si a.. GOod post
ava zialo ve o…..Han dam thuai teh se,..khup hi zawng a dam har em bok a ni. Thla 4 chuang inthiar tha hlei theilova min saimtu ang bok kha nia ka hriatthympui khp mai..good post
Liverpoolfc hi lucas pa1 vang mai in kan tlak chhiat phah lo viau ang,hepa hi awm lo se k tihna rei th khop mai a;sala,a ai tha kan neih mai ang!january nih lh mai dn lm;akEkE
Va pwi ve..
A pawi. Spearing, Shelvey, Gerrard…. an inchingfel thei ang chu maw??
A va dik tak em. Attacking player hi chu an hmuhnawm a, an khelh ṭhat a langsar em em ṭhin. Defensive midfielder ho hi chu an khelh chhiat a langsar a, an awm loh phei chu a langsar duh viau.
Li’pool fan tam zawkin an pawi tih em em ka ring lo; Lucas hi a creative lo cuti khati ti an tam thin riau. Tunah chuan, a tel lova club lian leh mid. nei tha ve bawkte an tum hunah a hlutna chu a lo lang ang chu.
Va poi ve aw…hman a ka player huat em em thin kha tunah chuan ka duh em ema…a inhliam ta diah sia…poi lutuk
An tuar ve khawp mai thei ani Game atang chho sia , Competition asang tawh ropui si
PAWI BER