UEFA Champions League 2011 final-a intum Manchester United leh Barcelona te chu naktukah an inkhel leh dawn. An inkhelhna hmun tur hi Landover, Maryland-a FedEx field ah a ni a, ticket hralh tur awm zawng zawng chu hralh zawh vek tawh a ni.
He match hi 2011/12 pre-season match khelh tur zawng zawnga en chakawm ber a ni hial awm e. Mahni league a champion ve ve, Europe-a pakhatna leh pahnihna ni mek te an ni a, chaklo zawk nih an hreh dun khawp ang. Champions League final-ah Barcelona hi 3-1 in an lo chak tawh a, tun ṭumah hian Sir Alex-a náute hian ‘khawvela team ṭha ber’ hi hneh theih tak ang maw.
Tunkum nipui chhûnga team pahnihte pre-season hi i’n en thuak thuak teh ang
Manchester United
Khawvela sports club hlu ber Manchester United hian MLS-a khel club pathum leh MLS All Star team an tum tawh a, an hnehsawh thei viau mai. US tour ah hian game 4 khel tawhin goal 18 an thun tawh a, goal 2 an chhuah thung. Player lei thar pathum, Phil Jones, Young leh de Gea ten inkhelhna hun an nei thei vek a, player naupang Welbeck, Macheda leh Obertan te pawhin season thara first team chan phák ngei an tum tih an lantir bawk.
Hetih lai hian Mexican striker Javier Hernandez chu lu ná (concussion) vangin damdawiin-ah a awm mêk a, kar hnih vel tal chu a châwl ang. MLS All Star 4-0 a an hneh ṭum khan Sir Alex-a’n a team ṭha a thehchhuak a, naktukah pawh anni ho bawk kha an luh leh a rinawm. Ryan Giggs leh Rafael da Silva te pawh an khelh ngei kan beisei thei awm e.
FC Barcelona
Fabregas lei an tum thu leh Alexis Sanchez an lei thu hi chu kan hre vek awm e. Field páwna thawm an neih rin viau lai hian field chhungah pawh an thawm a zawi chuang lo.
European champions Barca hian Bayern Munich 2-0 in an hneh thei a, Bazilian club Internacional (2-2) leh Croatian club Hajduk Split (0-0) nen an indraw bawk. Guardiola hian Barcelona team ṭha ber an la khelhtir lo a, Xavi, Pique leh Puyol te phei chu an la khel lo hrim hrim. Anni bakah hian Copa America-a khel Messi leh Dani Alves te ho pawh an la khel lo bawk. Anni ho awm loh lai hian Mexican midfielder Jonathan dos Santos leh Spaniard Thiago Alcántara te an che ṭha hle a, United nen an intum hunah pawh an luh leh ngei a rinawm.
Inrinni-a an intum tur hi Manchester United tan USA an game 5 na a ni anga, Barcelona tan an game hmasa ber a ni thung ang.
Player ṭha te tello a Barcelona in Bayern Munich an hneh kha Manchester United manager Sir Alex Ferguson chuan a hmuhhmaih hauh lo a, Barca naupangte khelh dan chu ‘fantastic’a ti ve thlawt. “Kan intum hunah player naupang hlir an luhtir dawn tih hre lawk thei ila chuan keipawhin naupang hlir ka luhtir ve anga, a ropui khawp ang” a ti. An player neih ṭhat ber berte an luhtir erawh kan beisei.
source: mlssoccer.com
Pingback: Cialis cheap price
@Joe.. Hmuhnawm ve tho em?
an khel zo chiah e Man Utd 2-1 in an chak.
Tunah hian 1half a zo chiah a, Man Utd in 1-0 in hma an hruai, Danny welbeck siamsak chu Nanny in a score ani.
eng chanelah nge kan en theih ang hria in awm chuan min han hrilh teh u.ka en chak zawnjg tak a ni.
manchester kha ka tan tawp a nia. dar eng jat ah nge an in khelh dawn
Tun tum chu chak ve tawh ila aw…
Tunah chuan MLS lam Philadelphia leh Colarado te khel an Live. Thawhhma man awm lemlo khawp mai.
Link khi mobile site a ni. July 30th a ala awm chuan 31st a kal a ni mai.
Timezone hi keini nen a inan loh kha ma le. He link a a hnuaiber hi han en ve teh u. http://m.espn.go.com/soccer/scoreboard?date20110730lang=EN
ManU hian han sopzi hlak se k vn t ve toh emm…frenly mai2 poh ni mahse 😀
Hman chuan en ve tur anih hi.
@joseph.. MLS A-Star vs M. Utd match kha chu Truesport channel(1 nita in ka hria) ah an pe a. Naktuk zing dar 5 vel atangin chang leh tawp teh ang.
en theih dan awm se tha khawp ang.
En a va chakawm ve aw! Truesports channel velah an pe em ang chu maw!