SAFF Championship an ṭan ṭep a, chutih lai chuan a thlengtu tur India tana phurna reh rawihna tham turin mikhual Zambia chuan India chu Goa-a Nehru Stadium-ah Thawhlehni tlai khan 5-0 in an sawp!
He inkhelah hian Zambia tan Musakanya Bwalya chuan hat-trick a siam a, heng a goal thumte hi minute 21 chhunga a khung a ni.
India coach Savio Medeira chuan Steven Dias chu captain banhren a hrentir a, tlar hmaah Jeje Lalpekhlua leh Sunil Chhetri te an awm loh avangin Baljit Sahni leh Sushil Singh-te a tlan dun tir. Zambia hian a tir aṭangin India hi an ngam nghal a, India keeper Karanjit Singh an enchhin nghal mawlh mawlh a ni ber mai. Minute 14-naah Jimmy Chisenga chuan India defender pahnih Syed Rahi Nabi leh Gouramangi Moirangthem te chu a bum a, box chhung aṭangin, awlsam zetin goal khatna a khung a. Minute thum a liam leh a, India hian chance nei vein, Steven Dias-a corner pet chu Sushil Singh chuan a head a, goal line-ah Sitali Mushumba chuan a lo clear hman tlat a, hei bak hi first half-ah chance ṭha an nei lo. Zambia hian India goalkeeper thiamzia an lantir a ni ber mai!
Second half-ah Savio Medeira chuan beisei nei takin midfielde-ah Climax Lawrence leh Francis Fernandes te chu a rawn luhtir a, tlar hmaah Joaquim Abranches a chhuah bawk a, mahse awmzia an nei lem lova, Zambia bawkin inkhel an thunun chhunzawm zel. Sitali Joseph chuan minute 55-naah goal a rawn khung a, corner an hmu mawlh mawlh a, minute 69-naah substitute Musakanya Bruce Bwalya chuan a goal khatna a khung a. Hemi hnu minute thum lekah Bwalya hian goal khung lehin minute 90-naah goal khat dang khung lehin hat-trick a rawn siam a ni. Minute 87-naah Lungu Luka chuan bar a pet per dawt bawk a, Zambia hian hei aia tam hi goal khung thei an ni a, an vanduai hle zawk a ni.
An inkhelh hma khan India coach Savio Medeira chuan Jeje leh Chhetri-te awm loh avangin India team hi an pangngai lo maithei tih a lo sawi lawk tawh a, “Jeje leh Chhetri te hi kan ram striker ṭha ber ber an ni a, an awm loh avang hian team balance a buai maithei a, mahse midangin chance an neih phah thung dawn a, an ṭhat tawkzia an lantirna hun a ni ve dawn a ni,” a lo ti tawh a. Mahse East Bengal striker Baljit Sahni te chuan Jeje leh Chhetri chu a lo la ter lo deuh ni ngei tur a ni, India tlar hma an hriam thlawt lo a ni ber mai.
Zambia hi FIFA ranking-ah 79-na an ni a, India hi an hnuai fe, 162-na kan ni ve chauh a, result awm ang lo lutuk chu a ni chuang lo ve!
Pingback: goodrx cialis
Pingback: How to get viagra no prescription
‘India an zawr’ tih aiah ‘kan zawr’ tih zawk nise.. India rama awm kan nih angin kan ram chanchin sawi nan chuan ‘kan’ tih hi hmang ila a fu a ngem??
va han buaithlak thin e ooo…hahah…Good post!!!
zia lo ve.hahahah
Unfortunately, India loss again – He tawgkam hi chu kan la inhmeh tluang zel a nih hi.
INDIA team ve hi GOA XI pawh kan tluk lo. Goa XI chuan 4-1 chauhvn an hneh lova, keini chuan 5-0. hahahha Good post !!!
Jeje leh Chhetri hi an vannei , awm se an chak lo awm tho sia .. 🙂
SAFF Cup a nih hunah chuan kan dang zar mai ang..
He he..! Haw haw! Hmm.:):(:@
Ziahthlak ve!!!! Mhs, an thiampuipa awmloh vang mai2 nhhi 🙂
zia ve tho alawm…. Jeje leh Chhetri chuan vannei an inti âwm…. 🙂
hamara desh ve chu a, cricketah hian kan tha hlur ringawt a, chu pawh ram 10 chuang awrh chauhin an khelh.