Zaninah India vs Qatar. Jeje-a leh Rindika te an start dawn

RamengaJuly 17, 2011July 18, 2011 AIFF, India 41 Comments

Qatar 1 – 2 India ( Full Time)
IND : Sunil Chettri 17′(penalty), Sushil Singh 75′
QAT : Khalfan Ibrahim 74′

Thlakhat emaw chauh a la ni, India leh Qatar ten Pre Olympic Qualifiers an khel a, Mizo tlangvalin international level-a goal a thun vangin lawmin kan au a, Mizo tlangvalin penalty a thun loh avanga pawi kan tih laite kha a la rei lo. Nidanga India inkhel en peih vak lo thin pawhin India inkhel en ngei a tum tawh a, international football-a Mizo tlangvalte tal vel ‘live’ ngeiin kan hmu ve thei ta.

Zanin dar 9:45 ah India leh Qatar bawk an inkhel leh anga, Pre Olympic Qualifiers ni loin friendly match a ni tawh thung ang a, a inkhel turte pawh U-23 team ni tawh loin senior team an ni tawh ang. Team hran, level hran, match hran ni mahse thil danglam ve lo a awm a, hmannia India U-23 tana khel Jeje Lalpekhlua leh Lalrindika Ralte te chu starting XI ah an tel leh ta. India senior team a Mizo tlangval khel lai ‘live’ in kan hmu thei dawn ta e. Anni bakah hian U-23 captain theh thui thei tak Raju Gaikwad pawh a tir atangin a lut ang. Robert Lalthlamuana erawh Debabrata Roy a la awm avangin a start dawn ta lo.

Inkhel hi Ten Action Plus ah an live dawn a ni.

India’s starting XI (the-aiff.com atanga lakchhawn)

1. Subrata Paul (c)
2. Debabrata Roy (Defender)
3. Gouramangi Singh (Defender)
4. Raju Gaikwad (Defender)
5. Samir Naik (Defender)
6. Syed Nabi (Midfielder)
7. Climax Lawrence (Midfielder)
8. Mehtab Hossain (Midfielder)
9. Lal Rindika Ralte (Midfielder)
10. Sunil Chhetri (Forward)
11. Jeje Lalpeklua (Forward)

Zaninah hian Qatar hi an chak chu a rinawm zawk viau mai. FIFA rankingah pawh an sang zawk a, an intum tawhah India hian hnehna an la chang ngai lo. Duhthusam-ah chuan India team hi chak se, players te hi kheltha vek mai se, Mizo tlangvalin chakna goal thun bawk se tih hi a ni. Beisei erawh a sang lutuk lo a, an chak ta lo a nih pawhin Mizo tlangvalte hi kheltha tal se a lawmawm ang a, an khel tha vak lo a nih pawhin India senior team-a kan lang ve leh ta hi a lungawipui theih tho awm e.
HEAD-TO-HEAD (the-aiff.com atanga lakchhawn)

Qatar: FIFA RANKING – 94
India: FIFA RANKING – 147
Total Matches: 4
Qatar Won: 3
India won: Nil
Drawn: 1
Goals scored:
Qatar – 12
India – 3
Last Three Meetings:

Nov 9, 2010: Guangzhou Asian Games

Qatar 2 (Jaralla Ali – brace) beat India 1 (D Ravanan).

June 17, 2011: Pre-Olympic Qualifier in Doha

Qatar 3 (Al Khalfan, Hasan Al Haydos, Mohamed El Neel) beat India 1 (Jeje Lalpeklua)

June 23, 2011: Pre-Olympic Qualifier in Pune

India 1 (Khaled Muftah – self) d/w Qatar 1 (Mohamed El Neel)

INDIA vs QATAR hi Ten Action + in an broadcast ;eh ;oh (cancelled) avangin TV ah live a en na tur a awm lo.

41 thoughts on “Zaninah India vs Qatar. Jeje-a leh Rindika te an start dawn”

Pingback: price of cialis
Pingback: Buy cialis online cheap
ViZet July 17, 2011 at 11:59 pm

Va lawmawm ve ooooo…..ka chang ve ngar2 asin le..Vai ho tak hi chuh! Panjab a ka awm lai pohin kan football khel lai cricket khel turin an rawn lut duh anih chu mawle…football hian an nunah awmzia a nei ve love..Hui ham, kei mirethei hi ka van in lainat thin tak m!!! tih ngaihna awm der mai si lo………
ben vangchhia July 17, 2011 at 11:49 pm

wicket khatin kan hneh. huhu.. UAE nena an inkhelh hunah chuan Sitting room a mu duai chungin en ngei tawh ang. congrats team india.. jeje,didika & robert kan chhuang a che u.
ruata July 17, 2011 at 11:46 pm

2-1 in kan chak ta
Max July 17, 2011 at 11:44 pm

Kan chak e.. 🙂
Ramenga Post authorJuly 17, 2011 at 11:27 pm

India 2-1 Qatar. 74′ min.
ben vangchhia July 17, 2011 at 11:23 pm

http://myp2p.eu/index.php?part=sports ah hian zawng chhin teh u. no electricity tlat..
ben vangchhia July 17, 2011 at 11:08 pm

Substitution siam nual. jeje & didika pawh an la chhuak. roberta lut thung.
Ramenga Post authorJuly 17, 2011 at 11:06 pm

robert-a poh second half ah a rawn lut e. India team chu goalkeeper tih loh an inthlak vek. Live a en theihna link rawn share thei kan awm em aw..
jerome July 17, 2011 at 11:01 pm

TenAction+ pawh hi hetiang inkhel hlui tawh lutuk ai te chuan Rawn Live ve tur a lawm le/…. Hamaradesh tak hi chu awwww
ruata July 17, 2011 at 10:56 pm

live stream a en na link rn share thei in awm em
ben vangchhia July 17, 2011 at 10:45 pm

Cricket a ni lo khang lang a lawm. nise chu an pe chiang ang chu aw! half time a ni. didika’n a pet goal teuh thiak2. qatar hian an thiampuipate ho bench ah anla khek ve hlawm tih hria ila.
machhungi July 17, 2011 at 10:42 pm

A ho hle mai, ka chang ve char2 a, ka zawng kual vak vak a, khawiahmah an pe lo….
jerome July 17, 2011 at 10:42 pm

Rawn update teh u a enthei ho khan……………………….
Ramenga Post authorJuly 17, 2011 at 10:40 pm

Ten Action + ah khan an cancel leh a, hei TV ah an pechhuak lo. Halftime ah India 1-0 in an la chak mek e.
jerome July 17, 2011 at 10:34 pm

DD Sport berah pawh an Live chuang lo
jerome July 17, 2011 at 10:33 pm

khawiah nge an peka
ex.thlirtu July 17, 2011 at 10:29 pm

ka en ve thei miah lo. kan man ve lo a niang
Mike H Tlau July 17, 2011 at 10:22 pm

Qatar kan hneh emaw kan draw theih chuan India hmasawnna nasa tak a ni thei ang…
joe July 17, 2011 at 10:17 pm

Mins 16 na ah Sunil chhetri in penalty atangin Indai tan a score
Khiangtepa July 17, 2011 at 10:17 pm

Han report zel ru.. en ve thei lo tan..
ben vangchhia July 17, 2011 at 10:15 pm

An pe dawn lo. an cancelled leh. chhetri in a khung.
vala July 17, 2011 at 10:13 pm

va tan har ve !! an pe don lo a niang(?)
ruata July 17, 2011 at 10:13 pm

a chhuak dawn lo mi??
ben vangchhia July 17, 2011 at 9:59 pm

an va tan har e. an match pek lah khi 36mins chauh ni zui.
ben vangchhia July 17, 2011 at 9:51 pm

@Ramenga.. tenaction ho programme ah chuan 9:55p.m atangin a inti a. vawiin a an programme chu ala dik vek. mahse, india vs vietnam(HL) tur aiah La Liga khi anti daih. a laklawh ah anti tawp leh turah ngai phawt mai ang.
Ramenga Post authorJuly 17, 2011 at 9:46 pm

Engatinge Real madrid te khi an la inkhelh?
ben vangchhia July 17, 2011 at 9:18 pm

Tenaction+ ho hi an programme schedule angin an kal lo tlat. mahse, an live tho turah ngai ang.
ben vangchhia July 17, 2011 at 9:04 pm

Indian football ah chuan left & right midfield a a chhawr theih ve ve na hi a hlutna a ni. mahse, alaia a khelh tam chuan tun aiin a thlen san theih zawk ka beisei. india vs vietnam match(HL) en hmasak phawt a ngai dawn a ni maw!
Ramenga Post authorJuly 17, 2011 at 8:51 pm

didika chu nia a laia awmah ka lo awt thei lutuk. Jeje nen hian an inman sia, a sir atanga ball a vawrh luh thin pawh hi a tha thei khawp mai. Mahse tlanpeih deuh, tough tackling an tih ang chi kawppui a mamawh ka ring.
ben vangchhia July 17, 2011 at 8:41 pm

Didika center midfield ah ka tih na. defender chungchang ka sawi zui daih. Anwar Ali pawh coventry city ah kar 3 vel a train dawn kha.
ruata July 17, 2011 at 8:40 pm

Nakinnnn ah chuan MIZORAM hi Country pakhat anga kan din hun ah Mizo hlang in Internationnal game kan la khel ve dawn alawm. Vai tel lo in. 😀 tun ah rih chuan INDIA kan tan a ngai tlat.
ben vangchhia July 17, 2011 at 8:39 pm

Didika hi center ah a that ka ring tlat. raju pawh hi full back ah a that ka ring. indian center defender ah chuan gouramangi hi an luahlan thei tak2 lo a nih hi.
ruata July 17, 2011 at 8:37 pm

chak lo tur a rilru a dah ngawt chu ka duh bik miah lo. An chak ngei ka ring tlat 🙂
Ramenga Post authorJuly 17, 2011 at 8:36 pm

Jeje leh rindika te hi han kheltha em em bawk se. Raju throw pawh hmuh a chakawm leh tawh alawm le.
Vl Hma Hlondo July 17, 2011 at 8:28 pm

Ka va tang deuh ve le. INDIA AW CHAK CHAK INDIA AW CHAK CHAK…
elnino bza July 17, 2011 at 8:19 pm

Hmuhnawm don mange… mipui te pohin an level mila kan thlir thiam eroh atha khop ang…/
ben vangchhia July 17, 2011 at 8:18 pm

Jeje LalpekLUA tih khi. vai ho tak hi chu an va ngeiawm thin tak em. engpawh nise Indian Team a tel Mizo hming ziah sual a nih pawh a tha viau tho ah ngai ang.
Muantea July 17, 2011 at 8:07 pm

hmuhnawm dawn hi
ben vangchhia July 17, 2011 at 8:04 pm

Eee! friendly match mahnise a va hmuhnawm dawn ve aw!