Seattle University football team coach Peter Fewing-a’n an university chu National Championship-a a champion pui theih beiseiin Steven Jenkins-a chu an university team-ah beiseina sang tak nen a lalut a, mahse football ngaina em em Steven-a tan an university aiawha football khelh chu châk hle mahse a zinkawng zawh a dang ta daih mai.
Tuna America rama football league sangber Major League Soccer team ni ta Seattle Sounders player hlui Tommy Jenkins a fapa Steven hian football khelh châkin football chu a ‘dream’ ni mahse kum 2 a nih atanga lung natna vei a nih avangin a châk em em football khelh chu a duh angin a ti thei lo a, an university player tha pawl ni mahse a natna avang chuan football khelh bakah a zirlai – Bachelor in Criminal Justice chu a duh angin a chhunzawm thei lo a, a hun tam zawk chu thihna nen chak tumin an inbei dun a ni ta ringawt mai a ni.
Kum 2002 leh 2003 ah te an university player pawimawh tak a ni a, kum 2004 a lo in herchhuah meuh chuan a lung na chuan zual lam a pan a, kum 2005 a nih meuh chuan a zirlai leh football a ngainat em em chu a kalsan a ngai ta a.
Vanneihthlak takin lung pe tu a hmu a, tum 2 ngawt a lung hi khawih a ni a. Nunphung pangai in a nung chho tawh dawn emaw a intih hnu-in a thluakah bâwk inches 3 zet maia lian an han hmuchhuak leh a, a bawk sawp leh nghal a. Kum 2010 a lo nih chuan a thluaka bawk te chu paih niin football khelh leh tumin theihtawp a chhuah a, mahse a vanduaina a kaltluang a ni ang e – swine flu leh pneumonia avangin damdawiin khumah a hun a hmang leh ta!
Natna hrang hrangin a tihbuai hnu-ah hma a sawn chho hret hret a, kum 2011 ah chuan a lung an thlaksak-a pawh chu thlak a ngai tih thu an hre leh ta a, a rilru a hrehawmin thih mai pawi tih lohna pawh a nei chho a, chutiang chuan rilru hrehawm takin a hun a hmang chho a.
Chutianga hun harsa taka a awmlai chuan Seattle University football team-a amah lo kaihruai tawhtu an coach Peter Fewing-a nen khan an inbe fuh ta a. Chutah chuan coach Fewing chuan, “Kan pahnihin i tawngtai dun teh ang,” tiin mobile phone atang chuan an tawngtai dun ta a. Chu tak mai chu Steven-a mamawh em em mai a lo ni a, natna khum atang chuan, “Lalpa, ka nunna hi i ta a ni e. He ka natna hi tha taka zai hlawhtlin a nih chuan i duh ang takin ka hun ka hmang ang,” tiin a tawngtai ta a.
Chu an tawngtai ni atanga thla khat a tlinna ni chiah chiahah chuan damdawiin atangin phone call an dawng a, lung petu a hmuh mai bakah a taksa milpui chiah chiah a nih thu an dawng ta a. A lung thlak tur chuan an han zai a, buaina an tawk leh ta! A lung an thlakna lamah chuan a kal in hna a thawk lo tih an hre leh ta a, mahse a chhung leh khatte leh a thiante tawngtaina azarah an zai zawh meuh chuan a kal chuan tha takin hna a thawk leh ta a ni.
Seattle University a Bachelor of Criminal Justice zir tura a in putluh tirh atanga kum 15 a ral hnu-ah harsatna tam tak paltlangin degree a hmu ve thei ta a, chuta a tih hmasak leh ber chu an university khelmual-ah kalin kum 33 mi lo ni ta Steven chuan a ngainat em em football chu a pet leh ta a ni.
Get viagra
Overnight delivery viagra