Aizawl FC-in kumhlui thlah niah EMS Corporation Stadium, Kozhikode an tlawh a, inkhel pawimawh takah I League kai thar Gokulam Kerala FC an hmachhawn.
Mizo club hian Shillong Lajong an hneh loh hnuah hma an sawn zel tih a lang a, inkhel thunun chunga RG Stadium-a Minerva Punjab (2-1) an hneh hnuah Gokulam FC hi an mualah 2-0 in an luhchhuah leh bawk.
Gokulam defender Daniel Ashley Addo-a’n an lamah a tilut a, Aizawl FC tan Andrei Inonescu-a’n goal a khung belh. Romanian midfielder hi hero of the match a thlan a ni.
Alfred a sub!
AFC-in Minerva an hneh tumin Alfred Kemah Jaryan chu hun tawp dawnah lakchhuah a ni tawh a, hemi tum hian Mizo club captain hi a khel tha lo.
Inkhelh banah AFC coach Paulo Meneses chuan, “Alfred thlak kha a tulin ka hria a, tum tumah erawh Kareem -a kha ka rilruah a lang lo,” tiin a sawi. I League-ah hian foreigner paruk neih theih mah se playing eleven-ah panga chiah an awm theih avangin tu emaw ber chu bench-ah an thut zel a tul.
Shillong Lajong an hneh loh tumin Andrei Ionescu chu bench atangin a lut a, Kareem-a a thlak. Minerva nen erawh Romanian midfielder Andrei a dam tawh avangin Japanese striker Yugo Kobayashi hi bench-ah thuttir a ni.
Minerva nen hian Paulo-a’n thutluknaa siam fuh a, Alfred-a chhuah hnu chiahah Kareem-a’n a tauh lut a, Japanese striker Yugo pawh hian Andrei goal khungna turah hmun pawimawh tak a chang bawk.
Season liam taa I League best midfielder Alfred tan khelhna hmun chang turin a thawkrim lehzual a tul dawn a, chutihrualin a la tangkai chhoh ngei a rinawm bawk. Mohun Bagan an hmachhawn hunah Gokulam nena minute tlem zawk a khelh avangin thahrui a ngah sawt ang.
Captain thlaktu Valpuia
Tualchhung football-a Valpuia lar zawk chu Mizoram Police striker F. Lalrinpuia a ni a, Aizawl FC player Valpuia erawh hming la chher chho tur a ni. Ramhlun North tlangval Hmingthanmawia hi inhliam vangin season liam ta khan a inlan meuh lo a, MPL6-ah match thumah chiah a inlan avangin mi nawlpui hriat a hlawh lo. Chutirhualin tualchhung football ngaina ho tan erawh hriat theih turin hming a chher tawh.
MPL5-a Aizawl FC tlarhnung inhliam vanga an buai laiin academy atangin sawn chhoh a ni a, hnung tawlh zawngin a kal tawh lo. Hemi hnu hian National Junior Championship-ah Valpuia hi best player-ah thlan a ni a, Mizoram chu pahnihna a nih pui. I League-ah erawh defensive midfield hna pek a ni a, Portuguese coach Paulo-a’n a ring hle.
Minerva nen an inkhelh zawhah Paulo chuan, “Valpuia hian no. 6 role hi practice-naah a khel thin a, player fing tak a nih avangin helai hmuna awm tur hian a tha a ni,” tiin a sawi. RG Stadium-ah hian Mizo tlangval hi injury time-a goal an chhuah chhanah mawhphurtu ni mah se Portuguese coach-in a sawi ang ngeiin Gokulam nen an inkhelh tumin rinna a nghat ngam tih a tilang a, inkhel bul a tantir a ni.
First half-ah Valpuia hi a tlangnel tawk lo a, ball sem kawngah a tangkai tawk loh avangin AFC defender-ten ball an vawrh nasat phah hle. I League starting eleven hmasak berna a nih tih a lang tel bawk a, tihsual neuh neuh a ngah a, chung zinga langsar chu second half tantirh lama box pawn chiahah ho lam takin a handball.
Amaherawhchu hun tawp lamah erawh Valpuia’n midfield a thunun thei a, defensive midfielder ang thlapa ball pe kualin a thiamna ber centre defender a ni tih a hriat tawh loh. Ramhlun North tlangval hi a kum a la naupang a, khelhna hmun a chan zel theih chuan hmabak a nei êng hle.
Danglamna thlentu Andrei
Minerva nen Andrei Inonescu-a’n goal pawimawh a khung tawh a, Romanian midfielder hian cool takin Gokulam lamah a khung leh bawk. Goal luh theih nan H. Lalmuankima a thawh hlawk a, counter attack hmanga vaw let turin Bawngkawn tlangval hian a khalh thui hle. Chutihrualin goal khung tak hi thil harsa a ni a, Andrei erawhin awlsam hmel takin goal a khung.
Andrei hian David Lalrinmuana atangin thlawpna a hmu tha a, player langsar vut ni lo mah se danglamna thlen thei a ni. Chutihrualin Leonce Dodoz pawh MPL5-a Chanmari FC champion puitu ang tho kha a ni a, Indian player tan a tlan chakna chu dan harsa tham a ni a, Gokulam wing back a tlan pelh dan chu defender tana mualphona tham a tling. Amaherawhchu Dodoz hian goal khung a la harsat zel a, MK-a nen goal an khung loh bakah Gokulam nen hian goal zawnah an pet lo.
Tlarhnung a phui zel
AFC-in defence laia ding turin Kareem leh Masih Saighani te an neih avangin Mizo defender chan chu wing back a ni. I League-ah pawh MPL-a langsar nalh chin chu an tha chhunzawm zel a, hemi dikna hi right back R. Laldinliana’n a lantir nawn.
Vei lam kila tlan Lalramhmunmawia (Tea) pawh tum dang ang thoin a khel tha leh viau a, amaherawhchu a kum lam naupanna a lang leh zeuh thin. Hun tawp lamah MPL-a langsar pha C. Lalrosanga a rawn inlan a, Chanmari FC atanga AFC zawmtu hian hun rei lote chhungin a thatna tlem a zawng a pholang hman. Vei lamah kila awm tur pawh inchuhna a awm chho dawn a, tun tumah erawh Rosanga’n khelhna hun a neih rei loh avangin Tea aia thlan zawkna chhan tur a la awm lo a, an inel chho zel dawn.
An sang zel
Aizawl FC hian season tantirh lamah match an khelh tlem avangin table hnuai lam atangin bul an tan chhoh a tul a, tunah erawh table chanve chinah an awm chho leh ta.
Hei chauh hi a la ni lo, Mizo club hian match hnih an khelh leh tura hnehna an chan ve ve chuan tuna hmahruaitu East Bengal ai hian khelh zat inangah an sang zawk ang. Chutihrualin Aizawl FC tana paiwmawh tur erawh an hmachhawn leh tur Mohun Bagan hi a ni dawn a, January 7-a an inkhel tur hian team pahnih dinhmun a nghawng khawp ang.
Thlirna Tawi
Gokulam Kerala 0-2 Aizawl FC (FT)
AFC : Daniel Ashley Addo 45′ (OG); Andrei Inonescu 52′
Hero of the match : Andrei Ionescu (AFC)
Aizawl FC XI: Avilash Paul; R.Laldinliana, Masih Saighani, Kareem Omolaja, Lalramhmunmawia (C.Lalrosanga 88′), Hmingthanmawia, H.Lalmuankima, Leonce Dodoz, David Lalrinmuana (K.Lalthathanga 71′), Andrei Ionescu, Yugo Kobayashi (Alfred Jaryan 78′)
Subs lut lo te : Lalawmpuia, Rochharzela, S.Malsawmtluanga, William Lalnunfela
cialis for sale
cialis 5mg price
Branded cialis
Cialis for order